Home ព័ត៌មានជាតិ សង្គម អភិបាល​រាជធាន...

អភិបាល​រាជធានី​ជួយ​ស្ថាបនា​សួនច្បារ​មួយកន្លែង​នៅមុខ​សាលាបឋមសិក្សា​កន្ទោក​តា​ម​បណ្ដោយ​ផ្លូវជាតិ​លេខ​៤​ភូមិ​ព្រៃ​បឹង​សង្កាត់​កន្ទោក​

ដោយ​៖​រ៉ា​ម៉ន / ភ្នំពេញ​៖ កាលពី​ថ្ងៃ ទី​៣ ខែធ្នូ ឆ្នាំ​២០២០ លោក ឃឹម ស៊ុន​សូ​ដា អភិបាលខណ្ឌ​កំបូល រួម​ជា​លោក យ៉ង់ ស៊ី​ថុល ចៅសង្កាត់​កន្ទោក បាន​ចុះ​ពិនិត្យ​សកម្មភាព​មន្ត្រី​សណ្តាប់ធ្នាប់ ការិយាល័យ​សាធារណៈ​ការដឹកជញ្ជូន​អនាម័យ​បរិស្ថាន និង​សណ្តាប់ធ្នាប់​សាធារណៈ ខណ្ឌ​បន្ត​ស្ថាបនា​សួនច្បារ​នៅ​ចំនុច​មុខ​សាលាបឋមសិក្សា​កន្ទោក ស្ថិតនៅ​ផ្លូវជាតិ​លេខ​៤ ភូមិ​ព្រៃ​បឹង សង្កាត់​កន្ទោក​ខណ្ឌ​កំបូល ដែលជា​អំណោយ​ដ៏​ថ្លៃថ្លា​របស់លោក ឃួ​ង ស្រេង អភិបាល​រាជធានី​ភ្នំពេញ សម្រាប់​បងប្អូន​ប្រជាពលរដ្ឋ លំហែរ​កម្សាន្ត និង​ធ្វើ​លំ​ហាត់ប្រាណ​។​

​ក្នុងឱកាស​នោះ​លោក​អភិបាលខណ្ឌ​កំបូល​បាន​លើកឡើងថា​៖​សួនច្បារ​ដែល​ទើប​ស្ថាបនា​នេះ​ជា​អំណោយ​ដ៏​ថ្លៃថ្លា​និង​ជាការ​គិតគូរ​រ​របស់​លោក​ឃួ​ង ស្រេង អភិបាល​រាជធានី​ភ្នំពេញ​សម្រាប់​ប្រជាពលរដ្ឋ​នៅ​ខណ្ឌ​កំបូល​នោះ​ដូច្នេះ​ខណ្ឌ​កំបូល​យើង​នាពេលនេះ​មាន​សួនច្បារ​សម្រាប់​អង្គុយលេង​កំសាន្ត​និង​សម្រាប់​ហាត់ប្រាណ​ថែមទៀត​ដូច្នេះ​សូម​បងប្អូន​ប្រជាពលរដ្ឋ​អញ្ជើញ​មក​ហាត់ប្រាណ​ដើម្បី​សុខភាព​ជាពិសេស​បងប្អូន​ប្រជាពលរដ្ឋ​រស់នៅ​ខណ្ឌ​កំបូល​សូម​មក​ហាត់ប្រាណ ។​

​គួរ​បញ្ជាក់ថា​៖​ខណ្ឌ​កំបូល​ជា​ខណ្ឌ​មួយ​ដែល​ទើបនឹង​បង្កើត​ថ្មី​ជា​ខណ្ឌ​ទី​១៤​ហើយ​ជា​ខណ្ឌ​កូនពៅ​របស់​សាលា​រាជធានី​ភ្នំពេញ គិត​មកដល់​ថ្ងៃ​២០​កក្ដ​ដា​នេះ​មាន​រយៈពេល​១​ឆ្នាំ​និង​២៨​ថ្ងៃ​គត់​៕​

ទីតាំងផ្សាយពាណិជ្ជកម្ម

- Advertisment -

Most Popular