Home ព័ត៌មានជាតិ សង្គម រដ្ឋបាល​ក្រុង...

រដ្ឋបាល​ក្រុង​ប៉ោយប៉ែត ច្រានចោល​ព័ត៌មាន​បំផ្លើស ពាក់ព័ន្ធ​ករណី​១ នៃ​ជំងឺ​កូ​វីដ​-១៩ នៅក្នុង​ក្រុង​នេះ

ដោយៈ ភ្នំ​ស្វាយ/បន្ទាយ​មាន​ជ័​យៈ រដ្ឋបាល​ក្រុង​ប៉ោយប៉ែត បានចេញ​សេចក្តីជូនដំណឹង មួយ ចុះ​នៅ​ថ្ងៃទី​៦ ខែ​ធ្នួ ឆ្នាំ​២០២០ ដោយបាន​ច្រានចោល ព័ត៌មាន​បំផ្លើស ពាក់ព័ន្ធ​ករណី​១ នៃ​ជំងឺ​កូ​វីដ​-១៩ នៅក្នុង​ក្រុង​នេះ​។​

​នៅក្នុង​សេចក្តីជូនដំណឹង ដែល​ចុះ​នៅ​ថ្ងៃទី​៦ ខែ​ធ្នួ ឆ្នាំ​២០២០ រដ្ឋបាល​ក្រុង​ប៉ោយប៉ែត បាន​ជម្រាបជូន​ដល់​សាធារណជន ប្រជាពលរដ្ឋ នៅក្នុង​ក្រុង​ប៉ោយប៉ែត ទាំងអស់ ឱ្យបាន​ជ្រាបថា កាលពី​ថ្ងៃទី​៥ ខែធ្នូ ឆ្នាំ​២០២០ វេលា​ម៉ោង ៨:៣៦​នាទី យប់​មាន​គណនី ហ្វេ​សស​ប៊ុ​កមួយ ឈ្មោះ HeNa Na បាន​បង្ហោះ​ខ្លឹមសារ ដោយបាន​សរសេរថា “​អាវិត​មក ដល់​ប៉ោយប៉ែត​ហើយ បងប្អូន​យើង ប្រុងប្រយ័ត្ន​ផង គេ​បិទ Hotel លី ហេង​ឆាយ ការពារ​ដោយ​លាង​អាកុល និង​ទឹក​ក្តៅ អោយបាន​ច្រើន ដើម្បី​សម្លាប់​មេរោគ ” ។

​ករណីនេះ រដ្ឋបាល​ក្រុង រួមជាមួយ កម្លាំង​ជំនាញ នៃ​អធិការដ្ឋាន​នគរបាល ក្រុង​ប៉ោយប៉ែត បាន​កោះហៅ សុំ​សហការ​ជាមួយ​ម្ចាស់​គណនី​ខាងលើ ដែលមាន​ឈ្មោះ​ពិត​គឺ ឈ្មោះ ចាន់ វណ្ណា ភេទ​ប្រុស អាយុ ២៤ ឆ្នាំ ជនជាតិខ្មែរ ទីលំនៅ​បច្ចុប្បន្ន នៅ​ភូមិ​ក្បាលស្ពាន​២ សង្កាត់​ប៉ោយប៉ែត ក្រុង​ប៉ោយប៉ែត ខេត្តបន្ទាយមានជ័យ ដោយ​នាំយកមក​សាកសួរ និង​បានធ្វើ​កិច្ចសន្យា​អប់រំ បញ្ឈប់​ការផ្សព្វផ្សាយ​ព័ត៌មាន​បំផ្លើស ឬ​ខុសពី​ការពិត ។​

​រដ្ឋបាល​ក្រុង នៅបាន​បន្ថែមថាៈ បងប្អូន​ប្រជាពលរដ្ឋ នៅក្នុង​មូលដ្ឋាន​ក្រុង​យើង​ជ្រាប​ផង ដែរ​ថា សម្រាប់​ព្រឹត្តិការណ៍​កូ​វីដ សហគមន៍ ២៨ វិច្ឆិកា នៅក្នុង​ក្រុង​ប៉ោយប៉ែត​ពុំមាន ករណី​ឆ្លង​ជំងឺ​កូ​វីដ ១៩ នោះទេ ៕​PC

ទីតាំងផ្សាយពាណិជ្ជកម្ម

- Advertisment -

Most Popular