Home ព័ត៌មានជាតិ នយោបាយ សម្តេច​ក្រឡាហ...

សម្តេច​ក្រឡាហោម ស ខេង បញ្ជា​ឲ្យ​ស្រាវជ្រាវ តាម​ចាប់​ឱ្យបាន​ជនបង្ក​គ្រោះថ្នាក់​ចរាចរណ៍​ដែល​រត់គេចខ្លួន​

ដោយ​: មុនី​រត្ន / ភ្នំពេញ​: សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ និង​ជា​ប្រធាន​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក បាន​បញ្ជា​ឲ្យ​ស្រាវជ្រាវ តាម​ចាប់​ឱ្យបាន​នូវ​ជនបង្ក​គ្រោះថ្នាក់​ចរាចរណ៍​ផ្លូវគោក​ដែល​រត់គេចខ្លួន ដើម្បី​បញ្ជូនទៅ​តុលាការ​ផ្ដន្ទាទោស​តាមច្បាប់ ។

សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ និង​ជា​ប្រធាន​គណៈកម្មាធិការ​ជាតិ​សុវត្ថិភាព​ចរាចរណ៍​ផ្លូវគោក (រូប៖ មុនីរ័ត្ន)

​សម្តេច​ក្រឡាហោម ស ខេង បានចេញ​សេចក្តីណែនាំ​ស្តីពី​វិធានការ​បង្ការ និង​ទប់ស្កាត់​កំណើន​ចរាចរណ៍​ផ្លូវគោក កាលពី​ថ្ងៃទី​៣ ខែធ្នូ ឆ្នាំ​ាំ​២០២០ ឲ្យ​អនុគណៈកម្មការ​សុវត្ថិភាព​ចរាចរណ៍​ផ្លូវគោក​រាជធានី ខេត្ត ត្រូវ​ជម្រុញ​ចាត់វិធានការ​បង្កើន​ការ​រឹតបន្ដឹង​អនុវត្ត​ច្បាប់​ស្តីពី​ចរាចរណ៍​ផ្លូវគោក​តាម​ផែនការ​សកម្មភាព​លេខ ០០៣/២០ ចុះ​ថ្ងៃទី​០៣ ខែកុម្ភៈ ឆ្នាំ​២០២០ របស់​អនុគណៈកម្មការ​ទី​២ និង​តាម​បទពិសោធន៍​ជាក់ស្តែង ដោយ​ផ្តោតលើ មុខសញ្ញា​បង្ក​គ្រោះថ្នាក់ មូលហេតុ​នាំឱ្យមាន​គ្រោះថ្នាក់ ពេលវេលា និង​ទីកន្លែង​ដែល​កើតឡើង​នូវ​ហេតុការណ៍ គ្រោះថ្នាក់ ដើម្បី​ដាក់ចេញ​វិធានការ​ឱ្យបាន​សមស្រប និង​មាន​ប្រសិទ្ធភាព​ខ្ពស់​។ ជាមួយនេះ ត្រូវ​ចាត់​ស្រាវជ្រាវ តាម​ចាប់​ឱ្យបាន​នូវ​ជនបង្ក​គ្រោះថ្នាក់​ចរាចរណ៍​ផ្លូវគោក​ដែល​រត់គេចខ្លួន ដើម្បី​បញ្ជូនទៅ​តុលាការ​ផ្ដន្ទាទោស តាមច្បាប់ និង​ត្រូវ​ចែករំលែក​ព័ត៌មាន សាវតារ​ជាតិ​របស់​ជនបង្ក​ដែល​រត់គេចខ្លួន ជូន​ដល់​គ្រប់​ក្រុមហ៊ុន សហគ្រាស ទាំង​រដ្ឋ និង​ឯកជន​ដែល​ពាក់ព័ន្ធ ឱ្យបាន​ជ្រាប និង​ចូលរួម​សហការ​បង្កើន​ការរៀបចំ​សណ្តាប់ធ្នាប់​ចរាចរណ៍​ឱ្យមាន​របៀបរៀបរយ ដោយ​ធ្វើការ​រឹតបន្ដឹង​អនុវត្ត​ច្បាប់​
​ចំពោះ​ករណី​ល្មើស​ក្នុង​ការចត​យានយន្ត ការមិន​គោរព​ភ្លើង​សញ្ញា ផ្លាកសញ្ញា គំនូស​សញ្ញា និង​ការប្រើប្រាស់ ចិញ្ចើមផ្លូវ​ដោយ​គ្មាន​ការអនុញ្ញាត​។ ជាមួយនេះ ត្រូវ​យកចិត្តទុកដាក់​ដោះស្រាយ​ការកកស្ទះ​ចរាចរណ៍​ឱ្យ​កាន់ តែមាន​ប្រសិទ្ធភាព​ថែមទៀត​។ បង្កើន​ការផ្សព្វផ្សាយ​អប់រំ​ច្បាប់​ស្តីពី​ចរាចរណ៍​ផ្លូវគោក​ឱ្យ​កាន់តែ​ទូលំទូលាយ​ថែមទៀត តាម​គ្រប់​រូបភាព​ជាប្រចាំ ដល់​គ្រប់​មូលដ្ឋាន និង​គ្រប់​វេទិកាសាធារណៈ ដើម្បី​ផ្តល់​ចំណេះដឹង​សុវត្ថិភាព​ចរាចរណ៍​ផ្លូវគោក ដល់​អ្នកប្រើប្រាស់​ផ្លូវ​គ្រប់រូប​។ ត្រូវ​ពង្រឹង​ថែមទៀត​នូវ​ប្រព័ន្ធ​សង្គ្រោះបន្ទាន់​ដល់​ជនរងគ្រោះ​ថ្នាក់​ចរាចរ​ណ៍​ផ្លូវគោក អំពី​យន្តការ មធ្យោបាយ និង​ការទំនាក់ទំនង​ព័ត៌មាន សំដៅ​ធ្វើការ​សង្គ្រោះ​ប្រកបដោយ​ជំនាញ​វិជ្ជាជីវៈ និង​បាន​ឆាប់​ទាន់ ពេលវេលា​។​

​សម្តេច​ក្រឡាហោម ស ខេង បញ្ជាក់ថា អនុវត្តតាម​ទិសដៅ​ការងារ​សុវត្ថិភាព​ចរាចរណ៍​ដែល គ​.​ស​.​ច​.​គ​.​បានកំណត់​យក​ឆ្នាំ​២០២០ ដើម្បី​ធ្វើការ​រឹតបន្ដឹង​អនុវត្ត​ច្បាប់​ស្តីពី​ចរាចរណ៍​ផ្លូវគោក គ​.​ស​.​ច​.​គ​. បាន​ចង្អុល​ដឹកនាំ​ដល់​កងកម្លាំង​នគរបាល​ចរាចរណ៍ ផ្លូវគោក​ធ្វើការ​រឹតបន្ដឹង​អនុវត្ត​ច្បាប់​ស្តីពី​ចរាចរណ៍​ផ្លូវគោក ទទួលបាន​លទ្ធផល​ល្អប្រសើរ​គួរ​ជាទី​មោទនៈ ដោយ ក្នុង​រយៈពេល​១០​ខែ នៃ​ឆ្នាំ​២០២០ បាន​កាត់បន្ថយ​គ្រោះថ្នាក់​ចរាចរណ៍​ចំនួន ៧៧៨​លើក ស្មើ​២៣% (២.៦៧៥ ៣.៤៥៣​លើក​) អ្នកស្លាប់​បាន​ថយចុះ​ចំនួន ២៨៨​នាក់ ស្មើ​១៧% (១.៣៦៨/ ថយចុះ​ចំនួន ១.២០៧​នាក់ ស្មើ​២៣% (៤.០០៧ / ១,៦៥៦​នាក់​) និង​អ្នករបួស /៥.២១៤​នាក់​) បើ​ប្រៀបធៀប​រយៈពេល​ដូចគ្នា​នា​ឆ្នាំ​២០១៩​។​

រូបភាពគ្រោះថ្នាក់ចរាចរណ៍នាពេលកន្លងមក

​គ​.​ស​.​ច​. គ​. សូម​កោតសរសើរ និង​វាយតម្លៃ​ខ្ពស់ ចំពោះ​ស្មារតី​យកចិត្តទុកដាក់​បំពេញ​ភារកិច្ច ដ៏​ថ្លៃថ្លា​ប្រកបដោយ​ស្មារតី​ទទួលខុសត្រូវ​របស់​ម​ន្ត្រី​នគរបាល​ចរាចរ​ណ៍​ផ្លូវគោក មន្ត្រី​សាធារណការ និង​ដឹកជញ្ជូន និង​សមត្ថកិច្ច​ពាក់ព័ន្ធ ក្នុងការ​ត្រួតពិនិត្យ រឹតបន្ដឹង​អនុវត្ត​ច្បាប់​ស្តីពី​ចរាចរណ៍​ផ្លូវគោក និង​ការផ្សព្វផ្សាយ​អប់រំ​ច្បាប់ ដែល​បាន​នាំឱ្យ​ទទួលលទ្ធផល​ជា​វិជ្ជមាន​។

​គ​.​ស​.​ច​.​គ​. សូម​កោតសរសើរ និង​ថ្លែងអំណរគុណ​យ៉ាង​ជ្រាលជ្រៅ ចំពោះ​អ្នកប្រើប្រាស់​ផ្លូវ​ដ៏​ច្រើន​លើសលប់ ដែល​បាន​ចូលរួម​គោរព​ច្បាប់​ស្តីពី​ចរាចរណ៍​ផ្លូវគោក​ប្រកាន់ខ្ជាប់​នូវ ស្មារតី​ប្រុងប្រយ័ត្ន បើកបរ​ប្រកបដោយ​សុជីវធម៌ និង​ការយោគយល់​គ្រប់​កាលៈទេសៈ​។​

​បើទោះបី​ស្ថានភាព​ហាក់​ប្រសើរ​ជាង​មុន​ក្ដី ក៏ប៉ុន្តែ គ​.​ស​.​ច​.​គ​. ពិនិត្យឃើញថា គ្រោះថ្នាក់​ចរាចរណ៍ ផ្លូវគោក​នៅតែ​បង្ក​ហានិភ័យ​ខ្ពស់​ធៀប​ទៅនឹង​គ្រោះថ្នាក់​សង្គម​នានា ដែល​បណ្តាលឱ្យ​បាត់បង់​ជីវិត រងរបួស ខ្ញុំ​ច​ខាត​ទ្រព្យសម្បត្តិ និង​ប៉ះពាល់​ដល់​ជីវភាព​នៃ​គ្រួសារ​រងគ្រោះ​ជាច្រើន​ទៀតផង​។ ដូចនេះ​ដើម្បី​កាត់បន្ថយ ហា​នី​ភ័យ​នេះ​ឱ្យ​ថយចុះ និង​ដើម្បី​ជំរុញ​ការរក្សា​សុវត្ថិភាព​ចរាចរណ៍​ផ្លូវគោក ឱ្យ​កាន់តែ​ល្អប្រសើរ​ថែមទៀត គ​.​ស​.​ច​.​គ​. ដាក់ចេញ​វិធានការ​បង្ការ និង​ទប់ស្កាត់​កំណើន​នៃ​គ្រោះថ្នាក់​ចរាចរណ៍​ផ្លូវគោក​៕​

ទីតាំងផ្សាយពាណិជ្ជកម្ម

- Advertisment -

Most Popular