Home ព័ត៌មានជាតិ សន្តិសុខ ឃាតករ ដែល​សម្...

ឃាតករ ដែល​សម្លាប់​ស្ត្រី​វ័យ ៧១​ឆ្នាំ​ម្នាក់ នៅ​ស្រុក​សូទ្រនិគម ត្រូវបាន​ចាប់ខ្លួន​

ដោយៈ គូលែន/សៀមរាបៈ ស្ត្រី​វ័យ ៧១ ឆ្នាំ​ម្នាក់ នៅ​ស្រុក​សូទ្រនិគម ដែល​ត្រូវបាន​គេ សម្លាប់ ប្លន់​យក​ទ្រព្យសម្បត្តិ ពេលនេះ​ឃាតករ ត្រូវបាន​កម្លាំង​នគរបាល ព្រហ្មទណ្ឌ កម្រិតធ្ងន់ នៃ​ស្នងការដ្ឋាន​នគរបាល ខេត្តសៀមរាប សហការ​ជាមួយ​កម្លាំង​នគរបាល ស្រុក​សូទ្រនិគម បាន​តាម​ប្រមាញ់​ចាប់ខ្លួនបាន​ហើយ​។ ករណី​ឃាត់ខ្លួន​ឃាតករ​នេះ បានធ្វើ​ឡើង នៅវេលា​ម៉ោង ១​និង​៣០​នាទី រសៀល ថ្ងៃទី​៧ ខែធ្នូ ឆ្នាំ​២០២០ ស្ថិតនៅ​ភូមិ ដាក់​ផ្កា ឃុំ​តា​យ៉ែ​ក ស្រុក​សូ​និគម ខេត្តសៀមរាប​។​

​លោក​វរសេនីយ៍ទោ ឆាន់ វុទ្ធី នាយរង​ការិយាល័យ ព្រហ្មទណ្ឌ​កម្រិតធ្ងន់ នៃ​ស្នងការដ្ឋាន នគរបាល ខេត្តសៀមរាប បាន​និយាយថាៈ ករណី​អំពើ​លួច​មាន ស្ថានទោស ដោយ​ប្រើ ប្រាស់​អាវុធ​សាមញ្ញ កើតហេតុ នៅ​ចំណុច​ត្រពាំងរូង ស្ថិតនៅ​ភូមិ​ដាក់​ផ្កា ឃុំ​តា​យ៉ែ​ក ស្រុក​សូ​និគម ខេត្តសៀមរាប កាលពី​វេលា​ម៉ោង ៣ រសៀល ថ្ងៃទី​៤ ខែធ្នូ ឆ្នាំ​២០២០ ទៅលើ​ជនរងគ្រោះ ឈ្មោះ មឿ​ន ត្រៀម ភេទ​ស្រី អាយុ ៧១​ឆ្នាំ រស់នៅ​ភូមិ​ឃុំ កើតហេតុ ខាងលើ ដោយ​ជនរងគ្រោះ បាន​បាត់បង់​ទ្រព្យសម្បត្តិ រួមមាន មាសសន្លឹក ចំនួន​៣​តម្លឹង​, ខ្សែ ក មាស មួយ​ខ្សែ ទម្ងន់​១​តម្លឹង​, ចិញ្ចៀនមាស ២​វង់ ទំងន់​២​ជី និង​លុយ​ចំនួន ៧ លាន​រៀល​។​

​លោក​បាន​បន្តថាៈ ជនសង្ស័យ ឈ្មោះ ម៉ូ​វ ភា ភេទ​ស្រី អាយុ ៣៣ ឆ្នាំ រស់នៅ​ភូមិ​តា​យ៉ែ​ក ឃុំ​តា​យ៉ែ​ក ស្រុក​សូទ្រនិគម ខេត្តសៀមរាប​។ តាម​ការសាកសួរ ជនសង្ស័យ បាន​សារភាព ថា គាត់​ពិតជា​បាន​ប្រ​ព្រិ​ត្ត​បទល្មើស ខាងលើ ពិតប្រាកដ​មែន មូលហេតុ ដែល​គាត់​សម្លាប់ ជនរងគ្រោះ ព្រោះ​ខ្លួន​ចាញ់ល្បែង និង​ជំពាក់​ប្រាក់​គេ​ច្រើន​។ ជនសង្ស័យ ត្រូវបាន​សមត្ថកិច្ច រៀបចំ​សំណុំរឿង បញ្ជូន​ខ្លួន​ទៅ​តុលាការ ដើម្បី​ចាត់ការ​តាមច្បាប់​៕PC

ទីតាំងផ្សាយពាណិជ្ជកម្ម

- Advertisment -

Most Popular