Home ព័ត៌មានជាតិ សេដ្ឋកិច្ច បិទ​ហាង​ខារ៉ា...

បិទ​ហាង​ខារ៉ាអូខេ ១១កន្លែង នៅ​ស្រុក​ព្រៃនប់ ដែល​មិនបាន​ចូល​រូ​ម​អនុវត្តតាម​ការណែនាំរបស់​ខេត្ត​

ដោយៈ វណ្ណៈ​/​ព្រះសីហនុៈ នៅពេល​ជំងឺឆ្លង​កូ​វីដ ១៩ កំពុង​រីក​រាលដាល ក្នុង​សហគមន៍ បានធ្វើ​ឲ្យ​មាន​ព្រឹត្តិការណ៍ ២៨ វិច្ឆិកា ដែលជា​កង្វល់​របស់​ព​ល​រដ្ឋ និង​រាជរដ្ឋាភិបាល ហាង​ខារ៉ាអូខេ មួយចំនួន​តូច នៅក្នុង​ទីប្រជុំជន ក្នុង​ឃុំ​វាលរេញ ស្រុក​ព្រៃនប់ ខេត្ត​ព្រះសីហនុ ហាក់បីដូចជា មិនបាន​ចូលរួម​អនុវត្ត តាម​ការណែនាំ​របស់ ក្រសួង​សុខា ភិ​បាល និង​អាជ្ញាធរ​ដែនដី ឲ្យ​គ្រប់​ជ្រុងជ្រោយ នៅឡើយ​ទេ​។​

​ជាក់ស្តែង នៅ​យប់ ថ្ងៃទី​៤ ខែធ្នូ ឆ្នាំ​២០២០ កម្លាំង​គណៈបញ្ជាការ​ឯកភាព រដ្ឋបាល​ស្រុក ព្រៃនប់ ខេត្ត​ព្រះសីហនុ ដឹកនាំ​ដោយ​លោក ឃ​ន ម៉ន នាយករង​រដ្ឋបាល​ស្រុក ចុះ​ណែនាំ និង​បិទ​ទីតាំង​សេវាកម្ម ខារ៉ាអូខេ ចំនួន ១១ កន្លែង ដែល​នៅ​បើក​ធ្វើ​អាជីវកម្ម ផ្ទុយ​នឹង​ការ ណែនាំ របស់​ក្រសួងសុខាភិបាល និង​គោលការណ៍​របស់ អាជ្ញាធរ​រដ្ឋបាល ខេត្ត​ព្រះសីហនុ ។​

​មន្ត្រី​ដែល​ស្ថិតនៅក្នុង កម្លាំង​គណៈបញ្ជាការ​ឯកភាព រដ្ឋបាល​ស្រុក​ព្រៃនប់ បាន​ថ្លែងថាៈ ការបិទ​កន្លែង​កម្សាន្ត​ខារ៉ាអូខេ​នេះ គឺ​បិទ​ជា​បណ្តោះអាសន្ន ដើម្បី​ការពារ ទប់ស្កាត់ ការ​រាតត្បាត​ជំងឺ​កូ​វី ១៩ ក្នុងភូមិ​សាស្ត្រ​ស្រុក​ព្រៃនប់​៕​PC

ទីតាំងផ្សាយពាណិជ្ជកម្ម

- Advertisment -



Most Popular