Home ព័ត៌មានជាតិ សន្តិសុខ តុលាការ​កំពុង...

តុលាការ​កំពុង​សាកសួរ​បុរស​ជនជាតិ​កូរ៉េ​ម្នាក់​ករណី​រំលោភ​លើ​ទំនុកចិត្ត​

ដោយ​: ស​រិ​ទ្ធ / ភ្នំពេញ​: បុរស​ជនជាតិ​កូរ៉េ​ម្នាក់ ត្រូវបាន​សមត្ថកិច្ច​អាវុធហត្ថ​រាជធានី​បញ្ជូនមក​សាលាដំបូង​នៅ​ព្រឹក​ថ្ងៃទី​០៨ ខែធ្នូ ឆ្នាំ​២០២០​ដើម្បី​ធ្វើការ​សាកសួរ​ករណី​រំលោភ​លើ​ទំនុកចិត្ត​ប្រព្រឹត្ត​ក្នុង​រាជធានី​ភ្នំពេញ កាលពី​អំឡុង​ឆ្នាំ​២០១៩ ។​រ​ហួត​មកដល់​រសៀល​ថ្ងៃ​ដដែល​នេះ​លោក ឌុ​ច សុខ​សារិន​អនុប្រធាន​សាលាដំបូង​និង​ជា​ចៅក្រម​ស៊ើបសួរ​ក្នុង​សំណុំរឿង​កំពុងធ្វើការ​សាកសួរ​។​

​បុរស​ជនជាតិ​កូរ៉េ​រូបនេះ ឈ្មោះ Kim Taeh yeon ភេទ​ប្រុស អាយុ​៤៨​ឆ្នាំ ជា​ពាណិជ្ជករ ស្នាក់​នៅផ្ទះ​លេខ ៣០C ផ្លូវ​លេខ ១៩៥៦ បុរី​លឹម​ឈាង​ហាក់ សង្កាត់​ភ្នំពេញ​ថ្មី ខណ្ឌ​សែន​សុខ និង​សណ្ឋាគារ​ខាំ​បូ​ឌីយ៉ាណា​ត្រូវបាន​សមត្ថកិច្ច​អាវុធហត្ថ​រាជធានី នាំខ្លួន​តាម​ដីកា​បង្គាប់​របស់លោក ឌុ​ច សុខ​សារិន​អនុប្រធាន​សាលាដំបូង​និង​ជា​ចៅក្រម​ស៊ើបសួរ​ក្នុង​សំណុំរឿង នេះ​។​

​តាម​អង្គហេតុ​នៃ​ការនាំ​ខ្លួន​នេះ​គឺ​លោក Kim Taeh yeon ត្រូវបាន​ចោទប្រកាន់​ពីបទ « រំលោភ​លើ​ទំនុកចិត្ត​» ប្រព្រឹត្ត​ក្នុង​រាជធានី​ភ្នំពេញ កាលពី​អំឡុង​ឆ្នាំ​២០១៩ តាម​មាត្រា ៣៩១ មាត្រា​៣៩២​នៃ​ក្រមព្រហ្មទណ្ឌ​។​

​ប្រភពព័ត៌មាន​ពី​តុលាការ​បាន​ឲ្យ​ដឹងថា មូល​ហេតុដែល​តុលាការ​ឲ្យ​នាំខ្លួន​លោក Kim Taeh yeon គឺ​យោងតាម​ចម្លើយសារភាព​របស់​ជ​ន​ជាតិ​កូរ៉េ​ម្នាក់ទៀត ឈ្មោះ Kwon seok young ភេទ​ប្រុស អាយុ​៦០​ឆ្នាំ ដែល​ត្រូវបាន​ចោទប្រកាន់​ក្នុង​បទល្មើស​ដូចគ្នានេះ ដែល​បាន​បញ្ជាក់ថា លោក Kim Taeh yeon នឹង​ចាក​ចេញពី​ប្រទេស​កម្ពុជា​នៅ​ថ្ងៃទី​០៨ ខែធ្នូ ឆ្នាំ​២០២០​នេះ ទើប​លោក ឌុ​ច សុខ​សារិន ជា​អនុប្រធាន​សាលាដំបូង​និង​ជា​ចៅក្រម​ស៊ើបសួរ​ក្នុង​សំណុំរឿង បានចេញ​ដីកា​បង្គាប់​ឲ្យ​នាំខ្លួន​លោក Kim Taeh yeon មក​តុលាការ​នៅ​ថ្ងៃទី​០៨ ខែធ្នូ ឆ្នាំ​២០២០​នេះ ដើម្បី​ធ្វើការ​សាកសួរ មុនពេល​គាត់​ចាកចេញ​តែម្តង​៕

ទីតាំងផ្សាយពាណិជ្ជកម្ម

- Advertisment -

Most Popular