Home ព័ត៌មានជាតិ សន្តិសុខ ស្ត្រី​ជា​បុគ...

ស្ត្រី​ជា​បុគ្គលិក​ផ្នែក​លក់ របស់​ក្រុមហ៊ុន អ៊ីង ជូ​ហ្គោ​ណា កឹ​ប​កេង​យកប្រាក់​ក្រុមហ៊ុន ត្រូវ​តុលាការ​ឃុំខ្លួន​

ដោយៈ ស​រិ​ទ្ធ/ភ្នំពេញៈ ស្ត្រី​ម្នាក់ជា​បុគ្គលិក​ផ្នែក​លក់ របស់​ក្រុមហ៊ុន អ៊ីងជូ​ហ្គោ​ណា នៅ​ផ្សារ​ម៉ាក្រូ ដែល​បាន​កឹ​ប​កេង​យកប្រាក់ ក្រុមហ៊ុន ចំនួន ៩.២១៤,៨៧ ដុល្លារ បាន​ត្រូវ​តុលាការ​សម្រេច​ឃុំខ្លួន ដាក់ពន្ធនាគារ នៅ​រសៀល​ថ្ងៃទី​៧ ខែធ្នូ ឆ្នាំ​២០២០ ក្រោម​ការចោទប្រកាន់ ពីបទ​រំលោភ​លើ​ទំនុកចិត្ត​។​

​ស្ត្រី​រូបនេះ ឈ្មោះ ទូច បុព្វ​ត្តា អាយុ​៣៦​ឆ្នាំ មុខរបរ ជា​បុគ្គលិក​ផ្នែក​លក់ ក្រុមហ៊ុន​អ៊ីង​ជូ ហ្គោ​ណា ក្នុង​ផ្សារ​ម៉ាក្រូ ស្នាក់នៅ​បន្ទប់​ជួល ផ្លូវ​បេតុង សង្កាត់​អូរឫស្សី​ទី​១ ខណ្ឌ​៧​មករា រាជធានី​ភ្នំពេញ ។ សមត្ថកិច្ច បាន​ឃាត់ខ្លួន​ស្ត្រី​រូបនេះ កាលពី​ថ្ងៃទី​៤ ខែធ្នូ ឆ្នាំ​២០២០ នៅ​ចំណុច​ក្នុង​ក្រុមហ៊ុន អ៊ីង​ជូ​ហ្គោ​ណា ក្នុង​ផ្សារ​ម៉ាក្រូ ផ្លូវ​១០០៣ ភូមិ​បា​យ៉ាប សង្កាត់ ភ្នំពេញ​ថ្មី ខណ្ឌ​សែន​សុខ​។​

​ចំណែក​ជនរងគ្រោះ ឈ្មោះ Bouillot Gauhtier Jacques Marie ភេទ​ប្រុស អាយុ​៣៨​ឆ្នាំ ជនជាតិ​ជប៉ុន មុខរបរ ប្រធាន​ក្រុមហ៊ុន អ៊ីង​ជូ​ហ្គោ​ណា ផ្សារ​ម៉ាក្រូ ស្នាក់​ផ្ទះជួល​លេខ​១៧ ផ្លូវ​៣២២ សង្កាត់​បឹង​កេង កង​១ ខណ្ឌ​បឹង​កេងកង កាន់​លិខិតឆ្លងដែន​លេខ 17FV24534 ។​

​ប្រភពពី​ដើមបណ្តឹង បាន​ឲ្យ​ដឹងថាៈ ស្ត្រី​ជា​ជនសង្ស័យ បាន​យកលុយ​របស់​ក្រុមហ៊ុន អ៊ីង​ជូ​ហ្គោ​ណា ផ្សារ​ម៉ាក្រូ ចំនួន ៩.២១៤,៨៧ ដុល្លារ ដោយ​គ្មាន​ការអនុញ្ញាត ទើប​គាត់ ដាក់ពាក្យ​បណ្តឹង ឲ្យ​សមត្ថកិច្ច​ឃាត់ខ្លួន​តែម្តង​៕PC

ទីតាំងផ្សាយពាណិជ្ជកម្ម

- Advertisment -

Most Popular