Home ព័ត៌មានជាតិ សន្តិសុខ ​បុរស​ជនជាតិ​...

​បុរស​ជនជាតិ​ចិន បើករថយន្ត​បុក​ម៉ូតូ បណ្តាលឱ្យ​បុរស​ម្នាក់​របួសធ្ងន់​

​ដោយៈ ស​រិ​ទ្ធ / ភ្នំពេញៈ បុរស​ជនជាតិ​ចិន​ម្នាក់ បាន​បើករថយន្ត បុក​ម៉ូតូ​ចំ​ពី​ចំហៀង​ពេញទំហឹង បណ្ដាល​ឲ្យ​បុរស ជនជាតិខ្មែរ​ម្នាក់ ជា​អ្នកបើក​ម៉ូតូ ខ្ទាត​ចម្ងាយ​ប្រមាណ​ជាង ១០ ម៉ែត្រ រងរបួស​យ៉ាងធ្ងន់ធ្ងរ​។ ហេតុការណ៍​គ្រោះថ្នាក់​ចរាចរណ៍​នេះ បានកើត​ឡើង កាលពី​វេលា​ម៉ោង ៨​និង​៤០​នាទី​យប់ ថ្ងៃទី​៥ ខែធ្នូ ឆ្នាំ​២០២០ នៅតាម​បណ្ដោយ​ផ្លូវ​លេខ​៤៣៤ កែង​ផ្លូវ​លេខ​៩៩ ក្នុង​សង្កាត់​បឹងត្របែក ខណ្ឌចំការមន រាជធានី​ភ្នំពេញ ។

​តាម​ប្រភពព័ត៌មាន ពី​កន្លែងកើតហេតុ បាន​ឲ្យ​ដឹងថា មុនពេល​កើតហេតុ​នោះ គេ​ឃើញ​បុរស​ម្នាក់ ជិះ​ម៉ូតូ​ហុងដា PCX ពណ៌​ស បិទ​ស្កុ​ត​ក្រហម ពាក់​ស្លាក​លេខ​ភ្នំពេញ 1GO-3168 ធ្វើដំណើរ​តាម​បណ្ដោយ ផ្លូវ​លេខ​៩៩ ក្នុងទិសដៅ​ពី​ខាងត្បូង ទៅខាង​ជើង ក្នុង​ល្បឿន​លឿន​មធ្យម ខណៈ​មកដល់​ផ្លូវបំបែក​ជា​បួន ត្រង់ចំណុច​កើតហេតុ ស្រាប់​តែមាន​រថយន្ត ម៉ាក​នី​ស្សាន់ ពណ៌​ខ្មៅ ពាក់​ស្លាក​លេខ ភ្នំពេញ 2U-1262 បើកបរ​ដោយ​ជនជាតិ​ចិន និង​អ្នករួមដំណើរ ៣ នាក់​ទៀត បានធ្វើ​ដំណើរ​តាម​បណ្ដោយ ផ្លូវ​លេខ​៤៣៤ ក្នុងទិសដៅ​ពី​ខាងកើត ទៅខាង​លិច ដោយ​ល្បឿន​លឿន ហើយក៏​បុក​ម៉ូតូ​ហុងដា PCX ពី​ចំហៀង ពេញទំហឹង បណ្ដាល​ឲ្យ​អ្នកបើក​ម៉ូតូ ខ្ទាត​ចម្ងាយ​ប្រមាណ​ជាង ១០ ម៉ែត្រ បណ្ដាលឱ្យ​រងរបួស​ធ្ងន់ ហើយ​ត្រូវបាន​រថយន្តសង្គ្រោះបន្ទាន់ របស់​មន្ទីរពេទ្យ​ឯកជន ដឹកយក​ទៅកាន់​មន្ទីរពេទ្យ​ភ្លាមៗ​។ ចំណែក​ម៉ូតូ រង​ការខូចខាត យ៉ាងដំណំ​។​

​ក្រោយ​កើតហេតុ សមត្ថកិច្ច​មូលដ្ឋាន បានមក​ដល់ ហើយ​ទាក់ទង​ទៅ​នគរបាល​ចរាចរណ៍ ចុះមក​វាស់វែង យក​រថយន្ត និង​ម៉ូតូ ទៅ​រក្សាទុក នៅ​ការិយាល័យ​ចរាចរណ៍​ផ្លូវគោក រាជធានី​ភ្នំពេញ រង់ចាំ​ដោះស្រាយ​តាម​ក្រោយ​៕/V​

ទីតាំងផ្សាយពាណិជ្ជកម្ម

- Advertisment -

Most Popular