ជំងឺ​អាថ៌កំបាំង​ម្យ៉ាង​សម្លាប់​មនុស្ស​ម្នាក់​និង​ចម្លង​២៩០​នាក់​នៅ​ឥណ្ឌា​

​ប្រែ​សម្រួលៈ​វាសនា​/​មូ​ស្គូ​៖​មនុស្ស​ម្នាក់​បាន​ស្លាប់​និង​យ៉ាងតិច​១៩២​នាក់​ដេកពេទ្យ​ជាមួយ​នឹង​រោគ​សញ្ញា​ដូចជា​ឆ្កួតជ្រូក​នៅក្នុង​រដ្ឋ​អាន់​ដ្រា ប្រា​ដែស របស់​ឥណ្ឌា​កាលពី​ថ្ងៃអាទិត្យ នៅពេល​សារព័ត៌មាន​​ឥណ្ឌា​នាំគ្នា​ប្រកាសអាសន្ន​អំពី​«​ជំងឺ​អាថ៌កំបាំង​»​ថ្មី​នេះ​។​

​ជំងឺ​នេះ​នាំ​អោយ​អ្នក​ឆ្លង​សន្លប់​ភ្លាមៗ​ក្រោយ​ចេញ​រោគសញ្ញា ដូចជា​ញ័រញាក់ បែកពពុះមាត់​និង​ចង់​ក្អួត​។​

​សារព័ត៌មាន​Press Trust of India បាន​រាយការណ៍​ថា អ្នកជំងឺ​ដែល​ស្លាប់​ជា​បុរស​វ័យ​៤៥​ឆ្នាំ ដែល​បាន​ចូល​ពេទ្យ​កាលពី​ព្រឹក​ថ្ងៃអាទិត្យ​និង​ស្លាប់​នៅ​ពេល​ល្ងាច​។​

​របាយការណ៍​សារព័ត៌មាន​បាន​និយាយថា ពួក​វេជ្ជបណ្ឌិត​មិនដឹង​មូលហេតុ​នៃ​ជំងឺ​នេះ​ទេ នៅ​ពេល​ធ្វើការ​ពិនិត្យ​ឈាម ខួរក្បាល​និង​ទឹករំអិល​ក្នុង​ឆ្អឹង​មិន​បាន​រកឃើញ​អ្វី​ប្លែក​ទេ​។​អ្នកជំងឺ​ចម្លែក​នេះ​ទាំង​​ត្រូវ​បាន​ពិនិត្យឃើញ​អវិជ្ជ​មាន​កូវី​ដ​១៩​ទាំងអស់​៕

 

ទីតាំងផ្សាយពាណិជ្ជកម្ម

- Advertisment -

Most Popular