Home ព័ត៌មានជាតិ សន្តិសុខ ចាប់ខ្លួន​ស្ត...

ចាប់ខ្លួន​ស្ត្រី​ជនជាតិ​ថៃ​ម្នាក់ និង​រឹបអូស​គ្រឿងញៀន​៣០​គីឡូក្រាម នាំ​គ្រឿងញៀន​ពី​ថៃ​ចូល​កម្ពុជា​

 

ដោយៈ​មុនី​រ័ត្ន​/​ភ្នំពេញ​: កិច្ចប្រតិបត្តិកា​បង្ក្រាប​ករណី​ជួញដូរ​គ្រឿងញៀន​ឆ្លងដែន​ចូល​ពី​ថៃ​មក​កម្ពុជា នៅ​ចំណុច​ច្រក​អន្តរជាតិ​ដូង ភូមិ​ស្វាយ​ធំ ឃុំ​បឹងរាំង ស្រុក​កំរៀង ខេត្តបាត់ដំបង ដោយ​ចាប់ខ្លួន​ស្ត្រី​ជនជាតិ​ថៃ​ម្នាក់ និង​រឹបអូស​គ្រឿងញៀន​៣០​គីឡូក្រាម បានធ្វើ​ឡើង​កាលពី​ថ្ងៃទី ០៥ ខែធ្នូ ឆ្នាំ ២០២០​។ កិច្ចប្រតិបត្តិការ​នេះ ធ្វើឡើង​ដោយ​អនុវត្តតាម​បញ្ជា​លោកនាយ​ឧត្ដមសេនីយ៍ សន្តិ​បណ្ឌិត អគ្គស្នងការ​នគរបាល​ជាតិ និង លោកនាយ​ឧត្ដមសេនីយ៍ ម៉ក់ ជី​តូ អគ្គ​ស្នងការរង​ទទួល​ផែន​ប្រឆាំង​បទល្មើស​គ្រឿងញៀន ក្រោម​ការបញ្ជា​ដឹកនាំ​ផ្ទាល់ របស់លោក​ឧត្ដមសេនីយ៍ឯក ឡឹ​ក វណ្ណៈ នាយក​មន្ទីរ​ប្រឆាំង​បទល្មើស​គ្រឿងញៀន ។​

​នារី​សង្ស័យ​ដែល​ឃាត់ខ្លួន​ឈ្មោះ ផាន់​ភុំ រតនា (PHANPHOM RATTANA) ភេទ​ស្រី អាយុ​៣២​ឆ្នាំ ជនជាតិ​ថៃ មាន​ទីលំនៅ​ឃុំ​ណង​ប៊ុន ស្រុក​បរៃ ខេត្ត​ត្រាត ប្រទេស​ថៃ កាន់​លិខិតឆ្លងដែន​លេខ AB 42743737 ។ ការចាប់ខ្លួន​នេះ​សមត្ថកិច្ច​ដកហូត​បាន​វត្ថុតាង​
​គ្រឿ​ញៀន​ប្រភេទ​មេ​តំ​ហ្វេ​តា​មីន (ICE) ២៩​គ​.​ក្រ និង ៨៥៧,០២​ក្រាម ទូរស័ព្ទ​២​គ្រឿង លិខិតឆ្លងដែន​១​ក្បាល និង​សៀវភៅ​ធនាគារ​២​ក្បាល​។​

​បច្ចុប្បន្ន ជនសង្ស័យ និង​វត្ថុតាង សមត្ថកិច្ច​ជំនាញ​យើង​បាន​កសាង​សំណុំរឿង​បញ្ជូនទៅ​សាលាដំបូង​ខេត្តបាត់ដំបង​បន្ត​តាម​នីតិវិធី ៕​

ទីតាំងផ្សាយពាណិជ្ជកម្ម

- Advertisment -

Most Popular