សាខា ក​.​ប​.​ប​. ខេត្ត​ព្រះសីហនុ ដកហូត​ឱសថ​បំប៉ន​សុខភាព ដែល​ហួស​កាលបរិច្ឆេទ ប្រើប្រាស់ចំនួន៤កុងតឺន័រ​

ដោយៈ ស​រិ​ទ្ធ/ព្រះសីហនុៈ សាខា​ការពារ​អ្នកប្រើប្រាស់ កិច្ចការ​ប្រកួតប្រជែង និង​បង្ក្រាប ការ​ក្លែងបន្លំ (​ក​.​ប​.​ប​.) ខេត្ត​ព្រះសីហនុ បាន​ដកហូត​ឱសថ បំប៉ន​សុខភាព ដែល​ហួស​កាល បរិច្ឆេទ​ប្រើប្រាស់ សរុប​ចំនួន ៤ កុងតឺន័រ កាលពី​ថ្ងៃទី​៣ ខែធ្នូ ឆ្នាំ​២០២០​។​

​ដោយមាន​ការស្នើសុំ​កិច្ចសហការ ពី​សាខាគយ និង​រដ្ឋាករ​កម្ពុជា មន្ត្រី​សាខា ក​.​ប​.​ប​. ខេត្ត​ព្រះសីហនុ សហការ​ត្រួតពិនិត្យ និង​វាយតម្លៃ​គុណភាព ផលិតផល​ឱសថ​បំប៉ន សុខភាព មាន​ប្រភព​មកពី​ប្រទេសក្រៅ ចំនួន ៤​កុងតឺន័រ របស់​ក្រុមហ៊ុន JIN HAE INVESTMENT CO.,LTD​។​

​ក្នុង​សកម្ម​ភាពចុះ​ត្រួតពិនិត្យ មន្ត្រី​ជំនាញ បាន​ត្រួតពិនិត្យ​លើ​ផលិតផល ឱសថ​បំប៉ន សុខភាព រួមមាន​៖ OCTA-Z ចំនួន ៣០ ប៉ា​ឡែ​ត ស្មើនឹង ១២៦ កេស​, CHANGE ចំនួន ២ ប៉ា​ឡែ​ត ស្មើនឹង ៤៨ កេស​, YA HWANG SAM ចំនួន ៤ ប៉ា​ឡែ​ត ស្មើនឹង ៩៦ កេស​, GAN BO HO ចំនួន ២ ប៉ា​ឡែ​ត ស្មើនឹង ៦០ កេស សរុប​ទាំងអស់​ស្មើនឹង ៣៣០ កេស​។​

​ក្រោយពី​ការត្រួតពិនិត្យ​រួចមក ជា​លទ្ធផល​ផលិតផល បំប៉ន​សុខភាព ខាងលើ ហួស​កាល បរិច្ឆេទ ប្រើប្រាស់​ទាំងអស់​។ បន្ទាប់មក សមត្ថកិច្ច​ចម្រុះ បាន​កិប​សៀ លើ​ទូ​កុងតឺន័រ រក្សាទុក​នៅ​ទីលាន​កំពង់ផែ និង​រង់ចាំ​ម្ចាស់​ទំនិញ ចូលមក​ដោះស្រាយ តាម​នីតិវិធី​៕​PC

ទីតាំងផ្សាយពាណិជ្ជកម្ម

- Advertisment -

Most Popular