Home ព័ត៌មានអន្តរជាតិ យានអវកាស​ជប៉ុ...

យានអវកាស​ជប៉ុន​កំពុង​ហោះ​មក​កៀក​ផែនដី​ដើម្បី​ទម្លាក់​សំណាក​អាចម៍ផ្កាយ​

​ប្រែ​សម្រួល : កញ្ញា​ដា​លី​ស​/​តូ​ក្យូ ៖ មន្ត្រី​ទីភ្នាក់ងារ​អវកាស​ជប៉ុន​និយាយថា យានអវកាស​ជប៉ុន​មួយ​គ្រឿង​កំពុងស្ថិត​នៅ​លើ​គន្លងរ​បស់​វា​ខណៈ​វា​ខិត​ជិត​ផែនដី​ដើម្បី​បញ្ជូន​បំពង់​មួយ​ផ្ទុក​នូវ​សំណាក​​អាចម៍​ផ្កាយ ដែល​អាច​ផ្តល់​ជា​តម្រុយ​អំពី​ប្រភពដើម​នៃ​ប្រព័ន្ធ​សុរិយគតិ​និង​ជីវិត​នៅ​លើ​ផែនដី​។​

​យាន Hayabusa2 បាន​ចាកចេញ​ពី​អាចម៍​ផ្កាយ Ryugu ដែល​ស្ថិតនៅ​ចម្ងាយ​ប្រហែល ២៩០ លាន​គីឡូម៉ែត្រ​កាល​ពី​មួយ​ឆ្នាំ​មុន​។ បំពង់​នេះ​នឹង​ត្រូវ​ព្រលែង​ចេញ​នៅ​ចម្ងាយ ២២០.០០០​គីឡូម៉ែត្រ​​ពី​ទី​អវកាស និង​ចុះ​នៅ​តំបន់​ដាច់ស្រយាល​ពុំ​សូវ​មាន​ប្រជាជន​រស់នៅ​ក្នុង​តំបន់​វូមឺ​រ៉ានៃ​ប្រទេស​អូស្ត្រាលីនៅ​ថ្ងៃអាទិត្យ​ទី​៦​ធ្នូ​។​

​លោក​យូ​អ៊ី​ឈី ស៊ូ​ដា

​លោក​យូ​អ៊ី​ឈី ស៊ូ​ដា ប្រធាន​គម្រោង​នៅ​ទីភ្នាក់ងារ​រុករក​អវកាស​ជប៉ុន (JAXA) បាន​និយាយ​នៅឯ​សន្និសីទ​ខ្លី​មួយ​នៅ​មុន​ពេល​ការផ្តាច់​ខ្លួន​របស់​បំពង់​ផ្ទុក​សំណាក​ចេញពី​យានអវកាស​នៅ​ថ្ងៃ​សៅរ៍​នេះ យ៉ាង​ដូច្នេះ​ថា យាន Hayabusa2 កំពុង​ហោះ​មក​ផែនដី​តាម​ការគ្រោងទុក​យ៉ាង​រលូន​។​

​លោក​និយាយថា “​យើង​បាន​ហ្វឹកហាត់​ខ្លួន​យើង​ហើយ​ឥឡូវ​នេះ​យើង​បាន​ត្រៀម​ខ្លួន​រួចរាល់​ហើយ​។ ដូច្នេះ​ខ្ញុំ​គ្រាន់តែ​បន់​ឱ្យ​ឧបករណ៍​ដែល​មិន​ទាន់​ប្រើ​នៅ​ឡើយ នឹង​ដំណើរការ​ល្អ​ហើយ​សូមឱ្យ​មាន​អាកាស​​ធាតុ​ល្អ​នៅក្នុង​ប្រទេស​អូស្ត្រាលី​។ យើង​រំភើប​ណាស់​”​។​

​នៅ​ព្រឹក​ព្រលឹម​ថ្ងៃ​អាទិត្យ បំពង់​ដែល​បំពាក់​ប្រព័ន្ធ​ការពារ​កម្តៅ នឹង​ប្រែ​ទៅ​ជា​ដុំ​ភ្លើង​មួយ​ភ្លែត នៅពេល​វា​ចូលក្នុង​បរិយាកាស​ផែនដី​នៅ​កម្ពស់ ១២០ គីឡូម៉ែត្រ​ពី​លើ​ផែនដី​។ នៅ​កម្ពស់​ប្រហែល ១០ គីឡូម៉ែត្រ​ពី​លើ​ផែនដី ឆត្រយោង​នឹង​បើក​ដើម្បី​ពន្យឺត​ល្បឿន​នៃ​ការធ្លាក់ចុះ​របស់​វា ហើយ​ភ្លើង​សញ្ញា​នឹង​បញ្ជូន​ចេញ​ដើម្បី​បង្ហាញ​ពី​ទីតាំង​របស់​វា​។​

​បុគ្គលិក JAXA បាន​រៀបចំ​ថាស​ផ្កាយរណប​នៅ​ទីតាំង​ជាច្រើន​ក្នុង​តំបន់​គោលដៅ​ដើម្បី​ទទួល​សញ្ញា ខណៈ​កំពុង​រៀបចំ​ផងដែរ​នូវ​រ៉ា​ដា​លើ​សមុទ្រ ដ្រូ​ន និង ឧទ្ធម្ភាគចក្រ​ដើម្បី​ជួយ​ក្នុង​ការរុករក​និង​ស្វែងរក​ឱ្យ​ឃើញ​នូវ​បំពង់​រាង​ពង​ក្រពើ ដែល​មាន​អង្កត់ផ្ចិត ១៥ អ៊ី​ញ​៕

យាន Hayabusa2 នឹង​ទម្លាក់បំពង់​ផ្ទុក​សំណាក​អាចម៍ផ្កាយ​មកលើ​ប្រទេស​អូស្ត្រាលី​នៅ​ព្រឹក​ថ្ងៃអាទិត្យ ក្រោយ​យក​សំណាក​សារធាតុ​មកពី​អាចម៍​ផ្កាយ​Ryugu​

ទីតាំងផ្សាយពាណិជ្ជកម្ម

- Advertisment -

Most Popular