Home ព័ត៌មានជាតិ សុខាភិបាល អ្នក​វិជ្ជមាន...

អ្នក​វិជ្ជមាន​កូ​វីដ ១៩ ត្រូវតែ​ហ៊ាន​ផ្តល់​ចម្លើយ​ដែល​ត្រឹមត្រូវ​និង​មាន​ភាពស្មោះត្រង់​អស់ពី​បេះដូង​

ដោយ​:​តារា​រិ​ទ្ធ​/​ភ្នំពេញ​:​រយៈពេល​ជាង​១១​ខែ​បន្ទាប់ ពី​រកឃើញ​ករណី នាំ ចូល​ដំបូង នៃ ជំងឺ កូ​វីដ ១៩ ប្រទេស​​កម្ពុជា​បាន ឈាន មក ដល់​ដំណាក់កាល ថ្មី ដែល​កម្ពុជា​មានការ​បា​រ​ម្ភ​បំផុត​ហើយ ព្យាយាម​ទប់ស្កាត់​បំផុត​នោះបាន​មកដល់​គឺ ការចម្លង នៅ ក្នុង សហគមន៍ ។ ស្តិ​ត​ក្នុងស្ថានភាព​នេះ​រាជរដ្ឋាភិបាល​កម្ពុជា​ពិតជា​ត្រូវការ​ជា​ចាំបាច់​នូវ​ការចូលរួម​របស់​ប្រជាពលរដ្ឋ​ពិសេស​នោះ​គឺ​ការសំដែង​ចេញ​នូវ​ភាពស្មោះត្រង់​អស់ពី​បេះដូង​ក្នុងការ​ផ្តល់​កិច្ចសហការ​ជាមួយ​អាជ្ញាធរ ឬ​អ្នកជំនាញ​ពាក់ព័ន្ធ​។

ឥឡូវ នេះ​មនុស្ស រាប់ ម៉ឺន​នាក់ កំពុង ដាក់ ខ្លួន ឲ្យ នៅ ដាច់ ដោយ ឡែក​បន្ទាប់ ពី បាន ប្រាស្រ័យ​ទាក់ទង​ដោយផ្ទាល់​និង ដោយ​ប្រយោល​ជាមួយ​ក្រុមគ្រួសារ​លោក ឆែម សាវុធ ដែល រកឃើញ ថា​មាន ផ្ទុក កូ​វីដ ១៩ ។ ប្រមុខ រដ្ឋាភិបាល កម្ពុជា បាន ព្រមាន​ថាបើ​គ្មាន​ការ ស្មោះត្រង់​ក្នុងការ​ផ្តល់​ចម្លើយ​បាន ទាន់ពេលវេលា ទេសភាព ការណ៍ នឹង ពិបាក ស្រោចស្រង់ ។ ក្នុង បរិបទ នេះ​ពលរដ្ឋ ម្នាក់ ៗ ដើរតួ​សំខាន់​ណាស់​ក្នុង​ការផ្តល់​កិច្ច​សហ ការ​ដោយ​ភាពស្មោះត្រង់​ជាមួយនិង​អាជ្ញាធរ​ដើម្បី បង្ការ មិន ឲ្យ កូ​វីដ ១៩ រីក​រាលដាល​កាន់តែ​ធំ​ទៅ ក្នុង សហគមន៍ ។​

“​ការអៀនខ្មាស់​,​ការលាក់លៀម​”​ចរិតលក្ខណៈ​របស់​ព​ល​រដ្ឋ​ខ្មែរ​ដែល​គេ​សង្កេតឃើញ​មាន​ជា​យូរ​មកហើយ​។​នៅក្នុង​ការផ្តល់​ចម្លើយ​របស់​អ្នក​វិជ្ជមាន​កូ​វីដ​១៩​ត្រូវបាន​មន្ត្រី​ជំនាញ​ពិនិត្យឃើញថា​មាន​ចំណុច​ខ្លះ​គឺ​ការឆ្លើយ​មិនមាន​ភាពស្មោះត្រង់​មិន​អស់​សេចក្តី​។​អ្នក​វិជ្ជមាន​ទាំងនោះ​នៅមាន​ការលាក់លៀម​ចំណុច​ខ្លះ​ដែល​គេ ជឿថា​ជា​រឿង​ផ្ទាល់ខ្លួន​ដែល​ពួកគេ​គិតថា​ជា​សិទ្ធិ​របស់​ពួកគេ​ក្នុងការ​មិនចាំបាច់​ឆ្លើយ ។ រឿង​ផ្ទាល់ខ្លួន​នេះ​ច​រិ​ក​លក្ខណៈ​ខ្មែរ​មិន​ចង់​ឲ្យ​អ្នកណា​ដឹង​ទេ​ព្រោះ​ជា​រឿង ដែល​គេ​និយម​ហៅថា “​លួច​ស៊ី​ក្រៅ​” មិនអាច​ប្រាប់​ឲ្យ​អ្នកណាម្នាក់​បានដឹង​ទេ សូម្បីតែ​ប្រពន្ធ​កូន ឪពុកម្តាយ​។ កុំ​ថា​មនុស្ស​ប្រុស​សូម្បី​មនុស្ស​ស្រី​ក៏​ដូចគ្នា​នេះហើយ ជា​ចំណុច​ដែល​ពិបាក​បំផុត​ក្នុងការ​ឆ្លើយ​។​ក៏ប៉ុន្តែ​ពេលនេះ​ត្រូវតែ​ហ៊ាន​បញ្ចេញ​មក​ត្រូវ​ហ៊ាន​កាត់​កេរ្តិ៍​កាត់​ខ្មាស់​ដើម្បី​ប្រយោជន៍​ជាតិ​និង​ភាពសុខសាន្ត​របស់​ជាតិ ។ ប្រសិនជា​មិនមាន​ចម្លើយ​ប្រកបដោយ​ភាពស្មោះត្រង់​ត្រឹមត្រូវ​ទេវា​ជា​គ្រោះថ្នាក់​បំផុត​ដែល​ពិបាក​នឹង​ស្រោចស្រង់​ខ្លាំងណាស់​។ ព្រោះ​ក្រុម​អ្នកស្រាវជ្រាវ​ស្វែងរក​អ្នក​ដែលមាន​ការប៉ះពាល់​ផ្ទាល់​និង​ដោយ​ប្រយោល​ជាមួយ​អ្នកមាន​វិជ្ជមាន​កូ​វីដ​១៩​មិនត្រូវ​បាន​រកឃើញ ,​ហើយ​ការរក​មិនឃើញ​នេះ​វា​និង​ធ្វើ​ឲ្យ​មេរោគ​កូ​វីដ​១៩​ចេះតែ បន្ត​រាលដាល​ពី​មនុស្ស​ម្នាក់​ទៅ​មនុស្ស​ម្នាក់ទៀត​កាន់តែ​ធំ​ឡើងៗ ។

​ប្រមុខ​រាជរដ្ឋាភិបាល​កម្ពុជា​បានធ្វើការ​អំពាវនាវ ចំពោះ អ្នក ដែលមាន​វិជ្ជមាន​កូ វីដ ទាំង ២៩ នាក់ សូមឱ្យ​មានការ ស្មោះត្រង់ ឆ្លើយ ឲ្យ ត្រង់​ហើយ ពេលវេលា នេះ ជា​ពេល វេលា ចាំបាច់ បំផុត ដែល ត្រូវ បំភ្លឺ ឲ្យ បានច្បាស់លាស់ គឺ មិនអាច ប្រើ វិធី តាមបែប ចង់ ឆ្លើយ ក៏ ឆ្លើយ មិន ចង់ ឆ្លើយ ក៏ ហី គឺ មិន អាចធ្វើ យ៉ាង ដូច្នេះ ទេ , វា ជា មហន្តរាយ សម្រាប់ សុខភាព សាធារណៈ ។ វា ជា មហន្តរាយ សម្រាប់ ខ្លួន យើង ផង សម្រាប់ ក្រុមគ្រួសារ យើង ផង និង សម្រាប់​អ្នកដទៃ ផង ។​យើង​ត្រូវការ​ចម្លើយ ដែលជា ក់លាក់ ច្បាស់លាស់ តើ បន្ទាប់ រយៈពេល កន្លងទៅ នេះ បាន ជួប អ្នកណាខ្លះ ? បានធ្វើ អ្វីខ្លះ ? ហើយ បាន ទៅ ទីណា ខ្លះ ? ព្រោះ បញ្ហា នេះ គឺជា ពន្លឺ សំខាន់ សម្រាប់ ការរុករក និង ផ្ដាច់ ឬ សគល់ នៃ ការឆ្លង ចូល សហគមន៍ ។​

​ពិតមែន​ហើយ មកដល់ពេលនេះ អ្វីដែល ហៅថា ព្រឹត្តិការណ៍ សហគមន៍ ២៨ វិច្ឆិកា ដែល គេ​មិន ចង់​និយាយ ដល់ ឈ្មោះ​លោក ឆែម សាវុធ​និង​ក្រុមគ្រួសារ​ក៏ប៉ុន្តែ​ព្រឹត្តិការណ៍​នេះ​វា​មិន​នៅតែ​ហ៊ុំព័ទ្ធ​នៅក្នុង​កម្រិត​គ្រួសារ​លោក​ឆែម​សាវុធ​និង​អ្នកមាន​ការពាក់ព័ន្ធ​ជាមួយ​លោក​ឆែម​សាវុធ​តែប៉ុណ្ណោះ​ទេ​ក៏ប៉ុន្តែ​វា​ក៏បាន​រីកសាយ​ទៅដល់​ក្រុម​បុគ្គលិក​នៅ​ហាង​លក់​ស្បែកជើង​និង​កាបូប​ម៉ាក​ប៉េ​ត្រូ ហើយ​ដែល​គេ​បាន​រកឃើញថា​មាន​ចំនួន​៧ នាក់ មាន​វិជ្ជមាន​កូ​វីដ​១៩ ។

​នៅ ក្នុង បរិបទ កម្ពុជា សព្វ ថ្ងៃ​ពលរដ្ឋ ត្រូវតែ​ហ៊ាន​សំដែង​ចេញ​នូវ​ភាពស្មោះត្រង់​សហការ​ជាមួយ​អាជ្ញា​ធរមាន​សម​ត្ត​កិច្ច និង ចេះ​ការពារ ខ្លួន​ពី​ការឆ្លង​កូ​វីដ​១៩ ព្រោះ សូម កុំ ភ្លេច ថា​ជំងឺ កូ​វីដ ១៩ នេះ​ឆ្លង ដោយ ពុំ រើស មុខ ទេ ។ ពលរដ្ឋ ខ្មែរ ត្រូវ យល់ ថា​ក្ដី ព្រួយ បារម្ភ និង ភាព ភ័យ ខ្លាច របស់ ខ្លួន​ពុំ មាន អ្វី ខុស ប្រក្រតី ទេ​ប៉ុន្តែ ជា រឿង ត្រឹម ត្រូវ ទៅវិញ​ដើម្បី កុំ ឲ្យ ឆ្លង ជំងឺ ដ៏ កាច សាហាវ នេះ ទៅ ក្នុង​សហគមន៍ ខ្មែរ​ដែល​ដំបូង​បំផុត​ក្រុមគ្រួសារ​របស់ខ្លួន​។​

​គេ​ត្រូវ​ចងចាំ​ថា​បញ្ហា​ចំពោះមុខ​នាពេលនេះ​គឺ​ការស្រាវជ្រាវ​រកម​នុស្ស​ដែល​ពាក់ព័ន្ធ​ដោយផ្ទាល់​និង​ដោយ​ប្រយោល​ជាមួយ​អ្នក​ដែលមាន​វិជ្ជមាន​កូ​វីដ​១៩ យកមក ពិនិត្យ​សំណាក​និង​ធ្វើ​ច​ត្តា​ឡី​ស័ក​រយៈពេល ១៤​ថ្ងៃ ដែល ការងារ នេះ តម្រូវ ឲ្យ ពលរដ្ឋ ទូទៅ ចូល រួមសហការ ជាមួយ អាជ្ញាធរ ។​ការចូលរួម សំខាន់ បំផុត​នៅពេលនេះ គឺ​អ្នកមាន វិជ្ជមាន​កូ​វីដ​១៩ ត្រូវ​ផ្តល់​ចម្លើយ​ពិត​ស្មោះត្រង់​អំពី​សកម្មភាព​របស់ខ្លួន​មុនពេល​មាន​មេរោគ​កូ​វីដ​១៩ ៕

ទីតាំងផ្សាយពាណិជ្ជកម្ម

- Advertisment -

Most Popular