Home ព័ត៌មានជាតិ នយោបាយ សម្តេច​ចក្រី ...

សម្តេច​ចក្រី ហេង សំរិន អំពាវនាវ​សមាជិក សមាជិកា រដ្ឋសភា​ទាំងអស់ចូលរួម​ទិញ​វ៉ាក់សាំង​ការពារ​ជំងឺ​កូ​វីដ​-១៩ ដើម្បី ចាក់ ជូន​ពលរដ្ឋ​ដោយ​ឥតគិតថ្លៃ​

ដោយៈ​សុផល​/​ភ្នំពេញ​៖​ដើម្បី​ចូលរួមចំណែក​ជាមួយ​រាជរដ្ឋាភិបាល​សម្តេច​អគ្គ​មហា​ពញា​ចក្រី​ហេង​សំរិន​ប្រធានរដ្ឋសភា​បាន​បរិច្ចាគ​ប្រាក់បៀវត្ស​ផ្ទាល់ខ្លួន ក្នុង​មួយខែ ៨​លាន​រៀល រយៈពេល ៦​ខែ ចាប់ពី​ខែធ្នូ​ឆ្នាំ​២០២០​តទៅ​សម្រាប់​ចូលរួម​ទិញ​វ៉ាក់សាំង​ការពារ​ជំងឺ​កូ​វីដ​-១៩ ដើម្បី ចាក់ ជូន​ពលរដ្ឋ​យើង​ដោយ​ឥតគិតថ្លៃ​។​

សម្តេច​អគ្គ​មហា​ពញា​ចក្រី​ហេង​សំរិន​ប្រធានរដ្ឋសភា​

នៅក្នុង​សារលិខិត​មួយ​ជូន​ជនរួមជាតិ​សម្តេច​ប្រធានរដ្ឋសភា​សូម​សម្តែង​ការកោតសរសើរ​ដល់​រាជរដ្ឋាភិបាល​ដែលជា​និច្ចកាល​តែ​បានគិត​គូរ និង​យកចិត្ត ទុក ដាក់​ខ្ពស់ ដល់​សុខុមាលភាព​ប្រជាពលរដ្ឋ ជាពិសេស ក្នុងដំណាក់កាល​ជួប វិបត្តិ​កូ​វីដ​-១៩ ដោយបាន​ដាក់ចេញ​នូវ វិធានការ​យ៉ាង​ម៉ឹង មាត់ និង​គ្រប់​ជ្រុង ជ្រោយ ក្នុងការ​ប្រយុទ្ធប្រឆាំង​ជំងឺ​កូ​វីដ​-១៩​។​

​ជាមួយគ្នានេះ សម្តេច​ចក្រី​សូម​លើកទឹកចិត្ត ដល់​សមាជិក សមា​ជិ កា រដ្ឋសភា​ទាំងអស់ មេត្តា​ចូលរួមចំណែក​ជាមួយ​រាជរដ្ឋាភិបាល នៅក្នុង​បេសកកម្ម មនុស្សធម៌ ដ៏​ឧ​ត្តុ​ង្គ ឧ​ត្ត​ម នេះ តាម​លទ្ធភាព​រៀងៗ​ខ្លួន ដើម្បី​ចូលរួម​ថែរក្សា​ការពារ​សុខភាព​ប្រជាពលរដ្ឋ​យើង​។​

​ជាថ្មី​ម្តងទៀត ខ្ញុំ​សូម​អំពាវនាវ​ដល់​ជនរួមជាតិ​ទាំងអស់​ដែល​ជាប់​ពាក់ព័ន្ធ​ព្រឹត្តិការណ៍​សហគមន៍​២៨​វិច្ឆិកា មេត្តា​បន្តធ្វើ​ច​ត្តា​ឡី​ស័ក និង​ធ្វើតេស្ត​លើក​ទី​២​និង​លើក​ទី​៣ តាម​ការកំណត់​របស់​ក្រសួងសុខាភិបាល ឲ្យ ហ្មត់ចត់ ត្រឹមត្រូវ ដើម្បី​ទប់ស្កាត់​កុំ​ឲ្យ​ជំងឺ​កូ​វីដ​-១៩ បង្ករ​ជា​គ្រោះមហន្តរាយ​ធ្ងន់ធ្ងរ ដល់​សង្គម ជាតិ​យើង​។​

​សម្តេច​ប្រធានរដ្ឋសភា​ក៏​សូម​អំពា​វា​នាវ​ដល់​ជន​រួម​ទាំងអស់​បន្ត​អនុវត្ត​ឲ្យ​បាន​ខ្ជាប់ខ្ជួន​រាល់​វិធានការ​ការពារ ទាំង ឡាយ ដែល​បាន​ដាក់ចេញ ដោយ​ក្រសួងសុខាភិបាល ដូចជា​ត្រូវ​ពាក់​ម៉ាស​ជានិច្ច គួរ​ជៀសវាង ការ ជួប ជុំគ្នា ដែលមាន​មនុស្ស​ច្រើន ត្រូវ​រក្សា​គម្លាត​សង្គម​និង​បុគ្គល និង​ឧស្សាហ៍​លាង​សម្អាត​ដៃ ជា ប្រចាំ ហើយ​មិនត្រូវ​ចេញពីផ្ទះ​ឡើយ បើ​មិនមាន​ការចាំបាច់​។​

​សម្តេច ហេង សំរិន បានឱ្យដឹង​ផងដែរ​ថា​៖​នៅថ្ងៃនេះ​សម្តេច​និង​សមាជិកគ្រួសារ ដែល​បាន​ពាក់ព័ន្ធ​នឹង​ព្រឹ​ត្ត​ការណ៍​២៨​វិច្ឆិកា បានធ្វើ​តេស្ត​លើក​ទី​២ ផង ដែរ​។ សុខភាព​យើងខ្ញុំ​ទាំងអស់​មាន​លក្ខណៈ​ល្អប្រសើរ​ជាធម្មតា ហើយ​សម្តេច​និង​ក្រុមគ្រួសារ នឹង​បន្តធ្វើ ច​ត្តា​ឡី​ស័ក​ក្នុងផ្ទះ រហូត​គ្រប់​១៤​ថ្ងៃ​៕​សរន​

ទីតាំងផ្សាយពាណិជ្ជកម្ម

- Advertisment -

Most Popular