Home ព័ត៌មានជាតិ សន្តិសុខ គោយន្ត​ដឹក​ដី...

គោយន្ត​ដឹក​ដី បុក​ជាមួយ​ម៉ូតូ ស្លាប់ ពីរ​នាក់ ម្ចាស់​គោយន្ត រត់គេចខ្លួន​បាត់​

​ដោយៈ គូលែន / សៀមរាបៈ ក្មេងប្រុស ពីរ​នាក់ បាន​ស្លាប់​ភ្លាមៗ នៅនឹងកន្លែង​កើតហេតុ បន្ទាប់ពី​ជនរង គ្រោះ​ទាំង ពីរ​នាក់ ត្រូវ​គោយន្ត​ដឹក​ដី ដែល​បើក​បញ្ច្រាសទិស​គ្នា បុក​យ៉ាង​ពេញទំហឹង​។ ក្រោយ​កើតហេតុ អ្នកបើក​គោយន្ត បាន​រត់​គេចខ្លួនបាត់ បន្សល់ទុក​គោយន្ត ចោល​នៅ​កន្លែងកើតហេតុ​។ ករណី​គ្រោះថ្នាក់​ចរាចរណ៍​នេះ បានកើត​ឡើង កាលពី​វេលា​ម៉ោង ៥​និង​២០​នាទី ល្ងាច​ថ្ងៃទី​៥ ខែធ្នូ ឆ្នាំ​២០២០ នេះ នៅ​ភូមិ​ក្របី​រៀល ឃុំ​គោកធ្លក​ក្រោម ស្រុក​ជីក្រែង ខេត្តសៀមរាប​។​

​សមត្ថកិច្ច​នគរបាល ស្រុក​ជីក្រែង បាន​និយាយថាៈ នៅវេលា​ម៉ោង​កើតហេតុ ខាងលើ គោយន្ត​ដឹក​ដី ១ គ្រឿង បាន​បើកបរ ក្នុងទិសដៅ​ពី​ទិស​ខាងត្បូង ទៅខាង​ជើង​។ លុះ​មកដល់​ចំណុចកើតហេតុ គោយន្ត​ដឹក​ដី​នោះ បាន​បុក​ជាមួយ​ម៉ូតូ​ម៉ាក ហុងដា វ៉េវ អាល់​ហ្វា ពណ៌​ខ្មៅ គ្មាន​ស្លាក​លេខ មួយគ្រឿង ឌុប​គ្នា ពីរ​នាក់ ដែល​បើកបរ ក្នុងទិសដៅ​ពី​ខាងជើង ទៅខាង​ត្បូង គឺ បញ្ច្រាសទិស​គ្នា បណ្តាលអោយ​ក្មេងប្រុស ពីរ​នាក់ ខាង​ភាគី​ម៉ូតូ ស្លាប់​ភ្លាមៗ នៅនឹងកន្លែង​កើតហេតុ​តែម្តង​។ រីឯ​អ្នកបើកបរ​គោយន្ត បាន​គេចខ្លួនបាត់ ដោយ​បន្សល់ទុក​គោយន្ត ចោល​នៅ​កន្លែងកើតហេតុ ។​

​សមត្ថកិច្ច បាន​បន្តថាៈ ក្មេងប្រុស​រងគ្រោះ ទាំងពីរ​នាក់​នោះ ឈ្មោះ មុត ភ័​ក្រ អាយុ ១៥ ឆ្នាំ និង​ម្នាក់ទៀត ឈ្មោះ ហុង ភី អាយុ ២០ ឆ្នាំ ជា​អ្នកបើកបរ​ម៉ូតូ​។ អ្នក​ទាំង ពីរ​នាក់ មាន​ទីលំនៅ នៅ​ភូមិ​ខ្លាឃ្មុំ ឃុំ​គោកធ្លក​លើ ស្រុក​ជីក្រែង ខេត្តសៀមរាប​។ សព​ជនរងគ្រោះ​ទាំង ពីរ​នាក់ បានប្រគល់​អោយទៅ​ក្រុមគ្រួសារ ដើម្បី​យកទៅ​ធ្វើបុណ្យ តាម​ប្រពៃណី​។ រីឯ​អត្តសញ្ញាណ អ្នកបើកបរ​គោយន្ត ត្រូវបាន​សមត្ថកិច្ច កំពុង​ស្រាវជ្រាវ ។ ចំណែក​គោយន្ត និង​ម៉ូតូ បាន​ត្រូវ​សមត្ថកិច្ច យកមក​រក្សាទុក នៅ​អធិការដ្ឋាន នគរបាល ស្រុក​ជីក្រែង ដើម្បី​ទុក​ដោះស្រាយ​តាមផ្លូវ​ច្បាប់ នៅពេល​ក្រោយ​៕/V

គោយន្ត​ដឹក​ដី បុក​ជាមួយ​ម៉ូតូ ស្លាប់ ពីរ​នាក់ ម្ចាស់​គោយន្ត រត់គេចខ្លួន​បាត់​ (រូបថតៈ គូលែន)

គោយន្ត​ដឹក​ដី បុក​ជាមួយ​ម៉ូតូ ស្លាប់ ពីរ​នាក់ ម្ចាស់​គោយន្ត រត់គេចខ្លួន​បាត់​ (រូបថតៈ គូលែន)

គោយន្ត​ដឹក​ដី បុក​ជាមួយ​ម៉ូតូ ស្លាប់ ពីរ​នាក់ ម្ចាស់​គោយន្ត រត់គេចខ្លួន​បាត់​ (រូបថតៈ គូលែន)

ទីតាំងផ្សាយពាណិជ្ជកម្ម

- Advertisment -

Most Popular