Home ព័ត៌មានអន្តរជាតិ ព្រះសង្ឃ​មី​យ...

ព្រះសង្ឃ​មី​យ៉ាន់​ម៉ា​ផ្តល់​ទី​អា​រ៉ា​ម​ធ្វើជា​ជម្រក​សត្វ​ពស់​អាសិរពិស

​ប្រែ​សម្រួល : កញ្ញា​ដា​លី​ស ៖ អង្អែល​ខ្នង​ពស់ថ្លាន់​យក្ស​មី​យ៉ាន់​ម៉ា​ថ្នមៗ​ព្រះ​តេជគុណ​វីឡា​ថា​កំពុង​ព្យាយាម​ដើរតួ​ជា​ផ្នែក​មួយ​ក្នុង​ការជួយ​សង្គ្រោះ​សត្វ​ពស់​ជាច្រើន​ប្រភេទ​ដែល​អាច​ត្រូវ​គេ​សម្លាប់​​ឬ​យកទៅលក់​នៅ​ទីផ្សារងងឹត​។​

​ព្រះសង្ឃ​ព្រះជន្ម ៦៩ វស្សា​អង្គ​នេះ​បាន​បង្កើត​ទី​ជម្រក​សម្រាប់​ពស់ មាន​ចាប់ពី​ពស់ថ្លាន់​រហូត​ដល់​ពស់​វែក​នៅ​ឯ​វត្ត​សេក​ថា​ធូ​ខា​ថេត​អ៊ូ​ក្នុង​ក្រុង​ពាណិជ្ជកម្ម​អ៊ូអរ យ៉ាំងហ្គោន​។​

​ចាប់តាំងពី​ជម្រក​សត្វ​ពស់​ត្រូវបាន​ដាក់​ឱ្យ​ដំណើរការ​កាលពី ៥ ឆ្នាំមុន ប្រជាជន​និង​ទីភ្នាក់ងារ​រដ្ឋាភិបាល​រួម​ទាំង​ផ្នែក​ពន្លត់​អគ្គិភ័យ​បាន​នាំ​យក​ពស់​ដែល​ចាប់បាន ទៅ​ប្រគេន​ព្រះសង្ឃ​។​

​ព្រះ​តេជគុណ​វីឡា​ថា ដែល​ចាត់ទុក​ពស់​ជា​កូនចៅ​របស់​ព្រះអង្គ បាន​មាន​សង្ឃដីកា​ថា “​ពី​មុន​គេ​ចាប់​ពស់​បាន គេ​យកទៅ​លក់​”​។​

​ព្រះអង្គ​បន្តទៀតថា ការ​ដែល​មាន​ទីសក្ការៈ​ព្រះពុទ្ធ​សាសនា​បែប​នេះ​នៅក្នុង​ប្រទេស​មី​យ៉ាន់​ម៉ា​មានន័យថា​ប្រជាជន​អាច​ទទួលបាន​បុណ្យ​កុសល​តាមរយៈ​ការ​ប្រគេន​ពស់​ដល់​ព្រះសង្ឃ​​ជាជាង​សម្លាប់​ឬ​លក់​ពួកវា​។​

​យោង​តាម​ក្រុម​អ្នក​អភិរក្ស​សត្វ​បានឱ្យដឹង​ថា​ប្រទេស​អាស៊ី​អាគ្នេយ៍​មួយ​នេះ​បាន​ក្លាយជា​មជ្ឈមណ្ឌល​ពិភពលោក​ក្នុងការ​ធ្វើ​ជំនួញ​សត្វព្រៃ​ខុស​ច្បាប់​ដោយ​សត្វ​ពស់​តែង​ត្រូវ​គេ​លួច​រត់ពន្ធ​ទៅ​ប្រទេស​​ជិតខាង​ដូចជា​ចិន​និង​ថៃ​៕

ព្រះ​តេជគុណ​វីឡា​ទទួល​យក​ពស់​គ្រប់​ប្រភេទ​មក​នៅ​វត្ត​របស់​ព្រះអង្គ​

ទីតាំងផ្សាយពាណិជ្ជកម្ម

- Advertisment -

Most Popular