Home ព័ត៌មានជាតិ សង្គម កម្លាំង​នគរបា...

កម្លាំង​នគរបាល ចុះ​អប់រំ និង​ផ្សព្វផ្សាយ ដល់​ប្រជាពលរដ្ឋ នូវ​វិធាន​ការបង្ការ ទប់ស្កាត់ កុំ​ឲ្យ​ឆ្លង​វីរ​យស​កូ​វីដ​១៩

ដោយៈ មុនី​រ័ត្ន​/​ភ្នំពេញៈ ដោយ​អនុវត្តតាម​បទបញ្ជា របស់លោក​ឧ​ត្ត​ម​សេនីយ៍​ឯក ស ថេត អគ្គ​ស្នងការរង​នគរបាលជាតិ និង​ជា​ស្នងការ​នគរបាល រាជធានី​ភ្នំពេញ លោក​ឧ​ត្ត​ម សេនីយ៍​ត្រី សែម គ​ន្ធា ស្នងការរង​ទទួល​ផែនការ​ងារ សណ្តាប់ធ្នាប់ នៅ​ព្រឹក​ថ្ងៃទី​៧ ខែធ្នូ ឆ្នាំ​២០២០ បាន​ដឹកនាំ​កម្លាំង​នគរបាល នៃ​ការិយាល័យ​សណ្តាប់ធ្នាប់​រា​ជ​ធានី ដែល​ឈរ ជើង​នៅតាម​គោលដៅ​ផ្សារ​នានា ក្នុង​រាជធានី​ភ្នំពេញ បាន​ចុះ​អប់រំ និង​ផ្សព្វផ្សាយ សេចក្តី ណែរ​នាំ​របស់​ក្រសួងសុខាភិបាល ឲ្យ​ដល់​ប្រជាពលរដ្ឋ នូវ​វិធាន​ការបង្ការ​ទប់ស្កាត់ កុំ​ឲ្យ​មានការ​ឆ្លង​រាលដាល មេរោគ​កូ​វីដ​១៩ ដែល​កំពុងតែ​រាតត្បាត ដោយ​ត្រូវ​ពាក់​ម៉ាស់ និង​លាងដៃ​ជាមួយ​សាប៊ូ ឬ​អាល់កុល​ជាប្រចាំ ។​

លោក​ឧ​ត្ត​ម​សេនីយ៍​ត្រី សែម គ​ន្ធា បាន​មានប្រសាសន៍ថាៈ ដោយសារ​មានការ​ណែនាំ ពី​លោក​អភិបាល​រាជ ធានី​ភ្នំពេញ ក៏ដូចជា ការណែនាំ​ពី​លោក ឧ​ត្ត​ម​សេនីយ៍​ឯក ស ថេត អគ្គ​ស្នងការរង នគរបាលជាតិ និង​ជា​ស្នងការ​នគរបាល រាជធានី​ភ្នំពេញ បាន​ណែនាំ ដល់​កម្លាំង​នគរបាល នៃ​ផែន​ការងារ សណ្តាប់ធ្នាប់ និង​ចរាចរណ៍ ចុះ​អប់រំ​ណែនាំ​ដល់ ប្រជាពលរដ្ឋ ដែល​ធ្វើដំណើរ​នៅតាម​ដងផ្លូវ ក៏ដូចជា នៅតាម​ទីផ្សារ និង​តាម​ទីសាធារណៈ​មួយចំនួន ដើម្បី​ឲ្យ​ចូលរួម​អនុវត្ត​វិធានការ របស់​ក្រសួងសុខាភិបាល ដើម្បី​ទប់ស្កាត់​កុំ​ឲ្យ​ឆ្លង​វីរុស​កូ​វីដ​១៩​។ ហើយ​កម្លាំង​របស់លោក​បាន​ផ្សព្វផ្សាយ​តាម​គោលដៅ​និ​មួយៗ ដោយ​ក្នុងនោះ​មាននៅ​តាម​ស្តុ​ប និង​តាម​ផ្សារ​មួយចំនួន​។ ជាពិសេស សូម​ឲ្យ​ប្រជាពលរដ្ឋ ចូលរួម​អនុវត្ត​វិធានការ របស់​ក្រសួងសុខាភិបាល ដើម្បី​កុំ​ឲ្យ​មាន​ការឆ្លង​ចូល ក្នុង​សហគមន៍ ដែល​កំពុងតែ​មានការ​ទប់ស្កាត់ ជាពិសេស​ពី​សំណាក់ ប្រមុខ​ដឹកនាំ​រាជរដ្ឋាភិបាល​។​

​លោក​ឧ​ត្ត​ម​សេនីយ៍​ត្រី សែម គ​ន្ធា បានបញ្ជាក់​ថាៈ ចំពោះ​ការផ្សព្វផ្សាយ​នេះ គឺ​ឃើញ​មានការ​ចូលរួម ពី​ប្រជាពលរដ្ឋ​បាន​ច្រើន ក្នុងការ​អនុវត្ត​វិធានការ របស់​ក្រសួងសុខាភិបាល ដើម្បី​ទប់ស្កាត់ កុំ​ឲ្យ​ឆ្លង​វីរុស​កូ​វីដ​១៩​។ ហើយ​កម្លាំង​បាន​ចែកជូន​ម៉ាស់ ដល់​ប្រជាពលរដ្ឋ ដែល​មិនមាន​ម៉ាស់​ពាក់​ការពារ​ផងដែរ​។​

​ក្រសួងសុខាភិបាល នៅ​ព្រឹក​ថ្ងៃទី​៧ ខែធ្នូ នេះ បាន​ឲ្យ​ដឹងថាៈ លទ្ធផល​ធ្វើតេស្ត អ្នក​ប៉ះពាល់ ក្នុង​ព្រឹត្តិការណ៍​សហគមន៍ ២៨ វិច្ឆិកា គិតពី​ថ្ងៃទី​២៩ ខែវិច្ឆិកា ដល់​ថ្ងៃទី​៦ ខែធ្នូ ឆ្នាំ​២០២០ ក្រសួងសុខាភិបាល បានធ្វើ​តេស្ត​អ្នក​ប៉ះពាល់ សរុប​ទាំងអស់ បាន​ចំនួន ១១.៣០៥ សំណាក ដែល​នៅក្នុង​ចំនួន​នេះ មាន​អ្នក​វិជ្ជមាន វីរុស​កូ​វីដ​-១៩ ថ្មី សរុប​ចំនួន ៣២ នាក់ ដែល​កំពុង សម្រាក​ព្យាបាល នៅ​មន្ទីរពេទ្យ​មិត្តភាព ខ្មែរ​-​សូ​វៀត និង​មណ្ឌល​សុខភាព​ចាក់អង្រែ​។​

​ជាមួយគ្នានេះ ក្រសួងសុខាភិបាល សូម​ឲ្យ​អ្នក​ប៉ះពាល់ ទៅនឹង​ព្រឹត្តិការណ៍​សហគមន៍ ២៨ វិច្ឆិកា ទាំងអស់ អញ្ជើញ​ទៅធ្វើ​តេស្ត ជា​លើក​ទី​២ នៅ​ថ្ងៃទី​៧ ខែធ្នូ ឆ្នាំ​២០២០ ដែល​ក្រសួង សុខាភិបាល នឹង​រៀបចំ​ទីតាំង នៅ​បរិវេណ ក្រសួងមហាផ្ទៃ សម្រាប់​បុគ្គលិក -​មន្ត្រីរាជការ ស៊ីវិល និង​នៅ​ថ្ងៃទី​៨ ខែធ្នូ ឆ្នាំ​២០២០ ដែល​ក្រសួងសុខាភិបាល នឹង​រៀបចំ​ទីតាំង នៅ​បរិវេណ​ពហុកីឡាដ្ឋាន​ជាតិ​អូឡាំពិក រាជធានី​ភ្នំពេញ សម្រាប់​បងប្អូន​ប្រជាពលរដ្ឋ ដែលជា​អ្នក​ប៉ះពាល់ និង​នៅតាម​មន្ទីរ​សុខាភិបាល រាជធានី ខេត្ត (​ដែល​ទទួលខុសត្រូវ ក្នុង​ការរៀបចំ​ទីកន្លែង នៅពេលនោះ សម្រាប់​អ្នកពាក់ព័ន្ធ​នៅតាម​ខេត្ត​)៕PC /V

ទីតាំងផ្សាយពាណិជ្ជកម្ម

- Advertisment -

Most Popular