Home ព័ត៌មានអន្តរជាតិ ប្តី​ប្រពន្ធ​...

ប្តី​ប្រពន្ធ​ត្រូវ​ឆ្នោត​ជាង​១០០​លាន​ផោន ចែក​ពាក់កណ្តាល​ឱ្យទៅ​មនុស្ស​ជា​ទីស្រឡាញ់ អង្គការ​សប្បុរសធម៌ និង​អ្នក​ខ្វះខាត​

​ប្រែ​សម្រួល : កញ្ញា​ដា​លី​ស​/ ៖ អ្នកឈ្នះ​រង្វាន់​ឆ្នោត​ឡូតូ Euromillions ដែល​មាន​ទឹកប្រាក់​ចំនួន ១១៤,៩ លាន​ផោន (១៥៣,៤២ លាន​ដុល្លារ​) ក្នុង​ឆ្នាំ ២០១៩ បាន​បង្ហើប​ឱ្យដឹងថា​លោកស្រី​បាន​ផ្តល់ប្រាក់​​រង្វាន់​ចំនួន​ពាក់កណ្តាល​ដើម្បី​ជួយ​ដល់​អ្នក​ខ្វះខាត​។​

​លោកស្រី ហ្វ្រា​ន ខូន​ណូល​លី អាយុ ៥៤ ឆ្នាំ​និង​លោក​ផា​ទ្រី​ក អាយុ ៥៦ ឆ្នាំ ដែល​រស់​នៅ​ភាគ​ឦសាន​ប្រទេស​អង់គ្លេស បាន​ឈ្នះ​រង្វាន់​ធំ​នេះ​នៅ​ថ្ងៃ​បុណ្យ​ណូអែល​ឆ្នាំ ២០១៩​។​

​រឿង​ដំបូង​ដែល​លោកស្រី​ហ្វ្រា​ន​ធ្វើ​បន្ទាប់​ពី​ឈ្នះ​ឆ្នោត​គឺ​បង្កើត​បញ្ជី​មិត្តភក្តិ​និង​ក្រុម​គ្រួសារ​ទាំង ៥០ ដែល​លោកស្រី​ចង់​ជួយ​ដោយសារ​តែ​ទ្រព្យសម្បត្តិ​ទើប​កើត​ថ្មី​របស់​លោកស្រី​។​

​ទោះយ៉ាងណា ចិត្តសប្បុរស​របស់​អ្នក​ទាំង​ពីរ​គឺ​ជួយ​ដល់​មនុស្ស​ខ្វះខាត​ខ្លាំង​បំផុត ដោយ​ប្តី​ប្រពន្ធ​នេះ​បាន​បង្កើត​អង្គការ​សម្បុរ​ស​ធម៌​ចំនួន ២​ក៏ដូចជា​ជួយ​ដល់​មនុស្ស​ដែល​ងាយ​រងគ្រោះ​និង​ខ្វះ​​ខាត​មួយចំនួន​នៅក្នុង​តំបន់​របស់​ពួកគេ​ផង​ដែរ​។​

​និយាយ​ផ្តាច់មុខ​ទៅកាន់​វេបសាយ FEMAIL លោកស្រី​ហ្វ្រា​ននិយាយថា “​ខ្ញុំ​មិន​បាន​រៀបចំ​គម្រោង​ផ្តល់ប្រាក់​ពាក់កណ្តាល​នោះទេ​។ វា​ជា​រឿង​កើត​ឡើង​ពី​ទឹកចិត្ត​ឯកឯង​។​យើង​បាន​អង្គុយ​ចុះ​មើល​បញ្ជី​​និង​រក​មើល​អ្វី​ដែល​យើង​គិតថា​អាចជួយ​ផ្លាស់ប្តូរ​ជីវិត​មនុស្ស​បាន​”​។​

​ការអត្ថាធិប្បាយ​របស់​លោកស្រី​ហ្វ្រា​ន​កើតឡើង​មុន​ពេល​ការចាប់​រង្វាន់​ធំ​បំផុត​មិន​ធ្លាប់​មានរ​បស់ឆ្នោត​ឡូតូ EuroMillions នៅ​រាត្រី​ថ្ងៃ​អង្គារ​នេះ​។​

​មិនទាន់​មាន​នរណា​ម្នាក់​ឈ្នះ​រង្វាន់​កំពូល​ដែល​មាន​តម្លៃ​ប្រមាណ​ជា ១៧៥ លាន​ផោន​ក្នុង​ការចាប់​រង្វាន់​កាលពី​រាត្រី​ថ្ងៃ​សុក្រ​សប្តាហ៍​មុន​នោះ​ទេ ដូច្នេះ​មានន័យថា​គ្រប់​គ្នា​នៅតែ​អាច​មាន​ឱកាស​ឈ្នះ​​វា​នៅ​យប់​នេះ​៕

​លោកស្រី ហ្វ្រា​ន ខូន​ណូល​លី និង​លោក​ផា​ទ្រី​ក ឈ្នះ​រង្វាន់​ធំ​កាល​ពី​ថ្ងៃបុណ្យ​ណូអែល​ឆ្នាំ ២០១៩

ទីតាំងផ្សាយពាណិជ្ជកម្ម

- Advertisment -



Most Popular