ដោយៈ គ្រញូង/បាត់ដំបងៈ នៅព្រឹកថ្ងៃទី៧ ខែធ្នូ ឆ្នាំ២០២០ នេះ ក្នុងបរិវេណស្នងកាងដ្ឋាន នគរបាលខេត្តបាត់ដំបង លោក ខាន់ ម៉ាណេរ រដ្ឋលេខាធិការ ក្រសួងសាធារណការ និងដឹកជញ្ជូន និងជាប្រធានក្រុមការងារ ក្រឡាហោមមនុស្សធម៌ បាត់ដំបង បានដឹកនាំក្រុម ការងារ នាំយកអំណោយដ៏ថ្លៃថ្លា របស់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងលោកជំទាវ មកប្រគល់ជូនដល់អង្គភាពអធិការដ្ឋាន នគរបាលក្រុង ស្រុកចំនួន៤ ចំណុះស្នងការដ្ឋាននគរបាល ខេត្តបាត់ដំបង។
លោក ខាន់ ម៉ាណេរ បានមានប្រសាសន៍ថា ដើម្បីចូលរួមជួយសម្រាល ចំពោះការលំបាក ខ្វះខាត របស់ក្រុមគ្រួសារ កងកម្លាំងនគរបាល ក៏ដូចជា ប្រជាពលរដ្ឋក្រីក្រ នៅមូលដ្ឋាន ថ្ងៃនេះ សម្តេចក្រឡាហោម ស ខេង និងលោកជំទាវ តាមរយៈក្រុមការងារក្រឡាហោម មនុស្សធម៌ បាត់ដំបង ដែលមានរូបលោក ជាប្រធានក្រុម បាននាំយកអង្ករ ចំនួន ៨ តោន មីចំនួន ២០០ កេសតូច ត្រីខកំប៉ុង ចំនួន ៤០០ យួរ ទឹកត្រីចំនួន ២០០ យួរ ទឹកស៊ីអ៊ីវ ចំនួន ២០០ យួរ ប្រគល់ជូនដល់ អង្គភាពអធិការដ្ឋាន នគរបាលក្រុង ស្រុកចំនួន៤ ក្នុងខេត្ត បាត់ដំបង ដែលរួមមាន អធិការដ្ឋាននគរបាលក្រុងបាត់ដំបង ស្រុកឯកភ្នំ ស្រុកថ្មគោល និងស្រុកបវេល ដើម្បីបានចែករំលែក ដល់ក្រុមគ្រួសារកងកម្លាំងនគរបាល និងគ្រួសារ ប្រជាពលរដ្ឋក្រីក្រ ខ្វះខាត នៅក្នុងមូលដ្ឋាន និងកងកម្លាំង ដែលជួបការលំបាក ក្នុងជីវភាពប្រចាំថ្ងៃ៕PC
