Home ព័ត៌មានអន្តរជាតិ ចិញ្ចៀន​ឥណ្ឌា...

ចិញ្ចៀន​ឥណ្ឌា​ដាំ​ពេជ្រ​១២.៦៣៨ គ្រាប់ ជាប់​ក្នុង​សៀវភៅ​ឯតទគ្គ​កម្ម​ពិភពលោក​ហ្គី​ន​ណេ​ស​

ប្រែ​សម្រួល : កញ្ញា​ដា​លី​ស​/​ញូវដេលី ៖ ចិញ្ចៀន​ដែលមាន​រាង​ដូច​ផ្កា​ដ៏​ប្រណីត​មាន​ពេជ្រ​តូចៗ​ចំនួន ១២.៦៣៨ គ្រាប់​បាន​ជាប់​ឈ្មោះ​នៅក្នុង​សៀវភៅ​ឯតទគ្គ​កម្ម​ពិភពលោក​ហ្គី​ន​ណេ​ស​ប៉ុន្តែ​អ្នក​ច្នៃប្រឌិត​​ជនជាតិ​ឥណ្ឌា​មិនទាន់មាន​ផែនការ​លក់​ចិញ្ចៀន​មិន​គួរឱ្យ​ជឿ​របស់ខ្លួន​នៅឡើយ​ទេ​។​

​មានឈ្មោះ​ថា The Marigold ឬ “​ចិញ្ចៀន​នៃ​ភាពរុងរឿង​” ចិញ្ចៀន​មួយ​វង់​នេះ​មាន​ទម្ងន់​ជាង ១៦៥ ក្រាម​។​

​លោក ហា​ស៊ីត បាន​សាល់ អាយុ ២៥ ឆ្នាំ ដែល​បាន​ពណ៌នា​ការច្នៃប្រឌិត​របស់​គាត់​ថា​ជា​គម្រោង​ក្នុង​ក្តី​សុបិន បាន​និយាយថា “​វា​អាច​ពាក់បាន​និង​មាន​ផា​សុកភាព​”​។​

​លោក​បាន​សាល់​និយាយថា គាត់​បាន​ទទួល​គំនិត​នេះ​កាលពី ២ ឆ្នាំមុន នៅពេល​ដែល​គាត់​កំពុង​សិក្សា​អំពី​ការ​រចនា​ម៉ូត​គ្រឿងអលង្ការ​នៅ​ទីក្រុង​ស៊ូ​រ៉ាត់​ភាគ​ខាងលិច​ប្រទេស​ឥណ្ឌា​ដែល​ជា​មជ្ឈមណ្ឌល​​ពេជ្រ​របស់​ប្រទេស​។​

​លោក​បាន​សាល់​ប្រាប់​ទីភ្នាក់ងារ​សារព័ត៌មាន AFP ថា “​គោលដៅ​របស់​ខ្ញុំ​គឺ​ត្រូវតែ​មាន​ពេជ្រ​ជាង ១០.០០០ គ្រាប់​ជានិច្ច​។​ខ្ញុំ​បាន​គ្រវាត់ចោល​ម៉ូត​និង​គំនិត​រាប់មិនអស់​ចូល​ក្នុង​ធុងសំរាម​អំឡុង​​ប៉ុន្មាន​ឆ្នាំ​មក​នេះ​រហូតដល់​ចេញ​ម៉ូត​ចុងក្រោយ​នេះ​បានសម្រេច​”​។​

​នៅក្នុង​សេចក្តីថ្លែងការណ៍​មួយ ក្រុមហ៊ុន​របស់​គាត់​បា​ន​និយាយថា ផ្កា​តូចៗ​នី​មួយៗ​ក្នុងការ​រចនា​ចិញ្ចៀន​ម៉ូត​ផ្កា ៨ ស្រទាប់​គឺ​មាន​លក្ខណៈ​ពិសេស​ដាច់​គេ​។​

​លោក​បាន​សាល់​និយាយថា គាត់​បាន​ទាត់ចោល​សំណើ​ជា​ច្រើន​ពី​អ្នកទិញ​និង​ថា “​យើង​គ្មាន​គម្រោង​លក់​វា​ឥឡូវនេះ​ទេ​។ វា​ជា​មោទនភាព​សម្រាប់​យើង​។ វា​មាន​តម្លៃ​មិន​អាច​កាត់ថ្លៃ​បាន​”៕

​ចិញ្ចៀន​ដាំ​ពេជ្រ​១២.៦៣៨ គ្រាប់ ជាប់​ក្នុង​សៀវភៅ​ឯតទគ្គ​កម្ម​ពិភពលោក​ហ្គី​ន​ណេ​ស

ទីតាំងផ្សាយពាណិជ្ជកម្ម

- Advertisment -



Most Popular