Home ព័ត៌មានអន្តរជាតិ កសិករ​ឥណ្ឌា​ប...

កសិករ​ឥណ្ឌា​បង្កើន​ការតវ៉ា​បិទផ្លូវ​ជុំវិញ​រដ្ឋធានី​ដើម្បី​ទាមទារ​ឱ្យ​រដ្ឋាភិបាល​លុបចោល​ច្បាប់​កសិកម្ម​ថ្មី​

ប្រែ​សម្រួល : កញ្ញា​ដា​លី​/​ញូវដេលី ៖ កូដកម្ម​ទូទាំងប្រទេស​ដែល​អំពាវនាវ​ដោយ​កសិករ​ឥណ្ឌា​រាប់សិប​ពាន់​នាក់ ប្រឆាំង​នឹង​ច្បាប់​កសិកម្ម​ថ្មី បាន​ចាប់ផ្តើម​នៅ​ថ្ងៃ​អង្គារ​នេះ​ចំពេល​មាន​ការ​ធ្វើ​បាតុកម្ម​ថ្មី​​នៅ​ជាយ​រដ្ឋធានី​។​

​កូដកម្ម​នេះ​ធ្វើឡើង​បន្ទាប់ពី​មាន​កិច្ចពិភាក្សា​ចំនួន​៥ លើក​រវាង​កសិករ​និង​រដ្ឋាភិបាល​ឥណ្ឌា ដែល​មិន​បាន​ទម្លាយ​ភាពទាល់ច្រក​ណាមួយ​ទេ​ក្រោយពី​កសិករ​រាប់ម៉ឺន​នាក់​បាន​បិទ​ផ្លូវ​ធំៗ​នៅ​ជាយក្រុង​ញូ​វ​​ដេលី​អស់​រយៈពេល​ជិត​ពីរ​សប្តាហ៍​មក​ហើយ​។​

​មេដឹកនាំ​បាតុកម្ម​បាន​ច្រានចោល​សំណើ​របស់​រដ្ឋាភិបាល​ក្នុងការ​ធ្វើ​វិសោធនកម្ម​បទ​ប្បញ្ញត្តិ​ពោរពេញ​ដោយ​វិវាទ​មួយចំនួន​នៃ​ច្បាប់​កសិកម្ម​ថ្មី ដែល​មិន​គោរព​តម្លៃ​ដំណាំ និង​ទាមទារ​ឱ្យ​រដ្ឋាភិបាល​លុប​​ចោល​ច្បាប់​នេះ​ចោល​ទាំងស្រុង​។​

​នៅ​សង្កាត់​ហ្គា​ស៊ីពួ នៅ​ជាយក្រុង​ញូវដេលី កសិករ​រាប់រយ​នាក់​បាន​បិទ​ផ្លូវ​ចេញចូល​ទាំងអស់​។ ពួកគេ​បាន​ស្រែក​ពាក្យស្លោក​ដូចជា “​ជយោ​! សាមគ្គីភាព​កសិករ​” និង​កាន់​បដា​ជាច្រើន​ទៀត​ដែល​ខ្លះ​​សរសេរថា “​គ្មាន​កសិករ គ្មាន​អាហារ​”​។

​ពួកគេ​អនុញ្ញាត​ឱ្យ​តែ​រថយន្ត​សង្គ្រោះបន្ទាន់ រួម​ទាំង​ឡានពេទ្យ​ឆ្លងកាត់​ប៉ុណ្ណោះ​។​

​មេដឹកនាំ​កសិករ​បាន​គំរាម​បង្កើន​បាតុកម្ម​និង​កាន់កាប់​ទីកន្លែង​បង់លុយ​ផ្លូវ​នៅ​ទូទាំង​ប្រទេស​នៅ​ថ្ងៃ​អង្គារ​នេះ ប្រសិនបើ​រដ្ឋាភិបាល​មិន​លុបចោល​ច្បាប់​នេះ​ទេ​នោះ​។​

​ភាគី​ទាំងពីរ​នឹង​ជួប​ពិភាក្សា​គ្នា​បន្ថែមទៀត​នៅ​ថ្ងៃ​ពុធ​ស្អែក​នេះ​៕

កសិករ​ឥណ្ឌា​ធ្វើ​កូដកម្ម​បិទផ្លូវ​ជុំវិញ​ក្រុង​ដើម្បី​ទាមទារ​ឱ្យ​រដ្ឋាភិបាល​លុបចោល​ច្បាប់​កសិកម្ម​ថ្មី

ទីតាំងផ្សាយពាណិជ្ជកម្ម

- Advertisment -

Most Popular