Home ព័ត៌មានជាតិ សន្តិសុខ នារី​ម្នាក់ ល...

នារី​ម្នាក់ លេបថ្នាំ​សម្លាប់ខ្លួន ព្រោះ​ខឹង​ឪពុកម្ដាយ ឈ្លោះប្រកែក​គ្នា​

ដោយៈ ស​រិ​ទ្ធ / រតនគិរីៈ នារី​ម្នាក់ បានធ្វើ​អត្តឃាត ដោយ​លេបថ្នាំ​សម្លាប់ខ្លួន ទាំង​វ័យក្មេង ព្រោះតែ​ខឹង​ឪពុកម្ដាយ ឈ្លោះប្រកែក​គ្នា ធ្វើ​ឲ្យ​ខ្មាស​អ្នកជិតខាង​ខ្លាំងពេក​។ ករណីនេះ បានកើត​ឡើង កាលពី​វេលា​ម៉ោង ៣​និង​៣០​នាទី ទៀបភ្លឺ ថ្ងៃទី​៦ ខែធ្នូ ឆ្នាំ​២០២០ នៅផ្ទះ​ឈ្មោះ គ​ន្ទៀ​ង គុយ ស្ថិតនៅ​ក្នុងភូមិ​កា​ទៀង ឃុំ​ល្បាំ​ង​២ ស្រុក​លំផាត់ ខេត្តរតនគិរី​។ នេះ​បើតាម​លោក ក្ល​ល ថើ​ង អធិការ​ស្តីទី នគរបាល​ស្រុក​លំផាត់ បាន​ឲ្យ​ដឹង នៅ​ព្រឹក​ថ្ងៃទី​៦ ខែធ្នូ នេះ ។​

​លោក​អធិការ​ស្តីទី នគរបាល​ស្រុក​លំផាត់ បានឱ្យដឹង​បន្តថា នារី​អត្តឃាត​ជន ឈ្មោះ គុយ វី​ណា អាយុ ២៣ ឆ្នាំ ជនជាតិ​ព្រៅ មុខរបរ បុគ្គលិក​ពេទ្យ​ឯកជន (​ពេទ្យ​ស្កា​យ​អ៊ី​ន នៅ​ខេត្តរតនគិរី​) មាន​ទីលំនៅ បច្ចុប្បន្ន ក្នុងភូមិ​-​ឃុំ កើតហេតុ​ខាងលើ​។​

​លោក​បាន​បន្តទៀតថា កាលពី​យប់ ថ្ងៃទី​៥ ខែធ្នូ នារី​នោះ បាន​ចេញពី​ធ្វើការ នៅក្នុង​ខេត្ត មក​ហូបបាយ​ពេល​ល្ងាច ជួបជុំ​សមាជិក​ក្នុង​គ្រួសារ ហើយ​បាន​ចូល​សម្រាក​រៀងៗ​ខ្លួន ដូច​សព្វមួយដង តែ​នារី​នោះ មិនបាន​ចូល​សម្រាក​នោះទេ នៅ​សរសេរ​របាយការណ៍ ប្រចាំថ្ងៃ​របស់ខ្លួន​។ លុះ​មកដល់​ម៉ោង ប្រហែលជា ៣ ទៀបភ្លឺ ឈានចូល​ថ្ងៃទី​៦ ខែធ្នូ​នេះ ម្ដាយ​របស់​នារី​នោះ បានឮ​សម្លេង​កន្ត្រាក់ដៃ កន្ត្រាក់ជើង នឹកស្មានថា មាន​ចោរ​ចូល​លួច​គាស់​ផ្ទះ រួច​ក៏បាន​ដាស់​ប្តី ឲ្យ​ងើប​មើល ។ ប៉ុន្តែ​មិនបាន​ឃើញ មាន​អ្វី​គួរ​ឲ្យ​ចម្លែក​នោះទេ ក៏​ចូលមក​ក្នុងផ្ទះ​វិញ ស្រាប់តែ​ឃើញ នារី​នោះ ដេក​នៅលើ​ក្ដារ មាន​អាកា​រៈ ដង្ហក់ និង​ក្អួតចង្អោរ​។ ភ្លាមៗ​នោះ ក្រុមគ្រួសារ​របស់​នារី​នោះ ក៏បានរ​កឡាន​អ្នកភូមិ ដឹក​បញ្ជូនទៅ​សង្គ្រោះបន្ទាន់ នៅឯ​មន្ទីរពេទ្យបង្អែក​ខេត្ត​។ ក្រោយពេល​ទៅដល់​ពេទ្យ នារី​នោះបាន​ដាច់ខ្យល់​ស្លាប់ បាត់​ទៅហើយនោះ​។​

​ក្រោយពេល​កើតហេតុ សមត្ថកិច្ច​ជំនាញ នៃ​អធិការដ្ឋាន​នគរបាល ស្រុក​លំផាត់ កម្លាំង​ប៉ុស្ដិ៍​រដ្ឋបាល​ឃុំ​ល្បាំ​ង​២ បានធ្វើ​កោសល្យវិច័យ​សព និង​សាកសួរ​ប្រមូល​ព័ត៌មាន នៅ​កន្លែងកើតហេតុ រួចហើយ​បាន​សន្និដ្ឋានថា ករណីនេះ ជា​ករណី​ធ្វើអត្តឃាត ដោយ​ខ្លួនឯង លេបថ្នាំ​សម្លាប់ខ្លួន ពិតប្រាកដ​មែន ប៉ុន្តែ​មិនបាន​ស្គាល់​ថ្នាំ ដែល​នារី​អត្តឃាត​ជន លេប​នោះទេ​។ បច្ចុប្បន្ន សមត្ថកិច្ច បានធ្វើ​កំណត់ហេតុ ប្រគល់​សព ទៅ​ឲ្យ​ក្រុមគ្រួសារ ដើម្បី​យកទៅ​ធ្វើបុណ្យ ទៅតាម​ប្រពៃណី​របស់ បងប្អូន​ជនជាតិដើម​ភាគតិច​៕/V

នារី​ម្នាក់ លេបថ្នាំ​សម្លាប់ខ្លួន ព្រោះ​ខឹង​ឪពុកម្ដាយ ឈ្លោះប្រកែក​គ្នា​

នារី​ម្នាក់ លេបថ្នាំ​សម្លាប់ខ្លួន ព្រោះ​ខឹង​ឪពុកម្ដាយ ឈ្លោះប្រកែក​គ្នា​

ទីតាំងផ្សាយពាណិជ្ជកម្ម

- Advertisment -

Most Popular