Home ព័ត៌មានជាតិ សេដ្ឋកិច្ច ស្ពាន​បេ​ឡេ​ព...

ស្ពាន​បេ​ឡេ​ព្រែក​ថ្មី នឹងត្រូវ​ប្តូរ​ជា​ស្ពានបេតុង​

ដោយៈ យោធិន/កំពង់ចាមៈ កងកម្លាំង​ជំនាញ នាយកដ្ឋាន​វិស្វកម្ម ក្រសួងការពារជាតិ នា​ចុង​សប្តាហ៍​កន្លងទៅ​ថ្មីៗ​នេះ បានធ្វើ​សកម្មភាព​រុះរើ​ស្ពាន​បេ​ឡេ ព្រែក​ថ្មី ដែល​ទ្រុឌទ្រោម ហើយ​ចាប់ផ្ដើម​ស្ថា​នា​ស្ពានបេតុង ជំ​ន​យស​វិញ សម្រាប់​ភ្ជាប់​ចរាចរណ៍ ពី​ភូមិ​ខ្ចៅ​ទី​១ និង​ភូមិ​អូរ​ពពេល ស្ថិតក្នុង​ឃុំ​ខ្ចៅ ស្រុក​កងមាស ខេត្តកំពង់ចាម ។ ស្ពានបេតុង​នេះ គ្រោង​ស្ថាបនា​ឱ្យ​រួចរាល់ នាឱកាស​ចូលឆ្នាំ​ខ្មែរ ២០២១ ខាងមុខនេះ ។​

​ឧ​ត្ត​ម​សេនីយ៍​ឯក គង់ អៀង នាយករង នាយកដ្ឋាន​វិស្វកម្ម​ក្រសួង​កា​ពារ​ជាតិ​ក្នុងឱកាស ដឹកនាំ ក្រុម​ជំនាញ​ស្ថាបនា ស្ពាន ថ្នល់​ខេត្ត​លេខ​២៧០ ចាប់ពី​ភូមិសាស្ត្រ ស្រុក​កងមាស រហូតដល់​ចំណុច​បំបែក ផ្លូវជាតិ​លេខ​៦ ក្នុងភូមិ​សាស្ត្រ​រកា​កោង ស្រុក​មុខកំពូល ខេត្តកណ្តាល បានបញ្ជាក់​ថាៈ ស្ពានបេតុង​ព្រែក​ថ្មី ខាងលើនេះ មាន​បណ្តោយ​ប្រវែង ៤០​ម៉ែត្រ ទទឹង​ប្រវែង ១០,៩០​ម៉ែត្រ​។​

​ឧ​ត្ត​ម​សេនីយ៍​ឯក គង់ អៀង ក៏បាន​ណែនាំ​ដល់​កងកម្លាំង​ជំនាញ ស្ថាបនា​ស្ពានបេតុង​ព្រែក​ថ្មី ត្រូវ​យកចិត្តទុកដាក់ ក្នុងការ​ស្ថាបនា​ផ្លូវ​វាង ខណៈដែល​ស្ពាន​បេ​ឡេ ត្រូវ​រុះរើ​ដើម្បី​សម្រួល ឲ្យ​ដល់​ការធ្វើ​ចរាចរ ឆ្លងកាត់​តំបន់​ខាងលើនេះ បានជា​ធម្មតា រហូតដល់​ស្ពានបេតុង ត្រូវបាន​ស្ថាបនា រួចរាល់​ជា​ស្ថាពរ ដែល​តាម​ការគ្រោងទុក នាឱកាស​ចូលឆ្នាំ​ខ្មែរ​២០២១ ខាងមុខនេះ​។​

​ដើម្បី​សម្រេច​ឲ្យ​បាន តាម​ការគ្រោងទុក ក្នុងការ​ស្ថាបនា ស្ពានបេតុង​ព្រែក​ថ្មី និង​ចាក់​ក្រាល កៅស៊ូ កំណាត់​ផ្លូវ​ខេត្ត​លេខ​២៧០ ឲ្យ​បាន​រួចរាល់ នាពេល​ចូលឆ្នាំ​ខ្មែរ ខាងមុខនេះ ឧ​ត្ត​ម​សេនីយ៍​ឯក គង់​អៀង បាន​ត្រួតពិនិត្យ យ៉ាង​ម៉ត់ចត់​បំផុត ក្នុង​ការដាក់​ប្រព័ន្ធ​លូ បង្ហូរទឹក​សងខាង​ផ្លូវ ខណៈដែល​ផ្លូវ​មួយ​ខ្សែ​នេះ រង​ការលិចលង់​ខ្លាំង ដោយ​អន្លើ ក្នុង​រដូវវស្សា​ជា​រៀងរាល់ឆ្នាំ​៕​PC

ទីតាំងផ្សាយពាណិជ្ជកម្ម

- Advertisment -

Most Popular