Home ព័ត៌មានជាតិ សន្តិសុខ មនុស្ស​ជាង ៩០...

មនុស្ស​ជាង ៩០០​នាក់​ស្លាប់ និង​ជាង ២៧០០​នាក់​របួស​នៅក្នុង​គ្រោះថ្នាក់​ចរាចរណ៍​២១៨​ថ្ងៃ​

ដោយ​: មុនី​រ័ត្ន / ភ្នំពេញ​: គ្រោះថ្នាក់​ចរាចរណ៍​រយៈ​ពេល ២១៨​ថ្ងៃ គិត​ចាប់ពី​ថ្ងៃទី​១ ខែឧសភា ដល់​ថ្ងៃទី​០៤ ខែធ្នូ ឆ្នាំ​២០២០ បាន​កើតឡើង​ចំនួន ១៧៩៥​លើក ស្លាប់ ៩០៧​នាក់ និង​របួស ២៧០១​នាក់ ក្នុងនោះ​រងរបួស​ធ្ងន់​ចំនួន ១៦៣១​នាក់​។ សម្រាប់​គ្រោះថ្នាក់​ចរាចរណ៍​នៅ​ថ្ងៃទី​៤ ខែធ្នូ ឆ្នាំ​២០២០ កើតឡើង ៨​លើក ស្លាប់ ៣​នាក់ របួស ១០​នាក់ ក្នុងនោះ​ធ្ងន់ ៦​នាក់ និង​ស្រាល ៤​នាក់​។ នេះ​បើតាម​ការ​ឲ្យ​ដឹង​ពី​លោក​ឧ​ត្ត​ម​សេនីយ៍​ឯក ឆាយ គឹម​ខឿន អគ្គ​ស្នងការរង​នគរបាលជាតិ និង​ជា​អ្នកនាំពាក្យ​។​

រូបភាពគ្រោះថ្នាក់ចរាចរណ៍នាពេលកន្លងមក

​លោក​បាន​បន្តថា សម្រាប់​លទ្ធផល​រឹតបន្តឹង​ការអនុវត្ត​ច្បាប់​ចរាចរណ៍​ផ្លូវគោក តាម​ស្មារតី​អនុក្រឹត្យ​លេខ​៣៩ រយៈពេល ២១៨​ថ្ងៃ គិត​ចាប់ពី​ថ្ងៃទី​១ ខែឧសភា ដល់​ថ្ងៃទី​០៤ ខែធ្នូ ឆ្នាំ​២០២០ យានយន្ត​ដែល​ត្រូវបាន​ត្រួតពិនិត្យ និង​ផាកពិន័យ សរុប​ចំនួន ២២៩៦៨៦​គ្រឿង ក្នុងនោះ​ម៉ូតូ​មាន​ចំនួន ១៦៩៤២៨​គ្រឿង និង​រថយន្ត​មាន​ចំនួន ៦០២៥៨​គ្រឿង​។

​អ្នកនាំពាក្យ​បាន​បញ្ជាក់ថា បទល្មើស​ភាគច្រើន​សម្រាប់​ម៉ូតូ និង​រថយន្ត គឺ​អត់​ពាក់មួក​សុវត្ថិភាព ល្មើស​សញ្ញា បត់​ជែង លើស​ចំណុះ ស្រវឹង អត់​ផ្លាកលេខ ល្មើស​ល្បឿន អត់​ប័ណ្ណបើកបរ អត់​ខ្សែក្រវ៉ាត់ គ្មាន​ស្លាក​លេខ និង​និយាយ​ទូរស័ព្ទ​ពេល​បើកបរ​៕​

ទីតាំងផ្សាយពាណិជ្ជកម្ម

- Advertisment -

Most Popular