Home ព័ត៌មានជាតិ សង្គម ឯកអគ្គរដ្ឋទូត...

ឯកអគ្គរដ្ឋទូត​សិង្ហ​បុរី​ជម្រាបលា​មន្ត្រី​អាជ្ញាធរ​មីន​កម្ពុជា

ដោយៈ ជា​សីហៈ​/​ភ្នំពេញៈ លោក​ទេសរដ្ឋមន្ត្រី លី ធុជ អនុប្រធាន​ទី​១ អាជ្ញាធរ​មីន បាន​ទ​ទូល​ជួប លោក ម៉ា​យ​ឃើ​ល តាន (Michael Tan) ឯកអគ្គរដ្ឋទូត​សិង្ហ​បុរី​ប្រចាំ​នៅ​កម្ពុជា ដែល​បាន​ចូលជួប​សម្តែង​ការគួរសម និង​ជម្រាបលា ក្នុងឱកាស​ដែល​លោក​បានបញ្ចប់ បេសកកម្ម​ការទូត​នៅ​ព្រះរាជាណាចក្រ​កម្ពុជា​។​

​លោក លី ធុជ បាន​ថ្លែងថា នា​ជំនួប​កាលពី​ព្រឹក​ថ្ងៃទី​០៧ ខែធ្នូ ឆ្នាំ​២០២០ ក្នុងនាម​សម្តេចតេ​ជោនាយករដ្ឋមន្ត្រី និង​ជា​ប្រធាន​អាជ្ញាធរ​មីន ខ្ញុំ​បានអនុញ្ញាត​ឲ្យ លោក​ឯកអគ្គរដ្ឋទូត សឹង្ហ​បុរី​ប្រចាំ​នៅ​កម្ពុជា ចូលជួប​សម្ដែង​ការគួរសម និង​ជម្រាបលា​ក្នុងឱកាស​បញ្ចប់​អាណត្តិ នៅ​កម្ពុជា​។

​នាឱកាស​នោះ​លោក​ឯកអគ្គរដ្ឋទូត បាន​ថ្លែងអំណរគុណ​ដល់​ប្រជាជន និង​រាជរដ្ឋាភិបាល កម្ពុជា ដែល​បានផ្តល់​កិច្ចសហប្រតិបត្តិការ និង​គាំទ្រ​ចំពោះ​បេសកកម្ម​ការទូត​របស់ លោក នៅ​កម្ពុជា​នាពេល​កន្លងមក​។ ឯកអគ្គរដ្ឋទូត បាន​កោតសរសើរ និង​វាយតម្លៃ​ខ្ពស់​ចំពោះ ការងារ​បោសសម្អាត​មីន​នៅ​កម្ពុជា ដែល​បាន​ចូលរួម​ផ្តល់នូវ​ដី​សុវត្ថិភាព​ដល់​ប្រជាពលរដ្ឋ គាំពារ​ដល់​សុខសន្តិភាព និង​ការអភិវឌ្ឍ​នៅ​កម្ពុជា​។

​លោក លី ធុច ក៏បាន​ថ្លែងអំណរគុណ​ដល់​ប្រទេស​សិង្ហ​បុរី ដែល​បានការ​ចូលរួម​ជាមួយ រាជរដ្ឋាភិបាល​កម្ពុជា លើ​កិច្ចសហប្រតិបត្តិការ កសាង​ធនធានមនុស្ស ការអភិវឌ្ឍ សេដ្ឋកិច្ច និង​ពាណិជ្ជកម្ម ជាដើម ជាពិសេស​បាន​ចូលរួម​ផ្តល់នូវ​ការដឹកនាំ គ្រប់គ្រង និង​គាំទ្រ​យ៉ាង សកម្ម​ដល់​មជ្ឈមណ្ឌល ARMAC ៕​PC

ទីតាំងផ្សាយពាណិជ្ជកម្ម

- Advertisment -

Most Popular