Home ព័ត៌មានជាតិ សន្តិសុខ បញ្ជូន​ជនសង្ស...

បញ្ជូន​ជនសង្ស័យ បួន​នាក់ ទៅ​តុលាការ ពីបទ​ជួញដូរ​គ្រឿងញៀន នៅ​ក្រុង​បាត់ដំបង​

ដោយៈ គ្រញូង/បាត់ដំបងៈ នៅ​ព្រឹក​ថ្ងៃទី​៨ ខែធ្នូ ឆ្នាំ​២០២០ កម្លាំង​ការិយាល័យ​ប្រឆាំង គ្រឿងញៀន​ខេត្ត បាន​បញ្ជូន​ជនសង្ស័យ ប្រុស​ទាំង បួន​នាក់ ទៅ​តុលាការ ពីបទ​ជួញដូរ គ្រឿងញៀន ក្រោយពី​កម្លាំង​នគរបាល ក្រុង​បាត់ដំបង ផ្នែក​ប្រឆាំង​គ្រឿងញៀន រួមជាមួយ កម្លាំង​ប៉ុស្តិ៍នគរបាល រដ្ឋបាល​ស្លា​កែ​ត ចាប់ខ្លួនបាន ជា​បន្តបន្ទាប់ នៅ​ចំណុច​ក្រុមទី​១១ ភូមិ​ស្លា​កែ​ត សង្កាត់​ស្លា​កែ​ត ក្រុង​បាត់ដំបង ខេត្តបាត់ដំបង កាលពី​ល្ងាច ថ្ងៃទី​៧ ធ្នូ ។​

​លោក​វរសេនីយ៍ឯក ឆាង វណ្ណ​ឆៃ អធិការនគរបាល​ល ក្រុង​បាត់ដំបង បាន​ឲ្យ​ដឹងថា ជនសង្ស័យ​ទាំង បួន​នាក់ មានៈ ១-​ឈ្មោះ រី ម៉ាត់​សាត អាយុ ៣៦​ឆ្នាំ (​អ្នកលក់​ថ្នាំញៀន​) , ២-​ឈ្មោះ ស៊ីវ សុភាព អាយុ ៥០​ឆ្នាំ ពីរ​នាក់​នេះ មាន​លំនៅ នៅ​ភូមិ​-​សង្កាត់​ស្លា​កែ​ត ក្រុង​បាត់ដំបង (​អ្នកផ្តល់​កន្លែង ឱ្យប្រើ​ប្រាស់​ថ្នាំញៀន​), ៣-​ឈ្មោះ គឹម ចំណាន អាយុ ៣៦ ឆ្នាំ នៅ​ភូមិ​ដូនទាវ ឃុំ​ពាម​ឯក ស្រុក​ឯក​ភ្នំ (​អ្នកទិញ​ថ្នាំញៀន​) និង​៤.​ឈ្មោះ លី ច​ន្តា ហៅ ឡា អាយុ ៣៨ ឆ្នាំ នៅ​ភូមិ​ឡឥដ្ឋ សង្កាត់​ព្រែក​ព្រះស្តេច ក្រុង​បាត់ដំបង (​អ្នកទិញ​ថ្នាំញៀន​)​។ ចំណែក​វត្ថុតាង ដែល​ចាប់​យកបាន រួមមាន ថ្នាំញៀន​ប្រភេទ​មេ​តំ​ហ្វេ​តា​មីន (​ម៉ា​ទឹកកក ICE) ចំនួន​៤​ថង់ (​ទម្ងន់ ៧,៦១ ក្រាម ទាំង​សំបក​) -​ទូរស័ព្ទដៃ ចំនួន ៣ គ្រឿង​ជញ្ជីង​សំរាប់​ថ្លឹង ថ្នាំញៀន ចំនួន​១ និង​សម្ភារ​សំរាប់​ប្រើប្រាស់​ថ្នាំញៀន មួយចំនួន ។​

​បន្ទាប់ពី​បាន​សាកសួរ​រួចមក លោក សុខ និមល នាយការិយាល័យ​ប្រឆាំង​គ្រឿងញៀន​ខេត្ត បាន​បញ្ជា​ឲ្យ​កម្លាំង​ជំនាញ កសាង​សំណុំរឿង បញ្ជូន​ជនសង្ស័យ ទាំង​បួន​នាក់ និង​វត្ថុតាង ទៅកាន់​តុលាការខេត្ត ដើម្បី​ចាត់ការ​បន្ត តាមផ្លូវ​ច្បាប់​៕PC

​បញ្ជូន​ជនសង្ស័យ​៤​នាក់ និង​វត្ថុតាង​ទៅ​តុលាការ​

ទីតាំងផ្សាយពាណិជ្ជកម្ម

- Advertisment -

Most Popular