Home ព័ត៌មានជាតិ សេដ្ឋកិច្ច ឈ្នួល​ច្រូត​ឡ...

ឈ្នួល​ច្រូត​ឡើងថ្លៃ ហើយ​ពិបាក​រក​ម៉ាស៊ីន​ច្រូត​ទៀត​, នាំគ្នា​ច្រូត​ដៃ ឯ​កងកម្លាំង​ជួយ​ច្រូតស្រូវ​កសិករ​ខ្លះ​ដែល​ខ្វះ​កម្លាំង​

ដោយ​: ភ្នំ​ស្វាយ / បន្ទាយមានជ័យ​: ឈ្នួល​ច្រូត​ឡើងថ្លៃ ហើយ​ពិបាក​រក​ម៉ាស៊ីន​ច្រូត​ទៀត ក៏​ប្រវាស់ដៃ​នាំគ្នា​ច្រូត​ដៃ​។ ឯ​កងកម្លាំង​ជួយ​ច្រូតស្រូវ​កសិករ​ខ្លះ​ដែល​ខ្វះ​កម្លាំង​។​

​លោក វ៉ែន សំ​អូន សមាជិក​ក្រុមប្រឹក្សា​ស្រុក​ថ្មពួក បាន​ឲ្យ​ដឹង​កាលពី​ថ្ងៃទី​៤​ខែធ្នូ​ថា​៖ ពេល​រក​ម៉ាស៊ីន​ច្រូត​អត់​បាន ហើយ​ឡើងថ្លៃ​ផង មានតែ​ប្រើ​កម្លាំង​ច្រូត​ដោយ​ដៃ ទើប​ប្រមូល​ផល​ស្រូវ​បាន​នឹង​គេ​។​
​គឺ​នាំគ្នា​ច្រូត​ប្រវា​សើ​ដៃ​ដូច​ពីមុន​។​

​ចំណែក​លោក​វរសេនីយ៍​សេស វិបុល អធិការនគរបាល​ស្រុក​អូរជ្រៅ បាន​ឲ្យ​ដឹង​នា​ថ្ងៃ​ដដែល​ថា​៖ យោង​ណែនាំ​ពី​លោក​ឧ​ត្ត​ម​សេនីយ៍​ទោ សិទ្ធិ ឡោះ ស្នងការ​នគរបាល​ខេត្តបន្ទាយមានជ័យ លោក​បាន​ដឹកនាំ​កម្លាំង​ចុះ​នួន​២០​នាក់ សហការ​ជាមួយ​កម្លាំងយោធា​វរ​សេនា​តូច​ថ្មើរជើង​លេខ​៥១៣ ចំណុះ​កងពលតូច​លេខ​៥១ ចំនួន​៨០​នាក់​ដឹកនាំ​ដោយ​លោក​វ​/​ទោ​យូរ សុគន្ធ​ភក្តី មេបញ្ជាការ​និង​កម្លាំង​ផ្នែក​សឹក​រង​ស្រុក បាន​ចុះជួយ​ច្រូតស្រូវ​ប្រជាពលរដ្ឋ​ចំនួន​៨​ហិច​តា ខណៈ​គាត់​ខ្វះ​កម្លាំង​ពលកម្ម​និង​ខ្វះ​ថវិកា​។
​ហើយ​ពិបាក​រក​ម៉ាស៊ីន​ច្រូត​ផងដែរ​។​

​ប៉ុន្តែ​ម្ចាស់​ស្រែ​ឈ្មោះ លោក ភី​ត ថឺ​លី មាន​ស្រែ​នៅ​ចំណុច​ភូមិ​ស្នួល​ទ្រេត​ឃុំ អូរ​បី​ជាន់ ស្រុក​អូរជ្រៅ​ខេត្តបន្ទាយមានជ័យ​។​

​សូម​បញ្ជក់​ថា នា​រដូវ​ច្រូតកាត់​ស្រុ​វ​ស្រាលរ​ដុ​វ​វស្សា​ឆ្នា​ម​២០២០ នេះ នៅ​ខេត្ត​បន្ទ​យ​មានជ័យ ពិបាក​រក​ដែរ​នូវ​ម៉ាស៊ីន​ច្រូតស្រូវ​។ ហើយ​ឈ្នួល​ច្រូត​ក៏​ឡើងថ្លៃ​ខ្ពស់ [​ឈ្នួល​ច្រូត ថ្លៃ​ប្រមាណ​៣.៤០០​បាត​/ ១​ហិច​តា​(​ម៉ាស៊ីន​ធំ​), ប្រមាណ​២.៧០០​បាត​ប្រាក់​ថៃ​/១​ហិកតា (​ម៉ាស៊ីន​មធ្យម​/​កណ្តាល​)]​។ ប៉ុន្តែ តម្លៃ​ស្រូវ​បាន​ធ្លាក់ចុះ បើ​ធៀន​នឹង​ក្នុងអំឡុងពេល​ដូចគ្នា ប្រៀប​នឹង​ឆ្នាំមុន៕​

ទីតាំងផ្សាយពាណិជ្ជកម្ម

- Advertisment -

Most Popular