Home ព័ត៌មានជាតិ សន្តិសុខ កម្មករ​កាប់​ដ...

កម្មករ​កាប់​ដី​ដាក់​ទុយោ​ទឹក ឆ្លង​ម៉ូ​ទ័​របុក​ឆក់​ស្លាប់​ភ្លាមៗ​

ដោយ​: ចាន់តូ / ភ្នំពេញ​: បុរស​ជា​កម្មករ​ម្នាក់​កំពុងធ្វើការ​ងារ​យក​ម៉ូ​ទ័​របុក​ខួង​ដី ដើម្បី​តរាយ​ទុយោ​ទឹក បែរជា​ជួប​គ្រោះ​អកុសល​ឆ្លង​ចរន្ត​ឆក់​ស្លាប់​ភ្លាមៗ នៅ​កន្លែង​។ ហេតុការណ៍​បង្ក​ឲ្យ​ភ្ញាក់ផ្អើល​កាលពី​វេលា​ម៉ោង​១០​និង​៤០​នាទី​ព្រឹក ថ្ងៃទី​៨ ខែធ្នូ ឆ្នាំ​២០២០ ស្ថិតនៅ​តាមផ្លូវ​បេតុង ភូមិ​ត្រពាំង​ថ្លឹង​៣ សង្កាត់​ចោមចៅ​១ ខណ្ឌ​ពោធិ​សែន​ជ័យ​។​

​ជនរងគ្រោះ​ឈ្មោះ កើត សំនៀង ភេទ​ប្រុស អាយុ​២៣​ឆ្នាំ មុខរបរ​កម្មករ ដើរ​ជីក​កាប់​ដី មាន​ទីលំនៅ​ភូមិ​អណ្តូង​៣ សង្កាត់​គោក​រកា ខណ្ឌ​ព្រែក​ព្នៅ រាជធានី​ភ្នំពេញ​។

​តាម​សម្តី​កម្មករ​ធ្វើការ​ជាមួយគ្នា បាន​ឲ្យ​ដឹងថា មុន​កើតហេតុ កម្មករ​មាន​គ្នា​២​នាក់ ប្រដាប់​ដោយ​សម្ភារៈ កាប់ ជីក ខួង​ដី ក្នុង​បំណង​ដាក់​តរាយ​ទុយោ​ទឹក ហើយ​នៅវេលា​ម៉ោង​ខាងលើ ជនរងគ្រោះ បាន​យក​ម៉ូ​ទ័​របុក ទៅកាន់​បុក​បេតុង ដែល​នៅ​កប់​ក្នុង​ដី ទើបតែ​ចុច​កុងតាក់ ស្រាប់តែ​ឆ្លង​ឆក់​តែម្តង ដូ​ល​លើដី រត់​ទៅ​ផ្តាច់​ខ្សែភ្លើង​ចោល ផ្អើល​ប្រជាពលរដ្ឋ ជួយ​លើក​ជនរងគ្រោះ​ទៅ​កប់​ដីខ្សាច់ តែ​ជា​អកុសល បាន​ស្លាប់​បាត់ទៅហើយ ដោយ​មិន​អស់ចិត្ត ដូចជា​ស្រស់ៗ​ពេក ទំនាក់ទំនង​ហៅ​ក្រុម​សង្គ្រោះ មកជួយ​ពិនិត្យ ក្រែង​អាចជួយ​សង្គ្រោះ​អាយុជីវិត​បាន តែ​ទោះជា​យ៉ាងណាក្តី ជនរងគ្រោះ​បាន​ស្លាប់​បាត់ទៅហើយ គួរ​ឲ្យ​សង្វេគ ។​

​ក្រោយពី​ឆ្លង​ឆក់​ជនរងគ្រោះ​ស្លាប់ ពលរដ្ឋ​រាយការណ៍​ទៅ​សមត្ថកិច្ច ចុះទៅពិនិត្យ​ជាក់ស្តែង ឃើញថា​ពិតជា​ស្លាប់​ដោយ​ឆក់​ចរន្ត​ភ្លើង រួច​ប្រគល់​សព​ជូន​ក្រុមគ្រួសារ​ចាត់ចែង​ដឹកយក​ទៅធ្វើ​បុណ្យ​តាម​ប្រពៃណី​៕

ទីតាំងផ្សាយពាណិជ្ជកម្ម

- Advertisment -

Most Popular