Home ព័ត៌មានជាតិ សង្គម ចុះ​បាញ់ថ្នាំ...

ចុះ​បាញ់ថ្នាំ​សម្លាប់​មេរោគ​នៅក្នុង​បរិវេណ​ផ្សា​ឆ្នាំង​ខេត្តកំពង់ឆ្នាំង​បន្ទាន់ ដើម្បី​ទប់ស្កាត់​ការរីក​រាលដាល​នៃ​ជំងឺ​កូ​វីដ​១៩

ដោយ​: ទេ​ពក​ង្រី / ខេត្តកំពង់ឆ្នាំង​: ក្រុមការងារ​មន្ទីរ​សុខាភិបាល​ខេត្តកំពង់ឆ្នាំង ចុះ​បាញ់ថ្នាំ​សម្លាប់​មេរោគ​នៅក្នុង​បរិវេណ​ផ្សារឆ្នាំង​ជួរ​ដើម​ស្រល់ ខេត្តកំពង់ឆ្នាំង គ្រា​ដែលមាន​ការសង្ស័យ ដើម្បី​ឆ្លើយតប​បន្ទាន់​ការពារ​ទ​ប់​ស្កាត់​ការរីក​រាលដាល នៃ​ជំងឺ​សកល​កូ​វីដ​១៩​។​

​នៅ​ព្រឹក​ថ្ងៃទី​៨ ខែធ្នូ ឆ្នាំ​២០២០ ដោយ​អនុវត្តតាម​ការណែនាំរ​បស់​អភិបាលខេត្ត​កំពង់ឆ្នាំង លោក ឈួ ច័ន្ទ​ឌឿ​ន ដើម្បី​មាន​វិធានការ​បន្ទាន់​ក្នុងការ​បាញ់សម្លាប់​មេរោគ​ប្រយុទ្ធ​ប្រឆាំងនឹង​ជំងឺ​សកល​កូ​វីដ​១៩ ក្រុមការងារ​មន្ទីរ​សុខាភិបាល​ខេត្តកំពង់ឆ្នាំង បាន​ចុះ​បាញ់ថ្នាំ​សម្លាប់​មេរោគ​នៅក្នុង​បរិវេណ​ផ្សារឆ្នាំង និង​តំបន់​លក់ដូរ​តាម​មាត់ទន្លេ​ផ្សារ​ក្រោម ខេត្តកំពង់ឆ្នាំង ដើម្បី​ឆ្លើយតប​បន្ទាន់​បាញ់ថ្នាំ​ការពារ​ទប់ស្កាត់​បន្ទាន់ នៃ​ការរីក​រាលដាល​ជំងឺ​កូ​វីដ​១៩ ។​

​ប្រធាន​មន្ទីរ​សុខាភិបាល​ខេត្តកំពង់ឆ្នាំង លោក​វេជ្ជ​ប​ណ្ឌិ ប្រាក់ វ៉ុ​ន បាន​ឲ្យ​ដឹង​ទៀតថា ការ​ម្នាក់​ទូរ​សព្ទ​នៅវេលា​ម៉ោង​១១ និង ៣០​នាទី​នាទី​ថ្ងៃទី​៨​ធ្នូ​២០២០​នេះ​ថា លោក​បានអោយ​ប្រធាន​ការ​រិ​យា​ល​យ័​បង្ការ​គ្រប់​គ្រោង​ជំងឺ​របស់​មន្ទី​សុខាភិបាល​ខេត្តកំពង់ឆ្នាំង​បន្ទាន់​ចុះ​បាញ់ថ្នាំ​បន្ទាន់​ផងដែរ​។​

​ប្រធាន​មន្ទីរ​សុខាភិបាល​ខេត្តកំពង់ឆ្នាំង​លោក​វេជ្ជបណ្ឌិត ប្រាក់​វ៉ុ​ន បានបញ្ជាក់​ឲ្យ​ដឹង​ទៀតថា ករណីនេះ​មាន​ជីដូន​និង​ចៅស្រី​បាន​ទៅ​ភ្នំពេញ​លេង​ផ្ទះ​ចៅប្រុស និង​បាន​ជួប​ប្រាស្រ័យ​ផ្ទាល់ គ្រា​ដែល​ចៅប្រុស​វិជ្ជមាន​កូ​វិត​១៩ នៅពេល​ត្រឡប់មកវិញ​អ្នកបើក​រថយន្តឈ្នួល និង​ប្រពន្ធ គ្រាន់តែ​ស្ថិតក្នុង​ការសង្ស័យ គ្រា​ដែល​ប្រពន្ធ​អ្នករត់​តាក់ស៊ី​លក់ដូរ​នៅក្នុង​ផ្សារឆ្នាំង ហើយ​ចៅស្រី​ចេញចូល​ក្នុង​ផ្សារ​នោះ​ផងដែរ​។​

​ប្រធាន​មន្ទីរ​សុខាភិបាល​ខេត្តកំពង់ឆ្នាំង លោក​វេជ្ជបណ្ឌិត​ប្រាក់​វ៉ុ​ន បានបញ្ជាក់​ឲ្យ​ដឹង​ទៀតថា មកដល់ពេលនេះ ជីដូន​និង​ចៅស្រី​ត្រូវបាន​ខាង​លោក​យក​សំណាក់ និង​បានដាក់​ឲ្យ​នៅ​ច​ត្តា​ឡី​ស័ក​នៅក្នុង​មន្ទីរពេទ្យ​ខេត្តកំពង់ឆ្នាំង​។ ដោយឡែក​អ្នកបើកបរ​រថយន្ត​តាក់ស៊ី និង​ប្រពន្ធ​ក៏ត្រូវ​បាន​ខាង​មន្ទី​សុខាភិបាល​ខេត្ត យក​សំណាក់​ហើយ​ឲ្យ​ច​ត្តា​ឡី​ស័ក​នៅ​ក្នុងផ្ទះ​របស់ខ្លួន​ផងដែរ​។​

​លោក​ប្រធាន​មន្ទីរ​បានបញ្ជាក់​អោយដឹង​បន្ថែមថា រឿងរ៉ាវ​ទាំងអស់នេះ គ្រាន់តែ​ជាការ​សង្ស័យ​តែប៉ុណ្ណោះ សូម​បងប្អូន​ប្រជាពលរដ្ឋ​កុំ​មានការ​ភ្ញាក់ផ្អើល តែ​ទោះជា​យ៉ាងនេះ​ក្តី​សូម​បងប្អូន​ប្រជាពលរដ្ឋ​ត្រូវអនុវត្ត​តាម​តាម​សេចក្តីណែនាំ​របស់​ក្រសួងសុខាភិបាល លាងដៃ​ជាប្រចាំ​ជាមួយ​សាប៊ូ​អាកុល ឬ​ជែ​ល និង​ធ្វើ​ការពាក់​ម៉ាស់​បើ​មិនចាំបាច់​សូមកុំ​ចេញពី​ក្រៅ​ផ្ទះ​៕​

ទីតាំងផ្សាយពាណិជ្ជកម្ម

- Advertisment -

Most Popular