Home ព័ត៌មានជាតិ សង្គម លោក ហ៊ុន ម៉ា​...

លោក ហ៊ុន ម៉ា​នី ផ្តល់​សម្ភារ​ការពារ​ជំងឺ​កូ​វីដ ដល់​តំបន់​ព្រំដែន​

ដោយៈ ភ្នំ​ខៀវ​/​ប៉ៃលិនៈ លោក ហ៊ុន ម៉ា​នី ប្រធាន​សហភាព​សហព័ន្ធ​យុវជន​កម្ពុជា​បាន បញ្ជូន​សម្ភារ​ការពារ​ជំងឺ​កូ​វីដ​១៩ ទៅ​ឲ្យ​ភ្នាក់ងារ​ខេត្ត​ប៉ៃលិន ចុះ​ចែកជូន ដល់​ប្រជាពលរដ្ឋ ក្នុង​សហគមន៍​។​

​លោកស្រី បាន ស្រីមុំ ប្រធាន​សហភាព​សហព័ន្ធ​យុវជន​កម្ពុជា ខេត្ត​ប៉ៃលិន​នៅក្នុង​ពិធី​ទទួល ថ្ងៃទី ៤ ខែធ្នូ ឆ្នាំ​២០២០ កន្លងមកនេះ បានលើកឡើង​ថាៈ អំណោយ​សម្ភារ​ជាច្រើន​ដែល​ក្រុម ការងារ​ខេត្ត​ប៉ៃលិន ទទួលបាន​នៅពេលនេះ រួមមាន​: អាល់កុល ម៉ាស់ សាប៊ូ ជេ​ល​សម្អាត​ដៃ ផ្ទាំង​ប៉ាណូ ប័ណ្ណ​ផ្សព្វផ្សាយ រួមទាំង​ថវិកា មួយចំនួនទៀត​។ សម្ភារ​ទាំងអស់​ខាងលើ ជា​ចំណែក​មួយ ក្នុងការ​ការពារ​ទប់​ស្កាត់ ការរីក​រាលដាល វីរុស​កូ​វីដ​-១៩ ក្នុងដំណាក់កាល ឆ្លង​ចូលដល់​តំបន់​សហគមន៍​។​

​ប្រធាន ស ស យ ក ខេត្ត​ប៉ៃលិន បាន​បន្តថាៈ ចំពោះមុខ និង​បន្ទាន់​នេះ ក្រុមការងារ នឹង​រៀបចំ​បែងចែក​សម្ភារ​ទាំ​ង​អស់នេះ បន្ត​ជូន​ដល់​ភ្នាក់ងារ​យុវជន ក្នុង​ឃុំ សង្កាត់​ទាំង​៨ សំដៅ​ពង្រឹង​ការងារ​ទប់ស្កាត់ នូវ​ជំងឺ​កូ​វីដ​-១៩ ឲ្យ​បាន​ទាន់​វេលា ក្រៅពីនេះ​ជំរុញ​ដល់ ភ្នាក់ងារ ឲ្យ​ព​ន្លឿ​ន​ចុះ​ផ្សព្វផ្សាយ ណែនាំ​អប់រំ ឲ្យ​បាន​គ្រប់ទិសទី ស្តីពី​វិធានការ​ការពារ ជំងឺ​ផ្លូវដង្ហើម​ថ្មី អនុវត្តតាម​ការណែនាំ​របស់ ក្រសួងសុខាភិបាល ដល់​ប្រជាពលរដ្ឋ នៅតាម​មូលដ្ឋាន និង​តាម​ខ្នង​ផ្ទះ​នីមួយៗ​៕PC

តំណាង ស ស យ ក ខេត្ត​ប៉ៃលិន​ទទួលយក​សម្ភារ​:​សម្រាប់​ចែក​បន្ត​ជូន​ដល់ ប្រជាពលរដ្ឋ (​រូប​:​ភ្នំ​ខៀវ​)​

តំណាង ស ស យ ក ខេត្ត​ប៉ៃលិន​ទទួលយក​សម្ភារ​:​សម្រាប់​ចែក​បន្ត​ជូន​ដល់ ប្រជាពលរដ្ឋ (​រូប​:​ភ្នំ​ខៀវ​)​

ទីតាំងផ្សាយពាណិជ្ជកម្ម

- Advertisment -

Most Popular