Home ព័ត៌មានជាតិ សន្តិសុខ សាច់មាន់​ខូចគ...

សាច់មាន់​ខូចគុណភាព​ជាង​១​តោន ត្រូវ​សមត្ថកិច្ច​ខេត្តកោះកុង​បង្ក្រាបបាន​

 

​ដោយៈ​សុ​ផានី​តា​/​កោះកុងៈ សាច់មាន់​ខូចគុនភាព​ចំនួន​១,០៣៧​គីឡូក្រាម ត្រូវ​កម្លាំង​នគរបាល​ស្នងការដ្ឋាន ខេត្តកោះកុង បាន​បង្ក្រាបបាន នៅ​ចំណុច​រង្វង់​ស្ពាន​កោះកុង កាលពី​ម៉ោង​៨​ថ្ងៃទី​៧ ធ្នូ ។​

​ស្នងការរង​នគរបាល​ខេត្តកោះកុង​ទទួលបន្ទុក​ប្រឆាំង​បទល្មើស​សេដ្ឋកិច្ច លោក​ឧ​ត្ត​ម​សេនីយ៍​ត្រី ហេង លាង បានឱ្យដឹង​នៅ​រសៀល​ថ្ងៃទី​៨ ខែធ្នូ ២០២០​ថា សាច់មាន់ ស្លាប និង​ជើង ដែល​ដឹក​ជ​ញ្ចូ​ន​ដោយ​បាវ​គ្មាន​ការរក្សា​អនាម័យ​ត្រឹមត្រូវ ដែល​ឃាត់​បាន​នេះ នៅ​មិនទាន់​ដឹង​ប្រភព​ថា​មកពី​តំបន់​ច្រកទ្វារព្រំដែន​អន្តរជាតិ​ចាំ​យាម ឬ​ច្រក​របេង​នោះទេ​។​

​លោក​ស្នងការរង​ដដែល​បន្ថែមថា លោក កំពុង​សហការ​ជាមួយ​លោក​ព្រះរាជអាជ្ញា​អម​សាលាដំបូង​ខេត្ត និង​មន្ត្រី​ជំនាញ​ដ៏ទៃទៀត​កំណត់​អត្តសញ្ញាណ​មុខ​ជនសង្ស័យ​ដែល​លួចលាក់​រកស៊ី​អាជីវកម្ម​លើ​ទំនិញ​ខូចគុណភាព​ខាងលើ​ដែល​ដឹក​ដោយ​រថយន្ត និង​ម៉ូតូ​កង់​បី​។ រីឯ​ម្ចាស់​រថយន្ត និង​ម៉ូតូ​ស៊ី​ឈ្នួ​ញ​ដឹកទំនិញ​ខូច​គុណ​បាន​ត្រឹម​ធ្វើការ​កិច្ចសន្យា​ឈប់​ប្រព្រឹត្ត​ទង្វើ​ខុសច្បាប់ និង​អនុញ្ញាតឱ្យ​ត្រឡប់ទៅផ្ទះ​វិញ ប្រសិនបើ​ករណី​មាន​លើក​ទី​២​នឹងរង​ទទួល​តាមច្បាប់​។​

​ដោយឡែក វត្ថុតាង​មាន​ជា​សាច់មាន់​ខូចគុណភាព ត្រូវបាន​កម្លាំង​សមត្ថកិច្ច​សហការ​ជាមួយ​មន្ត្រី​ជំនាញ​ដុត​កំទេចចោលរ ដើម្បី​ធានា​នូវ​សុខភាព​អ្នកប្រើប្រាស់ ស្នងការ​នគរបាល​ខេត្តកោះកុង នឹង​បង្កើន​ការតាមដាន​ពិនិត្យ និង​បង្ក្រាប​រាល់​ទំនិញ​ណា​ដែល​ខូចគុណភាព និង​ច្បាប់​ហាមឃាត់​ជា​បន្តបន្ទាប់​ទៀត មិន​ថា​នៅ​តំបន់​ព្រំដែន​ឬ នៅលើ​ទីផ្សារ​ឡើយ​៕​

ទីតាំងផ្សាយពាណិជ្ជកម្ម

- Advertisment -



Most Popular