Home ព័ត៌មានជាតិ សន្តិសុខ ស្ត្រី​ជនជាតិ...

ស្ត្រី​ជនជាតិ​ថៃ​ជាដើម​បណ្ដឹង​ករណី​បាត់​ប្អូនប្រុស​ចូលខ្លួន​តាម​ដីកា​តុលាការ​កម្ពុជា​

ដោយ​: ស​រិ​ទ្ធ / ភ្នំពេញ​: លោកស្រី SITANAN SATSAKSIT អាយុ​៤៨​ឆ្នាំ ជនជាតិ​ថៃ ជាដើម​បណ្ដឹងរដ្ឋប្បវេណី​ក្នុង​រឿងក្ដី​បាត់​ប្អូនប្រុស​ម្នាក់​នៅលើ​ទឹកដី​កម្ពុជា បាន​ចូលខ្លួន​តាម​ដីការ​កោះហៅ​របស់លោក ស៊ិន សុវណ្ណ​រ័ត្ន ចៅក្រម​ស៊ើបសួរ​សាលាដំបូង​រាជធានី​ភ្នំពេញ ដើម្បី​បំភ្លឺ​និង ផ្ដល់នូវ​ភស្តុតាង​កាលពី​ព្រឹក​ថ្ងៃទី ០៨​ធ្នូ ឆ្នាំ​២០២០​នេះ ។

​លោកស្រី SITANAN SATSAKSIT មាន​អាស័យដ្ឋាន​នៅផ្ទះ​លេខ ២៩៩ តំបន់​ណៃ​អ៊ឹង ខេត្ត​អ៊ូ​ប៊ុន រា​ឆា​ថា​នី ប្រទេស​ថៃ គឺជា​ដើមបណ្តឹង ធ្លាប់បាន​ប្ដឹង​ចូលមក​តុលាការ​កម្ពុជា​អំពី​ការបាត់​ដំណឹង​ប្អូនប្រុស​របស់គាត់​ម្នាក់​ឈ្មោះ វ៉ាន់​ឆាក់ ឡឺម​សាប់​ស៊ីត អាយុ​ប្រហែល​៤០​ឆ្នាំ កាលពី​ឆ្នាំ​២០១៩​កន្លងទៅ បន្ទាប់ពី​ប្អូនប្រុស​របស់គាត់​បាន​ចូលមក​ស្នាក់នៅ​បណ្ដោះអាសន្ន​នៅក្នុង​សង្កាត់​ជ្រោយចង្វារ រាជធានី​ភ្នំពេញ​។​

​សំណុំរឿង​ក្ដី​នេះ​អយ្យការ​អម​សាលាដំបូង​រាជធានី​ភ្នំពេញ​បានធ្វើការ​ចោទប្រកាន់​ទៅលើ​« អញ្ញ​ត​ជន » និង​បញ្ជូន​អោយ​ចៅក្រម​ស៊ើបសួរ​ចាត់ការ​បន្ត​តាម​នីតិវិធី ទើប​លោក​ចៅក្រម ស៊ិន សុវណ្ណ​រ័ត្ន កោះហៅ​លោកស្រី SITANAN SATSAKSIT ដែលជា​ដើមបណ្ដឹង​មក​ធ្វើការ​សាកសួរ ផ្ដល់នូវ​ភស្តុតាង ឬ​ឯកសារ​ផ្សេងៗ​ដែលមាន​ប្រយោជន៍​ក្នុង​រឿងក្ដី​នេះ អមដោយ​មេធាវី​ជនជាតិ​ថៃ​ផង​ដែល​ការពារ​ផល​ប្រ​យោ​ជ​ជនរងគ្រោះ ៕

ទីតាំងផ្សាយពាណិជ្ជកម្ម

- Advertisment -

Most Popular