Home ព័ត៌មានអន្តរជាតិ ឥណ្ឌូនេស៊ី​រា...

ឥណ្ឌូនេស៊ី​រាយការណ៍​ករណី​កូវី​ដ​១៩​ប្រចាំ​ថ្ងៃ​ខ្ពស់បំផុត​មិន​ធ្លាប់​មាន រហូតដល់ ៨.៣៦៩ ករណី​ក្នុង​មួយថ្ងៃ​

​ប្រែ​សម្រួល : កញ្ញា​ដា​លី​ស​/​ហ្សា​ការតា ៖ ឥណ្ឌូនេស៊ី​បាន​រាយការណ៍​ថា​មាន​ការកើនឡើង​ខ្ពស់​បំផុត​នៃ​ការ​ឆ្លងកូវី​ដ​១៩​ប្រចាំថ្ងៃ ដែល​ប្រទេស​នេះ​មិន​ធ្លាប់​ឃើញ​ពី​មុន​គឺ ៨.៣៦៩ ករណី​ថ្មី​ក្នុង​មួយថ្ងៃ ដោយ​បំបែក​កំណត់ត្រា​រាល់​ការឆ្លង​ប្រចាំថ្ងៃ​ទាំងឡាយ​តាំងពី​មុន​មក​។​

​ការ​ផ្ទុះ​ឡើង​ករណី​ឆ្លង​ចុងក្រោយបង្អស់​ដែល​រាយការណ៍​កាលពី​ថ្ងៃ​ព្រហស្បតិ៍ (​ទី ៣ ធ្នូ​) បាន​នាំ​ឱ្យ​ចំនួន​ករណី​ឆ្លង​សរុប​ទូទាំង​ប្រទេស​កើន​ដល់ ៥៥៧.៨៧៧ ករណី ក្នុងនោះ​ស្លាប់ ១៧.៣៥៥ នាក់ និង​ជា​សះស្បើយ ៤៦២.៥៥៣ នាក់​។​

​ខេត្ត​ប៉ាពួ​កត់ត្រា​ករណី​ឆ្លង​ខ្ពស់​បំផុត​ប្រចាំថ្ងៃ​ក្នុងប្រទេស​ប្រជុំ​កោះ​នេះ ដោយ​មាន​ករណី​បន្ថែម​ចំនួន ១.៧៧៥ ។ ​ការកើនឡើង​គួរឱ្យកត់សម្គាល់​ក៏​ត្រូវបាន​រាយការណ៍​នៅក្នុង​ខេត្ត​ជ្វា​ខាងលិច​និង​ទីក្រុង​ហ្សា​ការតាផង​ដែរ គឺ ១.៦៤៨ ករណី​និង ១.១៥៣ ករណី​រៀងៗ​ខ្លួន​។​

​ទោះជា​យ៉ាងណា អ្នកនាំពាក្យ​ក្រុមការងារ​ជាតិ​ទប់ស្កាត់​កូវី​ដ​១៩ លោក វី​គូ អា​ឌី​សា​ស្មី​តូ​ចាត់ទុក​ការកើនឡើង​នៃ​ចំនួន​ករណី​ឆ្លង​ដោយសារ​ការ​ធ្វើ​ទិន្នន័យ​មិន​ទាន់​ពេលវេលា​រវាង​រដ្ឋាភិបាលក​ណ្តា​ល​​និង​រដ្ឋបាល​តាម​តំបន់​។​

​លោក​បាន​ជំរុញ​បន្ថែមទៀត​ដល់​ថ្នាក់ដឹកនាំ​តាម​តំបន់​ឱ្យ​រាយការណ៍​ឱ្យបាន​ទាន់​ហេតុការណ៍​អំពី​ករណី​កូវី​ដ​១៩​ដែល​មាន​នៅក្នុង​សហគមន៍​រៀងៗ​ខ្លួន​ទៅ​រដ្ឋាភិបាលកណ្តាល​ដើម្បី​ធានា​នូវ​ភាព​​ត្រឹមត្រូវ​ជាង​មុន​៕

​ឥណ្ឌូនេស៊ី​កត់ត្រា​ករណី​ឆ្លងកូវី​ដ​១៩​សរុប​ទូទាំងប្រទេស​ចំនួន ៥៥៧.៨៧៧ ករណី ជា​ករណី​ឆ្លង​ខ្ពស់​បំផុត​នៅ​អាស៊ីអាគ្នេយ៍​

ទីតាំងផ្សាយពាណិជ្ជកម្ម

- Advertisment -

Most Popular