Home ព័ត៌មានជាតិ សង្គម ​អង្គការ​ឃែ ផ...

​អង្គការ​ឃែ ផ្តល់​សំភារ ដល់​មន្ទីរ​កិច្ចការនារី រាជធានី​ភ្នំពេញ ដើម្បី​ប្រើប្រាស់​ការពារ ទប់ស្កាត់​ការឆ្លង​រាលដាល ជំងឺ​កូ​វីដ​១៩

ដោយៈ មុនី រ័ត្ន / ភ្នំពេញៈ អង្គការ​ឃែ បានផ្តល់​សំភារៈ​មួយចំនួន ដល់​មន្ទីរ​កិច្ចការនារី រាជធានី​ភ្នំពេញ ដើម្បី​ប្រើប្រាស់​ការពារ ទប់ស្កាត់​ការ ឆ្លង​រាលដាល ជំងឺ​កូ​វីដ​១៩​។ សំភារ​ដែល​អង្គការ ឃែ ឧបត្ថម្ភ​ដល់ មន្ទីរ​កិច្ចការនារី រាជធានី​ភ្នំពេញ រួមមាន ម៉ាស ជែ​ល និង​សាប៊ូ​សម្រាប់​លាងដៃ សម្លាប់​មេរោគ​។ ការផ្តល់​នេះ បានធ្វើ​ឡើង នៅ​ថ្ងៃទី​៤ ខែធ្នូ ឆ្នាំ​២០២០​។​

​សំភារ​ទាំងនោះ មន្ទីរ​កិច្ចការនារី​រាជធានី​ភ្នំពេញ បានផ្តល់​ជូន​មន្ត្រី​បំរើការ នៅក្នុង​មន្ទីរ និង​ផ្តល់​ទៅ​ខណ្ឌ​ចំនួន ២ ទៀត មាន​ខណ្ឌ​សែន​សុខ (​ចំនួន​២ សង្កាត់ រួមមាន សង្កាត់​សង្កាត់​ទឹកថ្លា និង​សង្កាត់​ភ្នំពេញ​ថ្មី​) និង​ខណ្ឌ​ពោធិ៍​សែន​ជ័យ ចំនួន​២​សង្កាត់ (​សង្កាត់​កា​កាប​ទី​២ និង​សង្កាត់​ចោមចៅ​ទី​១)​។​

​លោកស្រី កាន់ រតនៈ​ឧប្បល ប្រធាន​មន្ទីរ​កិច្ចការនារី រាជធានី​ភ្នំពេញ បាន​អំណរគុណ ដល់​អង្គការ​ឃែ ប្រចាំ​នៅ​កម្ពុជា ដែលមាន​កិច្ចសហការ​យ៉ាង​ល្អ និង​បានផ្តល់​សំភារ​ការពារ​ជំងឺ​កូ​វីត​១៩ ដើម្បី​ផ្តល់ជូន​ប្រជាពលរដ្ឋ ក្នុង​មូលដ្ឋាន ដែលជា​ការចូលរួម ទប់ស្កាត់​ជំងឺ​កូ​វីត ១៩ នៅ​កម្ពុជា ឲ្យ​ទទួលបាន​ជោគជ័យ​។​

​ជាមួយគ្នា​នោះដែរ លោកស្រី បាន​រំលឹកថាៈ “​យើង​គ្រប់គ្នា អាច​ភ្លេច​កូ​វីដ ១៩​បាន តែ​កូ​វីដ​១៩ មិនដែល​ភ្លេច​យើង​ទេ ដូច្នេះ​យើង​ត្រូវ​បន្ត​អនុវត្ត​វិធាន ការពារ​អនាម័យ ឲ្យ​បាន​ត្រឹមត្រូវ​ជាប្រចាំ​”​។ លោកស្រី កាន់ រតនៈ​ឧប្បល បាន​មានប្រសាសន៍ លើកទឹកចិត្ត​ដល់ ប្រជាពលរដ្ឋ​ទាំងអស់ និង​ខណ្ឌ​គោលដៅ សូម​បន្ត​អនុវត្ត និង​បង្កើន​នូវ​ការប្រុងប្រយ័ត្ន ឲ្យ​បាន​ខ្ពស់​ទាំងអស់គ្នា ប្រយុទ្ធប្រឆាំង​ជំងឺ​កូ​វីដ​១៩ ដោយ​គ្រប់ៗ​គ្នា ត្រូវ​អនុវត្តតាម​វិធាន​អនាម័យ របស់​ក្រសួងសុខាភិបាល ដែល​បាន​ណែនាំ ដូចជា លាងដៃ​ជាមួយ​សាប៊ូ អាកុល​ឬ​ជែ​ល ពាក់​ម៉ាស ពេល​ទៅ​ទីប្រជុំជន​នានា និង​ហាត់ប្រាណ ក៏ដូចជា​បន្ត​រក្សា​គម្លាត​សង្គម ពីគ្នា ១​ម៉ែត្រ​កន្លះ និង​វាស់​កំដៅ​ជាប្រចាំ​៕/V​

ទីតាំងផ្សាយពាណិជ្ជកម្ម

- Advertisment -

Most Popular