Home ព័ត៌មានជាតិ សង្គម អភិបាល​រាជធាន...

អភិបាល​រាជធានី បន្ត​ផ្តល់​ម៉ាស និង​ឧបករណ៍​បំពង​សំឡេង ជូន​ស្នងការដ្ឋាន​នគរបាល​រាជធានី ដើម្បី​ចូលរួម​ទប់ស្កាត់​ជំងឺ​កូ​វីដ​-១៩

ដោយៈ រ៉ា​ម៉ន / ភ្នំពេញៈ លោក ឃួ​ង ស្រេង អភិបាល​រាជធានី​ភ្នំពេញ បានផ្តល់​ម៉ាស ចំនួន ៤០.០០០ ម៉ាស និង​ឧបករណ៍ បំពង​សំឡេង ចំនួន ៤០ គ្រឿង ដល់​ស្នងការដ្ឋាន​នគរបាល រាជធានី​ភ្នំពេញ ហើយ​នៅ​រសៀល ថ្ងៃអាទិត្យ​ទី​៦ ខែវិច្ឆិកា​នេះ លោក​អភិបាល​រាជធានី ក៏បាន​ចុះ​ត្រួតពិនិត្យ គ្រប់​គោលដៅ នៃ​ស្តុ​ប​នីមួយៗ ខណៈ​កងកម្លាំង​ទាំងអស់ កំពុង​ពង្រាយ ក្នុង​ចែក​ម៉ាស ជូន​អ្នកដំណើរ និង​បំពង​សំឡេង តាម​ឧ​គ្ឃោ​សន​ស័ព្ទ ដើម្បីអោយ​ប្រជាពលរដ្ឋ ចូលរួម​ទប់ស្កាត់ ការរីក​រាលដាល នៃ​ជំងឺ​កូ​វីដ​-១៩​ទាំងអស់គ្នា​។​

​លោក​ឧ​ត្ត​ម​សេនីយ៍​ទោ ចេ​វ ហាក់ ស្នងការរង នគរបាល​រាជធានី បាន​បញ្ជាក់ថា លោក ឃួ​ង ស្រេង អភិបាល​រាជធានី​ភ្នំពេញ បានផ្តល់​ម៉ាស ចំនួន ៤០.០០០ ម៉ាស មីក្រូ​សម្រាប់​បំពង​សំឡេង ចំនួន ៤០ គ្រឿង មក​ស្នងការដ្ឋាន​នគ​របាល រាជធានី​ភ្នំពេញ ហើយ​លោក បាន​បន្ត​ចែក​ទៅ កម្លាំង​មាន​សមត្ថកិច្ច ចំនួន ២២ គោលដៅ នៅតាម​ស្តុ​ប ដើម្បី​ឲ្យ​កងកម្លាំង​មាន​សមត្ថកិច្ច ពិសេស​ប៉ូលិស​ចរាចរណ៍ ធ្វើ​ការចែក​បន្ត ទៅ​ប្រជាពលរដ្ឋ ជា​អ្នកដំណើរ ដែល​មិន​ពាក់​ម៉ាស ។ ចំណែក​មីក្រូ​បំពង​សម្លេង ក៏បាន​ផ្ញើ​សារ ទៅ​ប្រជាពលរដ្ឋ ព្រម​គ្នា​ផងដែរ ដើម្បីអោយ​ប្រជាពលរដ្ឋ ចូលរួម​ទប់ស្កាត់ ការឆ្លង​រីក​រាលដាល នៃ​ជំងឺ​កូ​វីដ​-១៩​ទាំងអស់គ្នា ខណៈដែល​ជំងឺ​នេះ កំពុង​រីក​រាលដាល ចូលដល់​សហគមន៍​ហើយ​នោះ​។​

​ចំពោះ​គោលដៅ​សំខាន់ៗ ទាំង ២២ មានដូចជា គោលដៅ ១-​ស្តុ​ប BKC ២- ស្តុ​ប​ពេទ្យ​ចិន ៣-​ស្ត​ប​បូកគោ ៤-​ស្តុ​ប​ច្រមុះជ្រូក ក្បាលថ្នល់ ៥-​ស្តុ​ប​អង្គឌួង ៦-​ស្តុ​ប​ក្រសួង​អប់រំ ៧-​ស្តុ​ប​ជលផល ៨-​ស្តុ​ប​ក្តាន់​ពីរ ៩-​ស្តុ​ប​អាងទឹក ១០-​ស្តុ​ប​ចេនឡា​
១១-​ស្តុ​ប​ទួល​សង្កែ ១២-​ស្តុ​ប​កាំ​កូ ១៣- ស្ពាន​អាកាស​៧​មករា ១៤-​ស្តុ​ប ២០០៤​កែង ទ្រុងមាន់​១៥- ស្តុ​ប​២០០៤ កែង ២៧១ ,១៦- ស្តុ​ប ២៧១ កែង ៣៧១, ១៧- ស្តុ​ប​ស្ពានដែក ។ គោលដៅ​ក្នុង​ខណ្ឌ​ចំនួន ៥ រួមមាន​៖១- ខណ្ឌទួលគោក ស្តុ​ប​ផ្សារ​ដើម​គរ ២- ខណ្ឌ​៧​មករា ស្តុ​ប​នាង​គ​ង្ហី​ង ៣- ខណ្ឌដូនពេញ ស្តុ​ប​នាគ​បាញ់​ទឹក​៤- ខណ្ឌចំការមន ស្តុ​ប​បឹងត្របែក ៥- ខណ្ឌ​បឹង​កេងកង ស្តុ​ប​វត្ត​មហាមន្ត្រី ។​

​ចំពោះ​ខ្លឹមសារ​តាម​ឃោស​ន​ស័ព្ទ​គឺ​សូម​ពុក ម៉ែ អុំ ពូ មីង និង​អ្នកប្រើប្រាស់​ផ្លូវ ទាំងអស់​ឲ្យ​បាន​ជ្រាបថាៈ ដើម្បី​ចូលរួម​ទប់ស្កាត់ ការរីក​រាលដាល ជំងឺ​កូ​វីត​-១៩ សូមមេត្តា​អនុវត្តន៍​នូវ​វិធានការ​របស់​ក្រសួងសុខាភិបាល ឲ្យ​បាន​ខ្ជាប់​ខ្លួន ដូចជា ពាក់​ម៉ាស់​ជាប្រចាំ ទោះ​ទៅ​ទីកន្លែង​ណាក៏ដោយ លាង​សម្អាត​ដៃ និង​សាប៊ូ ឬ​អាកុល​ជាប្រចាំ រក្សា​គំលាត​ពីគ្នា​ឲ្យ​បាន​ឆ្ងាយ មិន​ទៅ​ទីកន្លែង ដែល​ការប្រមូលផ្ដុំ ។ សង្ឃឹមថា ពុក ម៉ែ អុំ ពូ មីង និង​អ្នកប្រើប្រាស់​ផ្លូវ​ទាំងអស់ និង​ចូលរួម​នូវ​វិធានការ​ទាំងនេះ ដើម្បី​សុខភាព យើងទាំងអស់គ្នា និង​សូម​ធ្វើដំណើរ ដោយ​សុវត្ថិភាព ។​

​គួរ​បញ្ជាក់ថា សម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា សំរាប់​ដំណាក់កាល កូ​វីដ​-១៩​នេះ សម្តេច​បានផ្តល់​ម៉ាស មក​រដ្ឋបាល​រាជធានី​ភ្នំពេញ ចំនួន ៣ លាន​ម៉ាស់ ដើម្បី​ចែកជូន​ប្រជាពលរដ្ឋ នៅ​សហគមន៍ ក្រីក្រ ដែល​មិនមាន​លទ្ធភាព ទិញ​ម៉ាស​យកមកប្រើ​ប្រាស់ ចែក​អ្នកដំណើរ​តាម​ដងផ្លូវ​។ បន្ថែម​ពីលើ​នេះ​ទៀត កាលពី​ថ្ងៃទី ៣០ ខែវិច្ឆិកា ក្នុង​ពិធីបើកការដ្ឋាន​សាងសង់ និង​កែលម្អ​ផ្លូវ​ទាំង ៣៨ ខ្សែ ក្នុង​ក្រុង​សៀមរាប ខេត្តសៀមរាប សម្តេច​តេ​ជោ ហ៊ុន សែន បានប្រកាស​ឧបត្ថម្ភ​ថវិកា របស់​រាជរដ្ឋាភិបាល ជូន​ប្រជាពលរដ្ឋ ដែល​ធ្វើ​ច​ត្តា​ឡី​ស័ក​ទាំងអស់ នៅ​រាជធានី​ភ្នំពេញ ដោយ​ក្នុង ១ គ្រួសារ ទទួលបាន​ថវិកា ចំនួន ៣០ ម៉ឺន​រៀល សំរាប់​រយៈពេល ១៥ ថ្ងៃ មានន័យថា ក្នុង ១ ថ្ងៃ ២ ម៉ឺន​រៀល​ថែមទៀត ៕/V​

អភិបាល​រាជធានី បន្ត​ផ្តល់​ម៉ាស និង​ឧបករណ៍​បំពង​សំឡេង ជូន​ស្នងការដ្ឋាន​នគរបាល​រាជធានី ដើម្បី​ចូលរួម​ទប់ស្កាត់​ជំងឺ​កូ​វីដ​-១៩ ទាំងអស់គ្នា​

អភិបាល​រាជធានី បន្ត​ផ្តល់​ម៉ាស និង​ឧបករណ៍​បំពង​សំឡេង ជូន​ស្នងការដ្ឋាន​នគរបាល​រាជធានី ដើម្បី​ចូលរួម​ទប់ស្កាត់​ជំងឺ​កូ​វីដ​-១៩ ទាំងអស់គ្នា​

អភិបាល​រាជធានី បន្ត​ផ្តល់​ម៉ាស និង​ឧបករណ៍​បំពង​សំឡេង ជូន​ស្នងការដ្ឋាន​នគរបាល​រាជធានី ដើម្បី​ចូលរួម​ទប់ស្កាត់​ជំងឺ​កូ​វីដ​-១៩ ទាំងអស់គ្នា​

អភិបាល​រាជធានី បន្ត​ផ្តល់​ម៉ាស និង​ឧបករណ៍​បំពង​សំឡេង ជូន​ស្នងការដ្ឋាន​នគរបាល​រាជធានី ដើម្បី​ចូលរួម​ទប់ស្កាត់​ជំងឺ​កូ​វីដ​-១៩ ទាំងអស់គ្នា​

អភិបាល​រាជធានី បន្ត​ផ្តល់​ម៉ាស និង​ឧបករណ៍​បំពង​សំឡេង ជូន​ស្នងការដ្ឋាន​នគរបាល​រាជធានី ដើម្បី​ចូលរួម​ទប់ស្កាត់​ជំងឺ​កូ​វីដ​-១៩ ទាំងអស់គ្នា​

អភិបាល​រាជធានី បន្ត​ផ្តល់​ម៉ាស និង​ឧបករណ៍​បំពង​សំឡេង ជូន​ស្នងការដ្ឋាន​នគរបាល​រាជធានី ដើម្បី​ចូលរួម​ទប់ស្កាត់​ជំងឺ​កូ​វីដ​-១៩ ទាំងអស់គ្នា​

ទីតាំងផ្សាយពាណិជ្ជកម្ម

- Advertisment -

Most Popular