រាសី​ , ល្បាក់ទឹក​ ,​សិន្ធុ​,សុរិយោដី​

ដោយៈ​ដកស្រង់​ពី​វចនានុក្រម​សម្តេច​សង្ឃរាជ ជួន ណាត​

រាសី​
​នាមសព្ទ​
( បា​. រា​សិ ; សំ​. រា​ឝិ ) គំនរ​, ពំនូក​; ពួក​, កង​; ប្រជុំ ។ មាត្រា​រង្វាស់​ចម្ងាយ​ល្វែង​ផ្ទៃមេឃ ដែលជា​ផ្លូវ​ចរនៃ​ព្រះអាទិត្យ​ព្រះចន្ទ្រ​; តាម​ហោរាសាស្ត្រ​ថា ល្វែង​មួយៗ​មាន​ចម្ងាយ​៣០​អង្សា ហៅថា មួយ​រាសី សម្រាប់​សុរិយគតិ​, មាន ១២ គឺ ១- មេសៈ ឬ មេសរាសី “​រាសី​ចៀម​ឬ​ពពែ​” ( បារ​. អា​វ្រិ​ល ឬ អាវ​រិល Avril រាសី​ទី​៤ ) មាន ៣០ ថ្ងៃ​; ២-​ឧសភៈ ឬ ឧសភរាសី ” —​គោ​ឈ្មោល ” ( បារ​. ម៉េ Mai —​ទី​៥ ) មាន​៣១​ថ្ងៃ​; ៣- មិថុនៈ ឬ មិថុនរាសី ” —​គូ បុរស​និង​ស្ត្រី ” ( បារ​. ហ្ស៊ូ​វ៉ាំ​ង ឬ យូ​វាំង Juin —​ទី​៦ ) មាន​៣០​ថ្ងៃ ; ៤-​កក្កដៈ ឬ កក្កដ​រាសី ” —​ក្ដាម ” ( បារ​. ហ្ស៊ុ​យ្យេ​ត៍ ឬ ស៊ូ​យេ​ត Juillet —​ទី​៧ ) មាន​៣១ ថ្ងៃ ; ៥- សីហៈ ឬ សីហរាសី ” —​សីហៈ ” ( បារ​. អា​អ៊ូ​ត៍ ឬ អា​អ៊ូ​ត AoÙt —​ទី​៨ ) មាន ៣១ ថ្ងៃ​; ៦- កញ្ញា ឬ កញ្ញា​រាសី “—​ស្រី​ក្រមុំ​” ( បារ​. សេប​តម​ប្រិ៍ septembre —​ទី​៩ ) មាន ៣០ ថ្ងៃ​; ៧-​តុលា ឬ តុលា​រាសី “—​ជញ្ជីង​” ( បារ​. ឲ​ក​តូ​ប្រិ៍ Octobre -​ទី​១០ ) មាន ៣១​ថ្ងៃ​; ៨-​វិច្ឆិកៈ ឬ វិច្ឆិករាសី “—​ខ្ទួយ​” ( បារ​. ណ​វ៉ូម​ប្រិ៍ ឬ ណោ​វ៉​ម​ប្រិ៍ Novembre —​ទី​១១ ) មាន ៣០ ថ្ងៃ​; ៩-​ធនុ ឬ ធនុរាសី “—​ធ្នូ​” ( បារ​. ដេ​សម​ប្រិ៍ Décembre —​ទី​១២ ) មាន ៣១ ថ្ងៃ​; ១០- មករៈ ឬ មកររាសី ” —​មករ ” ( បារ​. ស្យ៊​ង់​វិ​យេ​រ ឬ យ៉ាំង​វិ​យេ​រ Janvier —​ទី​១ ) មាន​៣១​ថ្ងៃ​; ១១- កុម្ភៈ ឬ កុម្ភ​រាសី ” —​ក្អម ” ( បារ​. ហេ្វ​វ្រិ​យេ​រ ឬ ហ្វេ​វរិ​យេ​រ Février —​ទី​២ ) មាន ២៨ ឬ ចួនកាល​មាន​២៩​ថ្ងៃ ; ១២-​មីនៈ ឬ មីនរាសី ” —​ត្រី ” ( បារ​. ម៉ា​រ្យ Mars —​ទី​៣ )​មាន​៣១​ថ្ងៃ ; ជាមួយ​ឆ្នាំ​នៃ​សុរិយគតិ​មាន​៣៦៥​ថ្ងៃ ឬ​ចួនកាល​មាន​៣៦៦​ថ្ងៃ ។ មាត្រា​រង្វាស់​នៃ​ចន្ទគតិ​មិនមាន​កំណត់​អង្សា​ទេ ហៅថា ឫក្ស ឬ នក្សត្រឫក្ស​, មាន​១២​គឺ ១- មិគសិរ ឬ មិគសិរ​ឫក្ស ” ឫក្ស​ក្ដាន់ ” មាន​២៩​ថ្ងៃ ; ២- បុស្ស ឬ បុស្ស​ឫក្ស ” —​ក្ដាម ” មាន​៣០​ថ្ងៃ​; ៣- មាឃ ឬ មាឃ​ឫក្ស ” —​ស្វាព្រាហ្មណ៍ ” មាន​២៩​ថ្ងៃ​; ៤- ផគ្គុណ ឬ ផល្គុន​ឫក្ស ” —​គោ ” មាន​៣០​ថ្ងៃ​; ៥- ចេត្រ ឬ ចិត្រ​ឫក្ស ” —​ខ្លា ” មាន​២៩​ថ្ងៃ​; ៦-​ពិសាខ ឫ វិសាខ​ឫក្ស ” —​ក្របី ” មាន​៣០​ថ្ងៃ ,៧- ជេស្ឋ ឬ ជេ​ដ្ឋ​ឫក្ស ” —​ពពែ ” មាន​២៩​ថ្ងៃ ឬ ចួនកាល​មាន ៣០ ថ្ងៃ​; ៨- អាសាឍ ឫ អាសា​ឡ្ហ​ឫក្ស “—​សីហៈ​” មាន ៣០ ថ្ងៃ ; ៩- ស្រាពណ៍ ឬ ស្រាវ​ណ​ឫក្ស សាវ​ណ​ឫក្ស ” —​ផ្កាយ​ឈើ ” មាន​២៩​ថ្ងៃ​; ១០- ភទ្របទ ឬ ភ​ទ្រ​ប​ទា​ឫក្ស ” —​រមាស ” មាន ៣០​ថ្ងៃ​; ១១- អស្សុជ ឬ អស្សយុជ​ឫក្ស ” —​សេះ ” មាន​២៩ ថ្ងៃ​; ១២- ក​ត្ដិក ឬ កត្តិក​ឫក្ស ” —​កូន​មាន់ ” មាន​៣០​ថ្ងៃ​; ជាមួយ​ឆ្នាំ​នៃ​ចន្ទគតិ មាន ៣៥៤ ថ្ងៃ​, បើ​ឆ្នាំ​ដែលមាន​ចន្ទ្រា​ធិ​មាស ( អធិកវារៈ ) មាន​៣៥៥ ថ្ងៃ​, ឆ្នាំ​ដែលមាន​អធិកមាស មាន​៣៨៤ ថ្ងៃ ( ម​. ព​. រតូវ ឬ រដូវ និង មាស ន​. និង រាសិចក្រ ផង ) ។ លើករាសី តាំង​ប្រសិទ្ធី​តាម​ក្បួនតម្រា​សូត្រ​រំលើក​រាសី​ដែល​អាប់​ឲ្យ​ត្រឡប់​រុងរឿង​ឡើង ។ ខ្មែរ​ប្រើពាក្យ រាសី នេះ​សំដៅ​សេចក្ដី​ថា “​លំអ​; មាន​លំអ​, ស្រស់បស់ សមរម្យ​; ចម្រើន ” ផង​ក៏បាន ( ចំពោះតែ​មនុស្ស ឬ សត្វ )
​មនុស្ស​មាន​រាសី​, កំពុង​ឡើងរាសី​, អាប់រាសី​, ចុះ​រាសី ។ ល ។​

ល្បាក់ទឹក​
​នាមសព្ទ​
​កន្លែង​ដែលមាន​ទឹក​ហូរ​បាក់​ជា​ថ្នាក់ៗ ស្រដៀង​នឹង​កាំជណ្ដើរ​
​ល្បាក់ទឹក​នា​ចង្កេះភ្នំ​, ល្បាក់​ទឹកឈូ​ក្នុង​ខែត្រ​កំពត (​បារ​. Cascade ក័​ស្កាដ​) ។


​សិន្ធុ​
(​សិន​-​ធុ​)
​នាមសព្ទ​
( សំ​. បា​. ) នទី​, ទន្លេ​; មហាសមុទ្រ​; ទឹក​, ធ្នារទឹក ។ ឈ្មោះ​ទន្លេ​មួយ​, សម័យ​សព្វថ្ងៃ​ហៅ​ស៊ិន្ទ​, ស៊ិន្ធ ឬ ឥណ្ឌុស ( Sind, Sindh ឬ Indus ), មាន​ក្បាល​ចេញ​មកពី​ប្រទេស​ហិមពាន្ដ​ប៉ែក​ខាងលិច ហូរ​មក​ខាងត្បូង កាត់​ដែន​គ​ន្ធា​រៈ ( ប​ញ្ជ័​ប ) ឱប​ប្រទេស​ឥណ្ឌា​ពី​ខាងលិច​ចូលមកក្នុង​មហាសមុទ្រ​ឥណ្ឌា​ប៉ែក​ខាងលិច ត្រង់​លំហ​សមុទ្រ​ដែល​ហៅថា សមុទ្រ​អូ​ម៉​ង់ ( Mer d’Oman ); ពួក​អ្នកភូមិ​សាស្ត្រ​បាន​ប្រើ​គ្រឿង​វាស់​ឃើញ​បណ្ដោយ​ទន្លេ​នេះ ២.៩០០ គីឡូម៉ែត្រ ( ពាក្យ​ថា ឥណ្ឌូ ឬ ហិណ្ឌូ​, ឥណ្ឌា ឬ អ័ង​ដិ៍ នេះ បាន​ឈ្មោះ​មកពី​ទន្លេ សិន្ធុ ឬ ឥណ្ឌុស នេះឯង ) ។ ខ្មែរ​បុរាណ​ហៅ គូ ឬ ស្រះ​ធំ​វែង ដែល​ជីក​ព័ទ្ធជុំវិញ​កំពែង​បន្ទាយ​ឬ​វាំង​ប្រាសាទ​ថា សិន្ទ ឬ សិន្ធ ( សិន ) ដែរ​, ដូច​យ៉ាង សិន្ធ ព័ទ្ធជុំវិញ​នរគ​វត្ត​ជាដើម​, សព្វថ្ងៃនេះ​ហៅ​ក្លាយជា កសិណ ឬ ក្រ​សិណ ។ សិន្ធុបតី ( –​ប៉ៈ​ដី ) ម្ចាស់​សមុទ្រ​; នាម​ទេវតា​ជា​ម្ចាស់​សមុទ្រ ( វរុណ ) ។ ល ។​

សុរិយោដី​
(—​រ៉ិ​យ៉ោ​—)
​នាមសព្ទ​
​ព្រះអាទិត្យ​និង​ដី ។ ខ្មែរ​ប្រើ​ដោយ​សន្មតិ​ជា​ឈ្មោះ​ក្រុម​រាជការ​មួយក្រុម នៅក្រោម​ឱវាទ​ក្រសួងកសិកម្ម មាន​ភារៈ​ខាង​វាស់​ផ្ទៃក្រឡា​ដី ស្រែចម្ការ​ឬ​ដី​ភូមិ​ជាដើម​ក្នុង​កម្ពុជរដ្ឋ ព្រមទាំង​កាន់កាប់​រក្សាទុក​នូវឯ​ក​សារ​ស្ដីពី​រឿងនេះ​ផង​
​ក្រុមសុរិយោដី ( បារ​. Cadastre ) ។​

ទីតាំងផ្សាយពាណិជ្ជកម្ម

- Advertisment -

Most Popular