Home ព័ត៌មានជាតិ នយោបាយ មកដល់​ព្រលប់​...

មកដល់​ព្រលប់​ថ្ងៃទី​៨​ខែធ្នូ​នេះ​សប្បុរសជន​ចូលរួម​ថវិកា​បាន​ជាង​៣០​លាន​ដុល្លារ​,​ប្រមុខ​រាជរដ្ឋាភិបាល​បើក​គណនេយ្យ​ពី​បន្ថែមពីទៀត​គឺ​ វី​ង និង ​អេស៊ីលីដា​

ដោយ​៖​តារា​រិ​ទ្ធ​/​ភ្នំពេញ​៖មកដល់ពេលនេះ​សម្តេច​អគ្គមហាសេនាបតី​តេ​ជោ ហ៊ុន សែន ទទួលបាន​ថវិកា​ចំនួន​ប្រមាណ​ជាង ៣០ លាន​ដុល្លារ ហើយពី​សប្បុរស ជន​ដែល​បាន​បរិច្ចាគ​ដើម្បី​ចូលរួម​ជាមួយ​រាជរដ្ឋាភិបាល​កម្ពុជា​ដើម្បី​ទិញ​វ៉ាក់សាំង​ប្រឆាំង​កូ​វីដ​១៩ ។ នេះ​បើ​យោងតាម​សារ​របស់​ប្រមុខ​រាជរដ្ឋាភិបាល​កម្ពុជា​តាម រយៈ​ផេ​ក​ហ្វេ​សបុ​កនៅ​ព្រលប់​ថ្ងៃទី ៨ ខែ ធ្នូ ២០២០ ។​ 

​ប្រមុខ​រាជរដ្ឋាភិបាល​បាន​បង្ហោះ​សារ​ដែលមាន​ខ្លឹមសារ​ថា​៖«​បងប្អូន​ជនរួមជាតិ​ជាទីគោរព​ស្រឡាញ់​!​ស្មារតី​សាមគ្គីភាព​វប្ប​ធ​ម៍​នៃ​ការចែករំលែក​ក្នុងការ​ប្រយុទ្ធប្រឆាំង​ជាមួយ​កូ​វីដ​១៩ ក្នុងចំណោម​ប្រជាជន​កម្ពុជា​យើង​មាន​ធំ ធេង​មហាសាល​ដែល​បាន​ក្លាយជា​ខឿន​ការពារ​សុខភាព​របស់​ប្រជាជន​ដ៍​រឹងមាំ ។​មកដល់ពេលនេះថវិកា​ដែល​សប្បុ រសជន​ចូល​តាមតិច​តាមច្រើន​តាម​សទ្ធា​ជ្រះថ្លា​មាន​ប្រមាណ​ជាង​៣០​លាន​ដុល្លារ​។​ដោយមាន​សំណូមពរ​ពី​ប្រជាជន​យើង​ខ្ញុំព្រះករុណាខ្ញុំ​សុំ​បន្ថែ ម​គណនី​២​ទៀត​នៅ​ធនាគារ​អេស៊ីលីដា​និង​ភ្នាក់ងារ​វី​ង​ដែល​អាច​ផ្ទេរ​ជា​ប្រាក់រៀល​និង​ប្រាក់​ដុល្លារ​ដោយ​មិនមាន​ការបង់​សេវា ។ សម្រាប់​វី​ង​ចំពោះ​ប្រាក់រៀល​គឺ 9992, ប្រាក់​ដុល្លារ​គឺ 9991 ។ ចំពោះ​អេស៊ីលីដា​ប្រាក់រៀល​គឺ 00010556999989, ចំពោះ​ប្រាក់​ដុល្លារ​គឺ 00010556999999»​។

​សម្តេច​តេ​ជោ ហ៊ុន សែន បាន​បន្តថា​៖«​សូម​ជនរួមជាតិ​យើង​ដែល​ចង់​ចូលរួម​ផ្ញើ​ប្រាក់​តាមរយះ​លេខ​គណនី​ខាង លើនេះ​ដើម្បី​ចូលរួម​ទិញ​វ៉ាក់សាំង​ប្រឆាំង​កូ​វីដ១៩​ ដែល​ខ្ញុំព្រះករុណាខ្ញុំ​មានបំណង​ចាក់​ជូន​ប្រជាជន​ឱ្យបាន ​១០​លាន​នាក់​ដែល​ត្រូវការ​វ៉ាក់សាំង​រហូត​២០​លាន​ដូ​ស​និង​តម្រូវការ​ចំពោះមុខ​នា​ដំណាក់កាល​ទី មួយចំនួន​១​លាន​ដូ​ស​សម្រាប់​ចាក់​ជូន​៥០​ម៉ឺន​នាក់​ដែល​កំពុង​បំពេញការងារ​នៅ​កន្លែង​ដែលមាន​ហានិភ័យ​និង​កំពុងមាន​ហានិភ័យ​ដែល​អាទិភាព​ផ្តល់ជូន​គ្រូពេទ្យ គ្រូបង្រៀន កម្លាំងប្រដាប់អាវុធ​គ្រប់​ប្រភេទ នគរបាល​យុ​ត្តិ​ធ​ម៍​គ្រប់​ប្រភេទ រហូតដល់​កម្មករ​បោស​សំរាម​សំអាត​ទីក្រុង​ទីប្រជុំជន ។​ល​។​ដែល​ត្រូវ​ទទួលបាន​នៅ​ដំណាក់​កាល​ទីមួយ​នេះ​។​ខ្ញុំព្រះករុណាខ្ញុំ​ជឿជាក់ថា​កម្ពុជា​យើង​ពិតជា​អាចធ្វើ​បាន​ក្នុង​ស្មារតី​សាមគ្គី​និង​ការចូលរួម​ដូច​សព្វថ្ងៃនេះ​»៕​

ទីតាំងផ្សាយពាណិជ្ជកម្ម

- Advertisment -



Most Popular