Home ព័ត៌មានអន្តរជាតិ អាម៉េរិក​និង​...

អាម៉េរិក​និង​រុស្ស៊ី​ជួប​ការ​ឆ្លងកូវី​ដ​១៩​ខ្ពស់​បំផុត​នៅពេល ស្តេច​អង់គ្លេស​នឹង​ចាក់​វ៉ាក់សាំង​ក្នុងពេល​ឆាប់ៗ​

​ប្រែ​សម្រួលៈ​វាសនា​/​វ៉ាស៊ីនតោន​៖​សហរដ្ឋ​អាម៉េរិក​កាលពី​ថ្ងៃអាទិត្យ​បាន​ជួប​ការឆ្លង​វីរុស​កូរ៉ូណា​ខ្ពស់​បំផុត​ជា​ថ្មី​នៅ​២៤​ម៉ោង​កន្លង​ទៅ​ដល់​ថ្ងៃទី​៣​ជាប់​គ្នា ចំ​ពេល​រុស្ស៊ី​​ក៏​រាយការណ៍​ការឆ្លង​ច្រើន​បំផុត​ផងដែរ​។​

​តួលេខ​របស់​សកលវិទ្យា​ល័យ​Johns Hopkins University​បង្ហាញ​ថា​អាម៉េរិក​មាន​អ្នក​ឆ្លងកូវី​ដ​១៩​ជិត​២៣០.០០០​នាក់​និង​២.៥២៧​នាក់​ស្លាប់​ដោយ​ជំងឺ​នេះ​កាលពី​ថ្ងៃ​អា​​ទិត្យ​ទី​៦​ធ្នូ​តែមួយ​។​

​សូមបញ្ជាក់​ថា អស់​ពេល​២​សប្តាហ៍​មក​នេះ អាម៉េរិក​មាន​អ្នកស្លាប់​ដោយកូវី​ដ​១៩​លើ​២.០០០​នាក់​ក្នុង​មួយថ្ងៃ ។​

​ក្នុងពេល​ជាមួយគ្នា រុស្ស៊ី​ក៏​ជួប​កំណើន​ការឆ្លង​មិនធម្មតា គឺ​នៅ​ថ្ងៃអាទិត្យ​នេះ​មាន​អ្នក​ឆ្លងកូវី​ដដល់​ទៅ​២៩.០៣៩​នាក់ ជា​ចំនួន​ឆ្លង​ប្រចាំថ្ងៃ​ខ្ពស់​បំផុត​នៅក្នុង​ប្រទេស​នេះ​។​​សរុប រុស្ស៊ី​មាន​អ្នក​ឆ្លង​វីរុស​នេះ​ជាង​២,៤​លាន​នាក់ និង​ជា​ប្រទេស​ទី​៤​ដែល​មាន​អ្នក​ឆ្លង​ច្រើន​បំផុត​បន្ទាប់​ពី​អាម៉េរិក ឥណ្ឌា​និង​ប្រេ​ស៊ីល​។​

​កាលពី​សប្តាហ៍​មុន ប្រធានាធិបតី​រុស្ស៊ី​លោកពូ​ទីន​បាន​បញ្ជា​អោយ​ចាក់​វ៉ាក់សាំង​ប្រឆាំង​កូវី​ដ​១៩ ដោយ​ប្រើ​វ៉ាក់សាំង​ផលិត​នៅ​រុស្ស៊ី​Sputnik V​ហើយ​គ្រូពេទ្យ​និង​គ្រូ​ប​​ង្រៀន​ទទួល​បាន​វា​មុន ។​តាមពិត​Sputnik V​ត្រូវ​បាន​ចាក់​លើ​បុគ្គលិក​វេជ្ជសាស្ត្រ​រុស្ស៊ី​អស់​ពេល​ប៉ុន្មាន​ខែ​មក​ហើយ​ទោះជា​វា​ស្ថិត​ក្នុង​ដំណាក់កាល​សាកល្បង​នៅឡើយ​​ក្តី​។​

​យោធា​រុស្ស៊ី នៅ​សប្តាហ៍​នេះ​បាន​ចាប់ផ្តើម​ចាក់​វ៉ាក់សាំង​ដល់​នាវិក​របស់​នាវា​កងទ័ព​ជើង​ទឹក ដែល​គ្រោង​ចេញ​បេសកកម្ម​ណាមួយ​។​

​នៅ​អង់គ្លេស គេ​ថា​ព្រះមហាក្សត្រ​ព្រះ​ជន្ម​៩៤​វស្សា​នឹង​ទទួល​ការចាក់​សាំង​របស់​ក្រុមហ៊ុន​Pfizer-BioNTech ដើម្បី​ការពារ​ទល់នឹង​វីរុស​កូរ៉ូ​ណានៅ​ប៉ុន្មាន​សប្តាហ៍​ខាង​មុខ​​បន្ទាប់​ពី​និយតករ​អង់គ្លេស​ផ្តល់​ការអនុម័ត​យល់ព្រម​អោយ​ប្រើ​វា​ជា​សាធារណៈ​។​

​ការបញ្ចេញ​ប្រើ​វ៉ាក់សាំង​កូវី​ដ​១៩​នៅ​អង់គ្លេស​នឹង​ចាប់ផ្តើម​នៅ​សប្តាហ៍​ក្រោយ​។​

​មហា​ក្សត្រិយានី អេ​លីហ្សា​បេ​ត ព្រះជន្ម​៩៩​វស្សា និង​ព្រះ​ស្វាមី ព្រះអង្គម្ចាស់ ហ្វី​លីព ត្រូវ​គេ​រំពឹងថា​នឹង​ទទួលបាន​វ៉ាក់សាំង​មុនគេ​

​អង់គ្លេស​បាន​បញ្ជា​ទិញ​វ៉ាក់សាំង​សរុប​៤០​លាន​ដូស ហើយ​ទំនងជា​នឹង​ទទួលបាន​៨​សែន​ដូស ដំបូង​នៅ​សប្តាហ៍​ក្រោយ​។​

​នៅ​អាស៊ី ប្រទេស​កូរ៉េខាងត្បូង​កាលពី​ថ្ងៃអាទិត្យ​កំពុង​ព្រមាន​អំពី​វីរុស​កូរ៉ូ​ណា​នៅ​កំរិត​ខ្ពស់​បំផុត​ទី​២​នៅ​ក្រុង​សេ​អ៊ូ​ល និង​តំបន់​ជុំវិញ​ក្រោយ​ការឆ្លង​ហក់​ឡើង​ពី​១០០​ទៅ​​ជាង​៥០០​ករណី​ក្នុង​មួយថ្ងៃ អស់​ពេល​ប៉ុន្មាន​សប្តាហ៍​មក​នេះ​។​

​ការជួបជុំ​មនុស្ស​ចាប់ពី​៥០​នាក់​ឡើង​នឹងត្រូវ​ហាមឃាត់ និង​ការប្រកួត​កីឡា​អាជីព​ត្រូវធ្វើ​ដោយ​មិន​មាន​អ្នក​ចូល​ទស្សនា​ខណៈ​បណ្តា​ហាង​នៅ​បើក​សំរាប់តែ​អ្នកទិញ​យក​​ទៅ​ហូប​ក្រៅ​។​

​អ៊ីតាលី​ក៏​កំពុង​ជួប​កំណើន​នៃ​ការឆ្លង​ជាថ្មី​(​ជាង​២១.០០០​នាក់​កាលពី​ថ្ងៃ​៦​ធ្នូ​) ក្រោយ​បាន​ស្រក​ចុះ​ក្នុង​ការផ្ទុះ​ជំងឺ​គ្រា​ដំបូង ខណៈ​ដែល​អាម៉េរិក​ឡាទីន និង​តំបន់​កា​រ៉ា​អ៊ី​ប មាន​កំណើន​ការឆ្លង​១៨​ភាគរយ​ក្នុងពេល​១​សប្តាហ៍​៕

​បុគ្គលិក​តម្កល់​សព​រុញរ​ទោះ​ដាក់​សព​មនុស្ស​ចាស់​ម្នាក់​ដែល​ស្លាប់​ដោយកូវី​ដ​១៩​ចេញពីផ្ទះ​ថែទាំ​មនុស្ស​ចាស់​មួយ​នៅ​ក្រុង​បា​សេ​ឡូ​ណា ប្រទេស​អេ​ស្ប៉ាញ​កាលពី​ថ្ងៃ​១៣​វិច្ឆិកា​។​វីរុស​កូរ៉ូណា វាយប្រហារ​មនុស្ស​ចាស់ៗ​សា​ជា​ថ្មី​នៅ​ទូ​ទាំង​អឺរ៉ុប

ទីតាំងផ្សាយពាណិជ្ជកម្ម

- Advertisment -

Most Popular