Home ព័ត៌មានអន្តរជាតិ ជាង​១៦​ពាន់​ន...

ជាង​១៦​ពាន់​នាក់​កំពុង​ធ្វើ​ចត្តា​ឡី​ស័កនិង​តាមដាន​កូវី​ដ​១៩​នៅ​វៀតណាម​

​ប្រែ​សម្រួលៈ​វាសនា​/​ហាណូយ​៖​មនុស្ស​ជិត​១៦.៦០០​នាក់ កំពុង​ត្រូវបាន​ធ្វើ​ចត្តា​ឡី​ស័កនិង​តាមដាន នេះ​បើ​តាម​ក្រសួង​សុខាភិបាល​វៀតណាម​បាន​បញ្ជាក់​កាលពី​ថ្ងៃ​០៣​ធ្នូ នៅ​ពេល​ប្រទេស​នេះ​ព្យាយាម​​ទប់​ការឆ្លង​រាលដាល​កូវី​ដ​១៩​នៅក្នុង​សហគមន៍​សាជាថ្មី ។​

​វៀតណាម​បាន​រាយការណ៍​រកឃើញ​អ្នក​ឆ្លងកូវី​ដ​១៩​ថ្មី​ចំនួន​៣​នាក់​កាលពី​ថ្ងៃ​ព្រហស្បតិ៍ នាំអោយ​ប្រទេស​នេះ​មាន​អ្នក​ឆ្លង​សរុប​១.៣៦១​នាក់ និង​៣៥​នាក់​ស្លាប់​។​

​ករណី​ឆ្លង​ថ្មី​នេះ​រួម​មាន​ជនជាតិ​នេ​ប៉ាល់​ម្នាក់​និង វៀតណាម​២​នាក់ ដែល​ទើប​ចូលមក​ពី​បរទេស​កាលពី​ពេល​ថ្មីៗ និង​បាន​ធ្វើ​ចត្តា​ឡី​ស័ក​ពេល​ចូល​មក​ដល់​។​

​អំពី​ការឆ្លង​ក្នុង​សហគមន៍​កាលពី​ពេល​ថ្មីៗ​នៅ​វៀតណាម​ប៉ូលិស​ក្រុង​ហូជីមិញ​កាលពី​ថ្ងៃ​ព្រហស្បតិ៍​បាន​សំរេច​ចាប់ផ្តើម​ដំណើរការ​ស៊ើបអង្កេត​ព្រហ្មទណ្ឌ​ប្រឆាំង​អ្នក​ដែល​បាន​ចម្លង​កូវី​ដ​១៩​ដោយសារ​​តែ​រំលោភ​វិធាន​ការពារ​ជំងឺឆ្លង​នេះ​។​វា​រួម​មាន អ្នក​បំរើការ​លើ​យន្តហោះ​ម្នាក់ ដែល​បាន​រំលោភ​ច្បាប់​ធ្វើ​ចត្តា​ឡី​ស័ក និង​បាន​ចម្លង​វីរុស​ទៅកាន់​មនុស្ស​៣​នាក់​ទៀត​។​

​អ្នក​បំរើការ​លើ​យន្តហោះ​នេះ ជា​ករណី​ឆ្លងកូវី​ដ​១៩​លើកដំបូង​នៅ​វៀតណាម ក្រោយ​ប្រទេស​នេះ​មិន​មាន​សេចក្តីរាយការណ៍​អំពី​ការឆ្លង​ក្នុង​សហគមន៍​អស់​ពេល​ជិត​៩០​ថ្ងៃ​។​

​កាលពី​ថ្ងៃ​០៣​ធ្នូ នាយកដ្ឋាន​អប់រំ​និង​បណ្តុះបណ្តាល​ក្រុង​ហូជីមិញ​បានប្រកាសថា សិស្ស​និស្សិត​និង​គ្រូ​ប្រមាណ​១៧០.០០០​នាក់​នៅ​មត្តេយ្យសាលា​រហូត​ដល់​ស​កល​វិទ្យាល័យ ត្រូវ​បាន​ស្នើ​អោយ​ស្នាក់នៅ​ផ្ទុះ ​ជា​ផ្នែក​នៃ​វិធានការ​បង្ការ​កូវី​ដ​១៩៕

​អ្នក​បំរើការ​លើ​យន្តហោះ​វៀតណាម​ម្នាក់​ប្រឈម​ទោស​ព្រហ្មទណ្ឌ​ដោយសារ​បាន​ចម្លង​កូវី​ដ​១៩ និង​អ្នក​ផ្សេង​ទៀត​អាច​នឹង​ត្រូវ​បណ្តេញចេញ​ពី​ការងារ​បើ​ហ៊ាន​រំលោភ​វិធាន​ចត្តា​ឡី​ស័កនិង​ចម្លង​វីរុស​កូរ៉ូណា​

ទីតាំងផ្សាយពាណិជ្ជកម្ម

- Advertisment -

Most Popular