Home ព័ត៌មានជាតិ សុខាភិបាល រដ្ឋមន្ត្រី​ក...

រដ្ឋមន្ត្រី​ក្រសួងយុត្តិធម៌​អវិជ្ជមាន​កូ​វីដ​១៩

ដោយៈ​បូព៌​ព្រឹក្ស​/​ភ្នំពេញៈលោក កើត រិ​ទ្ធ រដ្ឋមន្ត្រី​ក្រសួងយុត្តិធម៌​បាន​បញ្ជាក់ថា​តាមរយៈ​ការធ្វើ​តេស្ត​លើ​សំណាក​លើក​ទី​២​កាលពី​ថ្ងៃ​ម្សិលមិញ​ដើម្បី​រក​មេរោគ​កូ​វីដ​១៩ លទ្ធផល​គឺ​អវិជ្ជមាន​។​

លោក កើត រិទ្ធ រដ្ឋមន្រ្តីក្រសួងយុត្តិធម៌(រូបថតឯកសារ)

ក្នុងការ​បញ្ជាក់​របស់​លោក​រដ្ឋមន្ត្រី​ដែលជា​ការជូនដំណឹង​ដល់​ថ្នាក់ដឹកនាំ និង​មន្ត្រីរាជការ​នៃ​ក្រសួងយុត្តិធម៌ ក៏ដូចជា​មន្ត្រី​តុលាការ និង​មន្ត្រីរាជការ​ក្នុង​វិស័យ​យុត្តិធម៌ ព្រមទាំង​ញាតិមិត្ត​ជិត​ឆ្ងាយ​ទាំងអស់​ថា​យោងតាម​ព័ត៌មាន​ដែល​លោក​ទទួលបាន​ពី​លោកស្រី យក់ សម្បត្តិ រដ្ឋលេខាធិការ​ក្រសួងសុខាភិបាល​នៅមុននេះ​បន្តិច​បាន​ឲ្យ​ដឹងថា លទ្ធផល​នៃ​ការធ្វើ​តេស្ត​លើក​ទី​២ របស់ខ្ញុំ​នៅថ្ងៃនេះ (​ថ្ងៃទី​៧ ខែធ្នូ​) គឺ អវិជ្ជមាន​ជំងឺ​កូ​វីដ​-១៩​។ ប៉ុន្តែ​ទោះជា​យ៉ាងណាក៏ដោយ​លោក​ត្រូវ​នៅ​បន្ត​រស់នៅ​ដោយឡែក​តាម​វិធាន​ច​ត្តា​ឡី​ស័ក​និង​បន្តធ្វើ តេស្ត​តាម​ការ កំណត់​របស់​ក្រសួងសុខាភិបាល ជា​បន្តទៀត​។

​ទន្ទឹមនឹងនេះ​លោក​ក៏​សូម​អំពាវនាវ​ជាថ្មី​ដល់​អ្នក​ដែលមាន​ការពាក់ព័ន្ធ ក្នុង​ទំនាក់ទំនង​ជាមួយ​លោក​ទាំង​ដោយ​ផ្ទាល់ ទាំង​ដោយ​ប្រយោល សូម​បន្តធ្វើ​ច​ត្តា​ឡី​ស័ក និង​អនុវត្ត​វិធាន​សុវត្ថិភាព​ស្របតាម​ការ ណែនាំ​របស់ ក្រសួង​សុខាភិបាល​ឲ្យ​ត្រឹមត្រូវ និង​ម៉ឺងម៉ាត់ ដើម្បី​រួមគ្នា​ការពារ​ក្រុមគ្រួសារ​យើង សហគមន៍​យើង និង​សង្គម​ជាតិ​យើងពី​ការឆ្លង​នៃ​ជំងឺ​កូ​វីដ​-១៩៕​សរន​

ទីតាំងផ្សាយពាណិជ្ជកម្ម

- Advertisment -

Most Popular