Home ព័ត៌មានជាតិ សេដ្ឋកិច្ច សមត្ថកិច្ចសម្...

សមត្ថកិច្ចសម្រេច​បិទ​ហាង​ផឹកស៊ី២កន្លែង នៅ​ក្រុង​តាខ្មៅ​

ដោយៈ ស​រិ​ទ្ធ​/​កណ្តាលៈ ហាង​ផឹកស៊ី ២ កន្លែង នៅ​ក្រុង​តាខ្មៅ ដែលមាន​បន្ទប់​បិទ​ជិត គឺ ហាង ឡូហ្ស៊ិក និង ហាង គោលដៅ​ចាស់ លួច​បើក ដោយ​មិន​ខ្លាច ការរីក​រាលដាល ជំងឺ​កូ​វីដ​-១៩ ត្រូវបាន​សមត្ថកិច្ច សម្រេច​បិទ ជា​បណ្តោះអាសន្ន ។​

​លោក​វរសេនីយ៍ឯក យី វណ្ណដា អធិការនគរបាល​ក្រុង​តាខ្មៅ បាន​ថ្លែងប្រាប់​រស្មី​កម្ពុជា នៅ​ថ្ងៃទី​៥ ខែធ្នូ ឆ្នាំ​២០២០ នេះ​ថា សមត្ថកិច្ច​សម្រេច​បិទ​ហាង​ទាំង ២ នេះហើយ ដោយសារ​មិន​គោរព​តាម​ការណែនាំ របស់​រាជរដ្ឋាភិបាល និង​ក្រសួងសុខាភិបាល ពាក់ព័ន្ធ​ការបង្ការ ការទប់ស្កាត់ ការរីក​រាល ជំងឺ​កូ​វីដ​-១៩ ។​

​លោក​អធិការ បាន​បន្តថា សម្រាប់​ហាង​ដទៃទៀត ដែល​មិន​គោរព តាម​ការណែនាំ និង​ការផ្សព្វផ្សាយ របស់​សមត្ថកិច្ច ក៏​ប្រឈម​នឹង​បិទ​ផងដែរ ។​

​គិត​ត្រឹម​ថ្ងៃទី​៥ ខែធ្នូ ឆ្នាំ​២០២០ នេះ ក្នុង​ព្រឹត្តិការណ៍​សហគមន៍ ២៨ វិច្ឆិកា គឺ មាន​អ្នក​ឆ្លង ជំងឺ​កូ​វីដ​-១៩ សរុប​ចំនួន ២៩ នាក់ ហើយ ៕PC

ទីតាំងផ្សាយពាណិជ្ជកម្ម

- Advertisment -

Most Popular