Home ព័ត៌មានជាតិ សេដ្ឋកិច្ច ​អភិបាលខេត្ត​...

​អភិបាលខេត្ត​ពោធិ៍សាត់ ចុះ​ត្រួតពិនិត្យ​សួន​បន្លែ របស់​កសិករ នៅ​ក្រុង​ពោធិ៍សាត់ និង​ស្រុក​បាកាន​

ដោយៈ រិ​ទ្ធិ​សែន / ពោធិសាត់ៈ នៅ​ព្រឹក​ថ្ងៃទី​៧ ខែធ្នូ ឆ្នាំ​២០២០ លោក ម៉ៅ ធនិន អភិបាល នៃ​គណៈ​អភិបាល ខេត្តពោធិ៍សាត់ បាន​អញ្ជើញ​ចុះ​ត្រួតពិនិត្យ សួន​បន្លែ​សុវត្ថិភាព របស់​កសិករ នៅ​ភូមិ​អូរ​ថ្កូវ សង្កាត់​រលាប ក្រុង​ពោធិ៍សាត់ បន្ទាប់មក បាន​បន្តដំណើរ ចុះទៅ​ពិនិត្យមើល​ការចិញ្ចឹម​ត្រី​អណ្ដែង កង្កែប និង​ការចិញ្ចឹម​មាន់ របស់​បងប្អូន​ប្រជាកសិករ នៅ​ភូមិ​ដំណាក់​ធ្នង់ ឃុំ​ខ្នារ​ទទឹង ស្រុក​បាកាន​។​

​បន្ទាប់មក លោក​អភិបាលខេត្ត បាន​បន្ត​ចុះ​ពិនិត្យ មើល​ស្ថានភាព​ទឹក និង​ការងារ​បង្កបង្កើនផល ជំហាន​២ របស់​ប្រជាកសិករ ដែល​រស់នៅ​រ៉​ប​ប្រឡាយ​មេ ដំណាក់​អំពិល ស្ថិតក្នុង​ភូមិ​ខ្វាវ ឃុំ​រំលេច ស្រុក​បាកាន បន្ទាប់ពី​ទទួលបាន​ស្រូវពូជ ពី​រាជរដ្ឋាភិបាល​កម្ពុជា និង​បាន​បន្ត​ចុះ​ពិនិត្យមើល កសិដ្ឋាន​ចិញ្ចឹម​មាន់ និង​ក្រួច របស់​ប្រជាកសិករ នៅ​ភូមិ​ព្រះ​ម្លូរ ឃុំ​បឹង​ខ្នារ ស្រុក​បាកាន ។​

​លោក ម៉ៅ ធនិន បាន​ជម្រុញ និង​លើកទឹកចិត្ត ដល់​ប្រជាកសិករ ត្រូវខិតខំ​បន្ត បង្កបង្កើនផល​ឱ្យបាន​ច្រើន ដើម្បី​ផ្គត់ផ្គង់​ជីវភាព​គ្រួសារ និង​តម្រូវ​ការលក់ លើ​ទីផ្សារ​ក្នុងស្រុក ដើម្បី​កាត់បន្ថយ​ការ​នាំចូល​បន្លែ ពី​ខាងក្រៅ ហើយក៏​ដើម្បី​សុខភាព​របស់ ប្រជាពលរដ្ឋ ទាំងអស់គ្នា ហើយ​ពិសេស គឺ​ក្នុង​កាលៈទេសៈ នៃ​ការរីក​រាលដាល ជំងឺ​កូ​វីដ​១៩ ៕/V​

ទីតាំងផ្សាយពាណិជ្ជកម្ម

- Advertisment -

Most Popular