Home ព័ត៌មានជាតិ សន្តិសុខ កម្លាំង​នគរបា...

កម្លាំង​នគរបាល​ស្រុក​ស្នួល​ឃាត់ខ្លួន​ជនសង្ស័យ​ម្នាក់​ករណី​ជួញដូរ​គ្រឿងញៀន​

ដោយ​: ស​រិ​ទ្ធ / ក្រចេះ​: ជនសង្ស័យ​ម្នាក់​ដែល​ជាប់​ពាក់ព័ន្ធ​ករណី​ជួញដូរ​គ្រឿងញៀន បាន​ត្រូវ​កម្លាំង​នគរបាល​ស្រុក​ស្នួល​ឃាត់ខ្លួន កាលពី​ម៉ោង​៩​និង​៤០​នាទី​ព្រឹក​ថ្ងៃទី​៧ ខែធ្នូ ឆ្នាំ​២០២០ នៅ​ចំណុច​ចម្ការកៅស៊ូ សូ​បា ស្ថិតក្នុង​ភូមិ​ក្បាល​ស្នួល ឃុំ​ស្នួល ស្រុក​ស្នួល ខេត្តក្រចេះ​។​

​ជនសង្ស័យ ឈ្មោះ ស៊ឺន ចង ហៅ​ឡី ភេទ​ប្រុស អាយុ​២៧​ឆ្នាំ ក្រោយ​ឃាត់ខ្លួន​សមត្ថកិច្ច​បាន​ចាប់យក​សម្ភារ​ជា​វត្ថុតាង រួមមាន​៖ ម្សៅ​ក្រាម​ពណ៌​ស​សង្ស័យ​ជា​គ្រឿងញៀន ចំនួន​៣​កញ្ចប់​
-​ថ្នាំ​គ្រាប់​ពណ៌​ក្រហម​(WY)​ចំនួន​២​គ្រាប់ -​ជញ្ជីង​អេ​ឡិច​ត្រូ​និ​សម្រាប់​ថ្លឹង​គ្រឿងញៀន​ចំនួន​១​គ្រឿង​ថង់ សម្រាប់​ច្រក​គ្រឿងញៀន​មួយចំនួន​។​

​បច្ចុប្បន្ន​ជនសង្ស័យ​កំពុង​ឃាត់ខ្លួន​នៅ​អធិការដ្ឋាន​នគរបាល​ស្រុក​ស្នួល ដើម្បី​កសាង​សំណុំរឿង​បញ្ជូនទៅ​តុលាការ​ចាត់ការ​បន្ត​តាម​នីតិវិធី​៕

ទីតាំងផ្សាយពាណិជ្ជកម្ម

- Advertisment -



Most Popular