Home ព័ត៌មានជាតិ សន្តិសុខ បុរស​ម្នាក់​ជ...

បុរស​ម្នាក់​ជិះ​កង់​ហាត់ប្រាណ ត្រូវ​រថយន្ត​ធុន​ធំ បុក​ពីក្រោយ បណ្តាលអោយ​រងរបួស​ធ្ងន់​

ដោយៈ ស​រិ​ទ្ធ​/​កណ្ដាលៈ បុរស​ម្នាក់ កំពុង​ជិះ​កង់​ហាត់ប្រាណ ត្រូវ​រថយន្ត​ធុន​ធំ​មួយគ្រឿង បើក​រេ​ចង្កូត ជ្រុល​ទៅបុក​ពីក្រោយ បណ្តាលអោយ រងរបួស​ធ្ងន់ បាក់​ភ្លៅ​ខាងស្ដាំ កាលពី​វេលា​ម៉ោង ៥ និង​៥៥​នាទី ព្រឹក​ថ្ងៃទី​៤ ខែធ្នូ ឆ្នាំ​២០២០​នេះ នៅតាម​បណ្ដោយ​ផ្លូវជាតិ លេខ​២១B ស្ថិតក្នុង​ភូមិ​ព្រែក​សំរោង​៣ សង្កាត់​តាខ្មៅ ក្រុង​តាខ្មៅ ខេត្តកណ្ដាល ។​

​លោក​វរសេនីយ៍ឯក យី វណ្ណដា អធិការនគរបាល ក្រុង​តាខ្មៅ បាន​ឲ្យ​ដឹងថា ជនរងគ្រោះ ឈ្មោះ អ៊ុក រ៉ាស៊ី អាយុ​៤៥​ឆ្នាំ រស់នៅ​ភូមិ​ចាក់អង្រែ​ក្រោម សង្កាត់​ចាក់អង្រែ​ក្រោម ខណ្ឌមានជ័យ រាជធានី​ភ្នំពេញ រងរបួស​បាក់​ភ្លៅ ត្រូវបញ្ជូន​ទៅកាន់​មន្ទី​ពេទ្យ​ដើម្បី​សង្គ្រោះ បន្ទាន់​។ ចំណែក​អ្នកបើករថយន្ត ឈ្មោះ ថូ​យ វណ្ណៈ ភេទ​ប្រុស អាយុ​២៥​ឆ្នាំ រស់នៅ​ភូមិ ព្រែកត្រែង សង្កាត់​សិត្បូ ក្រុង​តាខ្មៅ ខេត្តកណ្ដាល បើករថយន្ត​ដឹកទំនិញ​ធុន​ធំ ពណ៌​ខៀវ ពាក់​ស្លាក​លេខ ភ្នំពេញ 3B-3634 ជា​កម្មសិទ្ធិ​របស់​ក្រុមហ៊ុន (​ស៊ី​ហ៊រ​ហ៊ុយ​) ។​

​ដោយឡែក បើ​សាក្សី​នៅ​កន្លែងកើតហេតុ បាន​ប្រាប់ថា នៅ​មុនពេល​កើតហេតុ គេ​ឃើញ ជនរងគ្រោះ កំពុង​ជិះ​កង់​គួ​ក ដើម្បី​ហាត់ប្រាណ តាម​បណ្ដោយ​ផ្លូវជាតិ លេខ​២១B ក្នុងទិសដៅ​ពី​ត្បូង​ទៅ​ជើង ។ ដល់​ចំណុចកើតហេតុ ខាងលើ ស្រាប់​តែមាន​រថយន្ត មួយគ្រឿង មក​បុក​ពីក្រោយ បណ្ដាល​ឲ្យ​បាក់​ភ្លៅ​ខាងស្ដាំ តែម្ដង ។ ក្រោយ​កើតហេតុ​ភ្លាមៗ អ្នកបើកបរ​រថយន្ត ត្រូវ​ប្រជាពលរដ្ឋ និង​ក្រុម​អ្នកជិះ​កង់​ហាត់ប្រាណ ឃាត់ខ្លួន​ប្រគល់ អោយ​សមត្ថកិច្ច បញ្ជូន​មកកាន់​អធិការដ្ឋាន នគ​បាល​ក្រុង​តាខ្មៅ ។ រីឯ​រថយន្ត​បង្ក និង​កង់​រង​ការខូចខាត មន្ត្រីប៉ូលិស​ចរាចរណ៍ ដឹក​មករ​ក្សា ទុកជា​វត្ថុតាង រង់ចាំ​ដោះស្រាយ នៅពេល​ក្រោយ ៕​PC

ទីតាំងផ្សាយពាណិជ្ជកម្ម

- Advertisment -

Most Popular