Home ព័ត៌មានជាតិ សន្តិសុខ ឃាត់​ស្ត្រី​ម...

ឃាត់​ស្ត្រី​ម្នាក់​ដែល​បង្ហោះ​សារ​ផ្សព្វផ្សាយ​ព័ត៌មាន​មិន​ពិត​ពាក់ព័ន្ធ​ជំងឺ​កូ​វីដ​-១៩ មក​សាកសួរ​

​ដោយៈ​ស​រិ​ទ្ធ​/​ភ្នំពេញៈ នាយកដ្ឋាន​ប្រឆាំង​បទល្មើស​បច្ចេកវិទ្យា​សហការ​ជាមួយ​អធិការដ្ឋាន​នគរបាល​ខណ្ឌដង្កោ បានធ្វើការ​ស្រាវជ្រាវ និង​ឃាត់ខ្លួន​ស្ត្រី​ម្នាក់​ដែល បាន​បង្ហោះ​ក្នុង​គណនី​ហ្វេ​ស​ប៊ុ​ក របស់ខ្លួន​មាន​ខ្លឹមសារ​ថា “​ផ្សារ​ជម្ពូ​វ័ន​បិទ​ហើយ អ្នកលក់​ទូរស័ព្ទ​ម្នាក់​បាន​ស្លាប់ និង​បងប្អូន​គាត់​៥​នាក់​ទៀត​ក៏បាន​ឆ្លង​ដែរ​” តាម​បញ្ជា​របស់​នាយ​ឧ​ត្ត​ម​សេនីយ៍ អគ្គស្នងការ​ស្តីទី ឆៃ ស៊ីណា​រិ​ទ្ធ នាយកដ្ឋាន​ប្រឆាំង​បទល្មើស​បច្ចេកវិទ្យា​ដើម្បី​យកមក​ធ្វើការ​សាកសួរ​។​

ស្ត្រី​រូបនេះ​ឈ្មោះ​ឈិន ម​ន្ថា អាយុ ៣៥​ឆ្នាំ មាន​អាសយដ្ឋាន​ផ្ទះ​លេខ​១២ ផ្លូវ​SK05 បុរី​ពិភពថ្មី​កួរស្រូវ​៣ ស្ថិត​ក្នុងភូមិ​កណ្តាល សង្កាត់​រលួស ខណ្ឌដង្កោ មានមុខរ​បរជា​អ្នកលក់​អន​ឡាញ ដែលមាន​ផេ​ក​ឈ្មោះ MC Cosmetic​។​

​សមត្ថកិច្ច​បានបញ្ជាក់​ថា​កាលពី​ថ្ងៃទី​២ ខែធ្នូ ឆ្នាំ​២០២០ ម្ចាស់​គណនី​ឈ្មោះ Ka Piink បាន​បង្ហោះ​ក្នុង​គណនី​របស់ខ្លួន​ដែលមាន​ខ្លឹមសារ​ថា “​ផ្សារ​ជម្ពូ​វ័ន​បិទ​ហើយ អ្នកលក់​ទូរស័ព្ទ​ម្នាក់​បាន​ស្លាប់ និង​បងប្អូន​គាត់​៥​នាក់​ទៀត​ក៏បាន​ឆ្លង​ដែរ​”​។ បន្ទាប់មក​មាន​អ្នកប្រើប្រាស់​បណ្ដាញ​សង្គម​ហ្វេ​ស​ប៊ុ​ក បានធ្វើការ​ចែករំលែក​តៗ​គ្នា​ជាច្រើន ដោយ​ខ្លឹមសារ​នេះ​គឺ​ផ្ទុយ​ពី​ការពិត​ទាំងស្រុង​។ នៅ​ថ្ងៃទី​៤ ខែធ្នូ ឆ្នាំ​២០២០ វេលា​ម៉ោង​២​រសៀល កម្លាំង​សមត្ថកិច្ច​បានធ្វើ​ការឃាត់​ខ្លួន​ម្ចាស់​គណនី​ខាងលើ ដើម្បី​យកមក​បំភ្លឺ​នៅ​ប៉ុស្តិ៍នគរបាល​រដ្ឋបាលរ​លួស ។​

​ចំពោះមុខ​សមត្ថកិច្ច​ស្ត្រី​ឈ្មោះ ឈិន ម​ន្ថា ដែលជា​ម្ចាស់​គណនី​នេះ បាន​សារភាពថា ខ្លួន​ពិតជា​បាន​បង្ហោះ​ព័ត៌មាន​ដែលមាន​ខ្លឹមសារ​ដូចខាងលើ​នោះ​មែន ដោយ​ខ្លួន​បានទទួល​សារ​ពី​មិត្តភក្តិ​តាម Messenger ហើយដោយ​ខ្វះ​ការពិចារណា ខ្លួន​ក៏បាន​បង្ហោះ​ព័ត៌មាន​នេះ​ទៅក្នុង​គណនី​ផ្ទាល់​របស់ខ្លួន​។ ប៉ុន្តែ បន្ទាប់មក​ខ្លួន​ក៏បាន​លុបចេញ​វិញ​ដោយមាន​អ្នក​ប្រាប់ថា​ព័ត៌មាន​នេះ​មិន​ពិត​ទេ ហើយ​ខ្លួន​មិនបាន​ដឹងថា​មាន​អ្នក​យកទៅ​ចែកចាយ​បន្ត​យ៉ាងច្រើន​ដែល​ធ្វើឱ្យមាន​ការភាន់ច្រឡំ​ពី​មហាជន​។ ស្ត្រី​ឈ្មោះ ឈិន ម​ន្ថា ក៏បាន​ធ្វើ​ការសុំ​អភ័យទោស និង​សន្យាថា​ឈប់​ចែកចាយ​ព័ត៌មាន​ណា​ដែល​មិនមាន​ប្រភព​ច្បាស់លាស់​ទៀតហើយ​៕

ទីតាំងផ្សាយពាណិជ្ជកម្ម

- Advertisment -



Most Popular