Home ព័ត៌មានអន្តរជាតិ ស្ត្រី​អង់គ្ល...

ស្ត្រី​អង់គ្លេស​អាយុ ៩០ ឆ្នាំ​ក្លាយជា​មនុស្ស​ដំបូង​គេ​ក្នុង​ពិភពលោក ដែល​ចាក់​វ៉ាក់សាំង​កូវី​ដ​១៩​របស់​ក្រុមហ៊ុន Pfizer

​ប្រែ​សម្រួល : កញ្ញា​ដា​លី ៖ ស្ដ្រី​វ័យ​៩០​ឆ្នាំ​ម្នាក់​មក​ពី​ទីក្រុង​ខូវិ​នទ្រី​របស់​អង់គ្លេ​សបា​ន​ក្លាយជា​មនុស្ស​ដំបូង​គេ​បង្អស់​ក្នុង​ពិភពលោក ដែល​ចាក់​វ៉ាក់សាំង​ការពារ​វីរុស​កូរ៉ូណា​របស់​ក្រុមហ៊ុន Pfizer ខណៈ​ដែល​ប្រទេស​នេះ​ចាត់​វិធានការ​ដ៏​មហិមា​ឆ្ពោះ​ទៅរក​ការបញ្ចប់​ជំងឺ​រាតត្បាត​។​

​ទីភ្នាក់ងារ​សុខភាព​ជាតិ​អង់គ្លេស (NHS) នៅ​ព្រឹក​ថ្ងៃ​អង្គារ​នេះ​បាន​ចាប់ផ្តើម​ចាក់​វ៉ាក់សាំង​ទ្រង់ទ្រាយ​ធំ​បំផុត​ក្នុង​ប្រវត្ដិសាស្ដ្រ​អង់គ្លេ​សនៅ​មន្ទីរពេទ្យ​ចំនួន ៥០​កន្លែង​ដែល​អាវុធ​ថ្មី​របស់​ចក្រភព​​អង់គ្លេស​ក្នុង​សង្គ្រាម​ប្រឆាំង​នឹង​កូវី​ដ​១៩​កំពុង​ចាក់ទៅលើ​មនុស្ស​ដែល​មាន​អាយុ​៨០​ឆ្នាំ​ឡើង និង​បុគ្គលិក​ពេទ្យ​ក៏ដូចជា​បុគ្គលិក​មណ្ឌល​សុខភាព​នៅ​ជួរមុខ និង​អ្នក​ងាយ​រងគ្រោះ​ដទៃទៀត​។​

​នៅ​ម៉ោង ៦៖៣០ នាទី​ព្រឹក​ថ្ងៃ​អង្គារ​នេះ លោកស្រី ម៉ា​ហ្គា​រ៉េត ឃី​ណាន់ ដែល​នឹង​មាន​អាយុ ៩១ ឆ្នាំ​នៅ​សប្តាហ៍​ក្រោយ គឺជា​មនុស្ស​ដំបូង​គេ​នៅលើ​ពិភពលោក​ដែល​ទទួលបាន​វ៉ាក់សាំង​ពី​ក្រុមហ៊ុន Pfizer ចាប់តាំងពី​វា​ត្រូវបាន​អនុម័ត​ដោយ​និយតករ​អង់គ្លេស ដោយ​លោកយាយ​ហៅ​វា​ថា​ជា “​កាដូ​ខួបកំណើត​ដំបូង​បំផុត​ដែល​ខ្ញុំ​ប្រាថ្នា​ចង់បាន​”​។​

​រដ្ឋមន្ត្រី​សុខាភិបាល​អង់គ្លេស​លោក ម៉ាត់ ហាន​ខុក និយាយថា គាត់​ហូរ​ទឹកភ្នែក នៅ​ពេល​គាត់​មើល​លោកស្រី​ឃី​ណាន់​ទទួល​វ៉ាក់សាំង​នៅ​ព្រឹក​នេះ បន្ទាប់​ពី​ឆ្លងកាត់​ឆ្នាំ​២០២០​ដ៏​លំបាកលំបិន​។ ដោយឡែក លោកនាយក​រដ្ឋមន្ត្រី​បូរី​ស ច​ន​សុន បាន​សរសេ​រលើ Twitter ថា “​ថ្ងៃនេះ​ការចាក់​វ៉ាក់សាំង​ដំបូងបង្អស់​នៅ​ចក្រភព​អង់គ្លេស​ប្រឆាំងនឹង​ជំងឺ​កូវី​ដ​១៩​ចាប់ផ្តើម​។ អរគុណ NHS របស់​យើង​អរគុណ​​អ្នកវិទ្យាសាស្ត្រ​ទាំងអស់ ដែល​ប្រឹងប្រែង​យ៉ាងខ្លាំង​ដើម្បី​បង្កើត​វ៉ាក់សាំង​នេះ​សម្រាប់​អ្នកស្ម័គ្រចិត្ត​ទាំងអស់គ្នា និង​អរគុណ​ចំពោះ​អ្នក​រាល់គ្នា ដែល​បាន​គោរព​តាម​ច្បាប់​ដើម្បី​ការពារ​អ្នកដទៃ​។​យើង​​នឹង​ផ្តួល​ជំងឺ​នេះ​ជាមួយគ្នា​”៕

លោកយាយ​ឃី​ណាន​ចាក់​វ៉ាក់សាំង​កូវី​ដ​១៩​មុន​គេ​នៅ​អង់គ្លេស

នាយករដ្ឋមន្រ្តីអង់គ្លេស​មើលការចាក់វ៉ាក់សាំងជូនមនុស្សចាស់ៗកាលពីថ្ងៃអង្គារ

ទីតាំងផ្សាយពាណិជ្ជកម្ម

- Advertisment -

Most Popular