Home ព័ត៌មានជាតិ សន្តិសុខ មេ​តំ​ហ្វេ​តា...

មេ​តំ​ហ្វេ​តា​មីន ៣០ កញ្ចប់​ធំ ត្រូវ​ប៉ូលិស​រឹបអូស​បាន ពី​ស្ត្រី​ថៃ​ម្នាក់ នៅ​ព្រំដែន​កម្ពុជា ថៃ​

ដោយៈ ទេព មង្គល​- គ្រញូង / បាត់ដំបងៈ កម្លាំង​នគរបាល ការិយាល័យ​ទី​៥ នៃ​មន្ទីរ​ប្រឆាំង​គ្រឿងញៀន នៃ​អគ្គស្នងការដ្ឋាន នគរបាលជាតិ សហការ​ជាមួយ​នគរបាល ប្រឆាំង​គ្រឿងញៀន ខេត្តបាត់ដំបង បាន​បង្ក្រាប​បទល្មើស​គ្រឿងញៀន ១​ករណី ដោយបាន​ឃាត់ខ្លួន ស្ត្រី​ជនជាតិ​ថៃ​ម្នាក់ ពាក់ព័ន្ធ​នឹង​ការ​ចរាចរ ជួញដូរ​មេ​តំ​ហ្វេ​តា​មីន ចំនួន ៣០ កញ្ចប់​ធំ​។​

​ការបង្ក្រាប​បទល្មើស​គ្រឿងញៀន​នេះ បាន​ត្រូវធ្វើឡើង នៅ​ថ្ងៃទី​៥ ខែធ្នូ ឆ្នាំ​២០២០ នៅ​ភូមិ​ស្វាយ​ធំ ឃុំ​បឹងរាំង ស្រុក​កំរៀង ខេត្តបាត់ដំបង ដោយ​មានការ​សម្រប សម្រួល ពី​លោក គី ប៊ុណ្ណា​រ៉ា ព្រះរាជអាជ្ញា អម​សាលាដំបូង​ខេត្ត ។​

​មន្ត្រីនគរបាល នៃ​មន្ទីរ​ប្រឆាំង​គ្រឿងញៀន នៃ​អគ្គស្នងការដ្ឋាន នគរបាលជាតិ បាន​ប្រាប់​រស្មី​កម្ពុជា​ថាៈ ស្ត្រី​ជនជាតិ​ថៃ​ម្នាក់​នោះ ឈ្មោះ ផាន​ភុំ រតនា (Phanphom Rattana) អាយុ ៣១ ឆ្នាំ ហៅ​ហ្វា មាន​លំនៅ នៅ​ឃុំ​ណង​ប៊ុន ស្រុក​ប​រ៉ៃ ខេត្ត​ត្រាត ប្រទេស​ថៃ កាន់​លិខិតឆ្លងដែន​លេខ AB 4274373 ។ នៅពេល​ឃាត់ខ្លួន​ស្ត្រី​ជនជាតិ​ថៃ​នេះ សមត្ថកិច្ច បាន​ដកហូត​វត្ថុតាង រួមមាន ថ្នាំញៀន ប្រភេទ​មេ​តំ​ហ្វេ​តា​មីន (​ម៉ា​ទឹកកក ICE) ចំនួន ៣០ កញ្ចប់​ធំ ទម្ងន់ ២៩.៨៥៧,០២ ក្រាម ទូរស័ព្ទដៃ សៀវភៅ​ធនាគារ​។​

​ប្រភព​ដដែល​នេះ បានបញ្ជាក់​ថាៈ សមត្ថកិច្ច​ជំនាញ ការិយាល័យ ក​៥ មន្ទីរ​ប្រឆាំង​គ្រឿងញៀន នៃ​អគ្គស្នងការដ្ឋាន នគរបាលជាតិ បាន​កំពុង​ស្រាវជ្រាវ​បន្ត និង​រៀបចំ​កសាង​សំណុំរឿង បញ្ជូន​ជនសង្ស័យ ទៅ​តុលាការ ដើម្បី​ផ្តន្ទាទោស តាមច្បាប់ នៅ​ថ្ងៃស្អែក​ទី​៦ ខែធ្នូ ឆ្នាំ​២០២០ នេះ​៕/V

មេ​តំ​ហ្វេ​តា​មីន ៣០ កញ្ចប់​ធំ ត្រូវ​ប៉ូលិស​រឹបអូស​បាន ពី​ស្ត្រី​ថៃ​ម្នាក់

មេ​តំ​ហ្វេ​តា​មីន ៣០ កញ្ចប់​ធំ ត្រូវ​ប៉ូលិស​រឹបអូស​បាន ពី​ស្ត្រី​ថៃ​ម្នាក់

មេ​តំ​ហ្វេ​តា​មីន ៣០ កញ្ចប់​ធំ ត្រូវ​ប៉ូលិស​រឹបអូស​បាន ពី​ស្ត្រី​ថៃ​ម្នាក់

ទីតាំងផ្សាយពាណិជ្ជកម្ម

- Advertisment -

Most Popular