Home កីឡា ផ្ល​យ​នឹង​ឡើង...

ផ្ល​យ​នឹង​ឡើង​វ៉ៃ​មិត្តភាព​ជា​មួយ​អ្នកលេង​យូ​ធូប​ម្នាក់​នៅ​ឆ្នាំក្រោយ​

​ប្រែ​សម្រួល : កញ្ញា​ដា​លី​ស ៖ ផ្ល​យ មេ​វេឌ័រ អតីត​ម្ចាស់​ខ្សែក្រវាត់​ពិភពលោក ៥ ប្រភេទ​ទម្ងន់ បានប្រកាសថា ខ្លួន​នឹង​ឡើង​ប្រកួត​ជាមួយ​អ្នកលេង​យូ​ធូប (Youtuber) ឈ្មោះ ឡូហ្គែ​ន ផូល ក្នុង​កម្មវិធី​ប្រកួត “​មិត្តភាព​ពិសេស​” នៅ​ខែ​កុម្ភៈ​ឆ្នាំ ២០២១ ។​

​អ្នក​ប្រដាល់​អាម៉េរិក មេ​វេឌ័រ អាយុ ៤៣ ឆ្នាំ​បាន​បញ្ចប់​អាជីព​របស់​ខ្លួន​ដោយ​មិន​ស្គាល់​រសជាតិ​ចាញ់​សោះ​ក្នុង​ការប្រកួត​ចំនួន ៥០ លើក​។​

​គាត់​បាន​ឡើង​សង្វៀន​ចុងក្រោយ​ក្នុង​ឆ្នាំ ២០១៧ ដោយ​បាន​ផ្តួល​អ្នក​ប្រដាល់​ក្នុង​ទ្រុង​ដ៏​ល្បី​របស់​អង់គ្លេស ខូន័​រ ម៉ាក​ហ្គ្រេ​ហ្គ័​រ នៅក្នុង​ការប្រកួត​ថ្លៃ​បំផុត​ក្នុង​ប្រវត្តិសាស្ត្រ​ប្រដាល់​។​

​ផូល អាយុ ២៥ ឆ្នាំ​ធ្លាប់​ប្រកួត​អាជីព​ម្តងគត់ ដោយ​ចាញ់​អ្នកលេង​យូ​ធូប​ដូចគ្នា ឈ្មោះ ខេ​អេស​អាយ (KSI) នៅ​ខែ​វិច្ឆិកា​ឆ្នាំ ២០១៩ ។​

​មាន​ការប៉ាន់ស្មាន​ថា​ការប្រកួត​នេះ​ត្រូវ​បាន​ព្រមព្រៀង​គ្នា​អស់​រយៈពេល​ជាច្រើន​ខែ​មក​ហើយ ហើយ​ផូល​ជនជាតិ​អាម៉េរិក ដែល​មាន​អ្នក​ចុច Subcribe ជាង ២២ លាន​នាក់​នៅលើ​យូ​ធូប​បាន​បបួល​​មេ​វេឌ័រ​វ៉ៃ​គ្នា​ជាច្រើន​លើក​មក​ហើយ ដោយ​អ្នក​ទាំង​ពីរ​ថែមទាំង​បាន​ជេរ​ប្រមាថ​គ្នា​ផ្អើល​លើ​បណ្តាញ​សង្គម​ទៀតផង​។​

​កាលពី​ខែ​ធ្នូ​ឆ្នាំ ២០១៨ មេ​វេឌ័រ​ត្រូវការ​ពេល​តែ ១៤០ វិនាទី​ដើម្បី​ផ្តួល​អ្នក​ប្រដាល់​ជប៉ុន ថេន​ស៊ីន ណា​ស៊ូ​កា​វ៉ា ក្នុង​ការប្រកួត​ប្រដាល់​មិត្តភាព​តម្លៃ ៩ លាន​ដុល្លារ​៕

មេ​វេឌ័រ​នឹង​វ៉ៃ​ជាមួយ​ផូល​នៅ​ខែ​កុម្ភៈ​ឆ្នាំ​២០២១

ទីតាំងផ្សាយពាណិជ្ជកម្ម

- Advertisment -

Most Popular