Home ព័ត៌មានជាតិ សេដ្ឋកិច្ច ប្រធាន​មន្ទី​...

ប្រធាន​មន្ទី​កសិកម្ម​រុក្ខា​ប្រ​ម៉ាញ់​និង​នេសាទ​ខេត្តពោធិសាត់​ចុះ​ពិនិត្យ​ការដាំ​បន្លែ​សុវត្ថិភាព​ផ្ទះ​សំណាញ់​របស់​កសិករ​

​ដោយៈ​រិ​ទ្ធិ​សែន​/​ពោធិសាត់​: ប្រធាន​មន្ទី​កសិកម្ម រុក្ខាប្រមាញ់​និង​នេសាទ លោក ឡាយ វិសិដ្ឋ រួម​និង​លោក ភុំ វិមល នាយ​ខណ្ឌ​រដ្ឋបាល​ជល​ផល និង​មន្ត្រី​កម្មវិធី ASPIRE បាន​ចុះ​ពិនិត្យ​ការដាំ​ដំណាំ​បន្លែ​សុវត្ថិភាព​ក្នុងផ្ទះ​សំណាញ់​របស់​កសិករ​ឈ្មោះ ខន ស្រី​ពេជ្រ រស់នៅ​ភូមិ​កំពង់ក្តី ឃុំ​រំលេច ស្រុក​បាកាន ខេត្តពោធិ៍សាត់ កាលពី​ម្សិលមិញ​នេះ​។

​បើ​យោងតាម​ការចុះ​សង្កេត​ផ្ទាល់ ដល់ទី​តាំង ពិនិត្យឃើញថា​កសិករ បណ្តុំ​បន្លែ​ដែល​បាន​ដាំ​ដំណាំ​ស្ពៃក្រញាញ់ ក្នុងផ្ទះ​សំណាញ់ ចំនួន​០៤ រង​ទំហំ ១​ម​*១៥​ម គាត់​បាន​ដាំ​រយៈពេល ១​ខែ​១៥​ថ្ងៃ បាន​ទទួលផល ក្នុង​១​រង បាន​១២០​គ​.​ក្រ សរុប ប្រហែល ៤៨០​គ​.​ក្រ ហើយ​លក់បាន​តំលៃ ២.៥០០​រៀល​/​គ​.​ក្រ មាន​ឈ្មួញ​មក​ប្រមូល​ទិញ​ដល់ផ្ទះ​ផ្ទាល់​។​

​កសិករ​បានលើកឡើង​ថា គាត់​បាន​ដាំ​ខាត់ណា​ផ្កា ដំណាំ​ខ្ទឹម​យក​ស្លឹក (​ក្នុងផ្ទះ​សំណាញ់​) និង​ត្រសក់​បន្ថែមទៀត ហើយ​ត្រសក់​កំពុងតែធ្វើការ​ប្រមូល​ផល​ជា​បណ្តើៗ​ហើយ​លក់បាន​តំលៃ ៣០០០​រៀល​/១​គ​.​ក្រ ។​កសិករ​ក៏​សំណូមពរ​ដល់​ក្រុមការងារ​មន្ទីរ ជួយ​គាំទ្រ​បច្ចេកទេស និង​ផ្តល់​ពូជ​ត្រី កង្កែប ដើម្បី​ចិញ្ចឹម​បន្ថែមទៀត​។

​ប្រធាន​មន្ទី​កសិកម្ម​រុក្ខាប្រមាញ់​និង​នេសាទ​លោក ឡាយ​វិសិដ្ឋ និង​ក្រុមការងារ​បានផ្តល់​ជា​គំនិត​យោបល់ លើ​ផ្នែក​ដំណាំ​ដែល​ដាំ​ក្នុងផ្ទះ​សំណាញ់ គួរ​ដាំ​ដំណាំ​ណា​ដែលមាន​តំលៃ​ខ្ពស់​និង​តម្រូវ ការ​នៅលើ​ទីផ្សារ បច្ចុប្បន្ន ប្រសើរ​ជាជាង​ដំណាំ​ធម្មតា មិនសូវ មាន​ទីផ្សារ ពីព្រោះ​ផ្ទះ​សំណាញ់​ចំណាយ​ថវិកា​អស់​ច្រើន​។

​ចំពោះ​ការធ្វើ​វារីវប្បកម្ម នាយ​ខណ្ឌ​រដ្ឋបាល​ជល​ផល​ខេត្ត​លោក ភុំ​វិមល និង​ទទួល​សំណើ​របស់​កសិករ និង​ពិចារណា​ផ្តល់ជូន​ទៅតាម​លទ្ធភាព​ជាក់ស្តែង​ផងដែរ ៕​

ទីតាំងផ្សាយពាណិជ្ជកម្ម

- Advertisment -

Most Popular