សមាគម​រោងចក្រ​កាត់ដេរ​នៅ​កម្ពុជា និង​សមាជិក​ផ្តល់​ម៉ាស់​ជូន​ក្រសួង​អប់រំ​ចំនួន ២៤ម៉ឺន​ម៉ាស់

ដោយៈ​សុផល​/​ភ្នំពេញ ៖ តប​តាម​សំណើ​របស់​ក្រសួង​អប់រំ​យុវជន និង​កីឡា ក៏ដូចជា​ការចូលរួម​ចំណែក​ការពារនិង​ទប់ស្កាត់​ការរីក​រាលដាល​ជំងឺឆ្លង​កូ​វីដ​១៩​ ក្នុង​សហគមន៍ ស្របតាម​ការណែនាំ​រប​ស់​ប្រមុខ​រាជរដ្ឋាភិបាលនិង​ក្រសួងសុខា ភិបាលជាថ្មី​ម្តងទៀតសមាគម​រោងចក្រ​កាត់ដេរ​នៅ​កម្ពុជា(GMAC) ក្រោម​កិច្ច សហការ​ពី Cambodia Country Club (CCC), Cambo Handsom LTD, China Textile Association and PPSEC Company LTD. បាន​ឧ​ប​ត្ថ​ប​ម៉ាស់​ចំនួន​២៤​ម៉ឺន​ម៉ាស់​ដល់​ក្រសួង​អប់រំ​យុវជន​និង​កីឡា​ដើម្បី​ចែកជូនសិស្សានុសិ ស្ស សម្រាប់​ប្រើប្រាស់​ក្នុងពេល​ប្រឡង​មធ្យមសិក្សា​ទុតិយភូមិ​ដែល​នឹង​ប្រព្រឹត្ត ទៅ​នាពេលខាងមុខ​នេះ​។

​អនុលោម​តាម​វិធានការណ៍​ដែល​កំណត់ដោយ​ក្រសួងសុខាភិបាលអាជ្ញាធរ​ពាក់ ព័ន្ធ និង​ក្នុង​គោលដៅ​ចូលរួម​អនុវត្ត​វិធានការ​ការពារ​ឱ្យ​កាន់​តែមាន​ប្រសិទ្ធិភាព​តាមរយៈ​ការកាត់បន្ថយ​ការជួបជុំ ក្រសួង​អប់រំ​យុវជន និង​កីឡា និង​សមាគម​បានសម្រេច​ប្រគល់ និង​ទទួល​ម៉ាស់ ដោយ​មិនចាំបាច់​មាន​ពិធី​ប្រគល់ ទទួល​ម៉ាស់​ដែល​បានគ្រោង​នឹងធ្វើ​ឡើង​នៅ​ថ្ងៃទី ០៨ ខែធ្នូ ឆ្នាំ ២០២០ នៅ​ទីស្តីការ ក្រសួង​ដោយផ្ទាល់ ដោយមាន​ការចូលរួម​ពី​ថ្នាក់ដឹកនាំ​ទាំងសងខាង តំណាង​ម្ចាស់ជំនួយ​ក៏ដូចជា​ភាគី​ពាក់ព័ន្ធ​។​

​ស្របពេល​ជាមួយគ្នានេះដែ សមាគម​ក៏​សូម​អំពាវនាវ​ដល់​គ្រប់ភាគី​ពាក់ព័ន្ធ បុគ្គ លិក កម្មករ កម្មការិនី អាជីវករ​ប្រជាពលរដ្ឋ​ទូទៅ ជាពិសេស​សិស្សានុសិស្ស​ដែល​នឹងត្រូវ​ចូលរួម​ប្រឡង​មធ្យមសិក្សា​ទុតិយភូមិ​នាពេលខាងមុខ​នេះ​សូម​អនុវត្ត​អោយបាន​ខ្ជាប់ខ្ជួន​នូវ​វិធានការណ៍​ដាក់ចេញ​ដោយ​ក្រសួងសុខាភិបាល​ដោយ​រក្សា​គំលាត​សុវត្ថិភាព​លាងដៃ​ជាមួយនិង​អាលកុល​ឬ​ទឹក​សម្លាប់​មេរោគ​អោយបាន​ញឹក​ញ៉ាប់ ក៏ដូចជា​ពាក់​ម៉ាស់​អោយបាន​ត្រឹមត្រូវ​តាម​ការណែនាំ​។

​សមាគម​សូមបញ្ជាក់ថា ម៉ាស​ខាងលើនេះ ត្រូវបាន​ផលិត​ដោយ​រោងចក្រ​ដែល​បាន​ចុះបញ្ជី​យ៉ាង​ត្រឹមត្រូវ​ជាមួយនឹង រដ្ឋបាល​ឪ​សថ​និង​អាហារ​នៃ​សហរដ្ឋ អាមេរិក​ហើយ​ការផលិត​ម៉ាស​នេះ​ក៏ត្រូវ​បានទទួល​ស្គាល់​ដោយ​បទដ្ឋាន​របស់​សហភាព​អ៊ឺរ៉ុប​ផងដែរ​។

​សមាគម​សង្ឃឹម​យ៉ាង​មុតមាំ​ថា​ប្អូនៗ​សិស្សានុសិស្ស​នឹង​ប្រើ​ម៉ាស់​ដែល​ផ្តល់ជូន​ដោយ​សមាគម​និង​ម្ចាស់ជំនួយ​ដូច​មាន​រាយ​នាម​ខាងលើ​អោយមាន​ប្រសិទ្ធិភាព​បំផុត ឆ្ពោះទៅរក​ការការពារ​អោយបាន​នូវ​ការី​រាលដាល​បន្ត​ក្នុង​សហគមន៍​៕
​ ​ ​ ​ ​ ​ ​ ​ ​

ទីតាំងផ្សាយពាណិជ្ជកម្ម

- Advertisment -

Most Popular